2 DATU 6:12 - Sura' Madatu

¹² Nakuami tu misa’ to mase’ponna: Tae’ nasusito, puangku datu, sangadinna Elisa nabi dio Israel umpokadanni datu Israel tu mintu’ kada mipokada, moi nalan inan kamammarammi minii umpokadai.

2 DATU 6:12 ပူးပေါင်းရင်းမြစ်များ

2 DATU 5:26

Apa nakua tu Elisa lako: Tae’raka naula’ko penaangku, tonna messaile tu tau sia mengkalao dao mai karetana untammuiko. Attu iarakate tu sipatu dinii unnala salaka iato, ba’tu unnala pakean, ba’tu garonto’ saitun sia pa’lak anggoro’ sia domba sia sapi sia kaunan muane sia kaunan baine?

2 DATU 5:3

Nakuami lako puangna baine: Iakenna la dio olona nabi dio Samaria tu puangku, la napamondo tu sakinna puangku.

2 DATU 5:8

Iatonna rangii Elisa, taunNa Puang Matua, tu diona datu to Israel usse’bu-se’bu pakeanna, nasuami tu pesua lako datu, nakua: Ma’apai ammi se’bu-se’bui tu tamangkalemi? Melo ke saei lako kaleku tu tau iato, anna issanni, kumua den nabi dio lu to Israel.

2 DATU 6:11

Belanna dionato napotiangka’mi penaanna datu Aram, natambaimi tu mintu’ to mase’ponna sia ma’kada lako nakua: Tae’raka mila umpokadanna’, mindantara sikangkolo’ datu Israel?

2 DATU 6:13

Ma’kadami tu datu nakua: Malekomi mitiroi, ba’tu umba nanii; kumane ussua tau untingkanni. Naparampomi tau lako nakua: Manassa dio Dotan.

KATASSURAN 8:3

Naurungan iatu salu Nil umpasikarangan tokko’ tassu’, anna kendek langngan tongkonan layukmu sia la tama bilik patindoammu, ondongpi la langngan inan mamma’mu, sia tama banuanna mintu’ to mase’ponmu sia mintu’ taummu sia tama dapo’mu sia tama pa’ta’pungammu.

SARAMBU PEADA’ 21:30

Tae’ tu kakinaan sia tae’ tu tangnga’ kinaa, tae’ duka tu bisara, ke umpennoloiki’ PUANG.

TOMANGADA’ 10:20

Da mugatai tu datu, moi nalan pa’tangngarammu, sia da mugatai tu tosugi’ lan bilik kamammarammu, nabaa manii manuk-manuk dao langi’ tu gamarammu sia napa’peissanan manii dassi tu apa mupokadanna.

YESAYA 29:15

Upu’ allona tu to ullammakanni PUANG tu lalan tangnga’na sia iatu mai to naluang kamalillinan tu gau’na sia iatu to ma’kada kumua: Mindara la untiroki’ sia mindara la unnissanki’?

YESAYA 8:10

Iatu apa mikombongan, inang tang la danun; iatu kada misama turu’i, tang la lolo’, belanna Narondongkan Puang Matua.

DANIEL 2:47

Mebalimi tu datu lako Daniel nakua: Tonganna iatu Kapenombammu, Iamo Puang Matua undaoanni mintu’ deata sia Puangna mintu’ datu, sia Iamo umpaombo’i tu mai rasia: iamoto mubelai umpaombo’i te rasia iate.

AMOS 3:7

Manassa tae’ Napogau’i Puangta PUANG tu mintu’ apa, ke tae’pi Napasamboi tu pa’timbanganNa lako taunNa, iamotu mintu’ nabi.