2 DATU 6:10 - Sura' Madatu

¹⁰ Nasuami datu Israel tu surodadu lako tu inan napokadanni taunNa Puang Matua sia napa’pakilalan, naurunganni ungkatangkinni kalena, sia tangia pissan ba’tu penduan mannamo susito.

2 DATU 6:10 ပူးပေါင်းရင်းမြစ်များ

1 DATU 20:15

Mangkato nabilangmi Ahab tu mai pia muane arungna lembang, den dua ratu’ tallungpulo ndua tau, namane umbilangi tu to buda, iamotu mintu’ to Israel, den pitungsa’bu.

2 DATU 13:14

Iatonna masaki tu Elisa, tu saki napobannang mate, saemi tu Yoas, datu to Israel lako kalena anna tumangi’ dio olona sia ma’kada nakua: O ambe’ku, ambe’ku! Karetana sia pakkanarangna to Israel!

2 DATU 2:12

Iatonna tiroi Elisa tu apa iato, metambami nakua: O ambe’ku, ambe’ku! Karetana sia pakkanarangna to Israel! Ta’kala natae’mo natiro. Nalalakkimi tu pakeanna, naserekki napa’dua.

2 DATU 5:14

Iamoto malemi rokko sia unnukkun pempitu diong salu Yordan, susitu kadanna taunNa Puang Matua; mondomi sule tu kalena susito kalena misa’ pia mangura sia maseromo.

2 DATU 6:11

Belanna dionato napotiangka’mi penaanna datu Aram, natambaimi tu mintu’ to mase’ponna sia ma’kada lako nakua: Tae’raka mila umpokadanna’, mindantara sikangkolo’ datu Israel?

2 DATU 6:9

Nasuami taunNa Puang Matua tu pesua lao umparampoi lako datunna Israel, nakua: Katangkinni tu kalemi lendu’ inde to dio, belanna iatu to Aram mengkalaomo dio.

2 OSSORANNA DATU 20:20

Iatonna masiang melambi’, ke’de’mi tu tau iato mai lako padang pangallaran Tekoa. Iatonna ke’de’, malemi lako tingayo tu Yosafat sia ma’kada nakua: Perangiina’, e to Yehuda sia to untongkonni Yerusalem, katappa’i tu PUANG, Kapenombammi, ammi dipamanda’, katappa’i tu mai nabinNa, ammi maupa’.

SARAMBU PEADA’ 27:12

Iatu to manarang, ke natiroi tu kamandasan, male umpentilindungan kalena, apa iatu to tang unnampui tangnga’ melo umpatarru’ bang pa’inaanna anna ruai kamandasan.

YEREMIA 11:18

PUANG umpaissannina’ tu iannato, iamoto angku issanni; attu iato Mipaombo’i lako kaleku tu penggauranna tau iato mai.

MATIUS 2:12

Iatonna patudumi Puang Matua tinde tau lan tindona kumua da nasule lako Herodes, sulemi tinde tau lako tondokna unnola lalan senga’.

MATIUS 3:7

Apa iatonna tiroi, buda tu to Farisi sia to Saduki sae duka la ma’popedio’, nakuami lako: E bati’ ula’ rame, mindara umpatudukomi umpallaian kalemi dio mai tu kasengkean la sae undinna?

PENGGAURANNA RASULU’ 27:24

nakua: Da mumataku’, Paulus! Tae’ nasalai tang mennoloko dio olona datu kapua, tiromi Nasorongmo Puang Matua lako kalemu tu mintu’ to musolan massombaran.

IBRANI 11:7

Bannang dio dukamora kapatonganan na iatu Nuh, tonna mangkamo Puang Matua umpokadanni tu diona apa tang dikitapa, ungkasiri’mi Puang Matua napasakka’i tu lembang iato la umpamakarimman mintu’ to lan banuanna; tete dio kapatongananna napasalai tu mintu’ issinna lino, anna pomana’ kamaloloan tu situru’ kapatonganan iato.