2 DATU 6:1 - Sura' Madatu

¹ Den pissan ma’kadami tu passikola nabi lako Elisa nakua: Tiromi tu inan dio tingayomi tu kinii torro, tarru’ si’pi’kan.

2 DATU 6:1 ပူးပေါင်းရင်းမြစ်များ

1 DATU 20:35

Attu iato ma’kadami tu misa’ passikola nabi lako solana tete dio kadanNa PUANG, nakua: Bambana’! Apa noka tu tau iato umbambai.

2 DATU 2:15

Iatonna tiromi mintu’ passikola nabi dio Yerikho, tu bendan mambela, nakuami: Manassa iatu penaanna Elia diomo Elisa. Saemi tu tau iato mai umpessitammui Elisa, anna tukku rokko padang menomba dio olona.

2 DATU 2:3

Attu iato tassu’mi tu mintu’ passikola nabi, tu torro dio Betel, lako Elisa sia mekutana lako nakua: Miissan siaraka, kumua allo iate la Naangka’ PUANG tu puangmi dao mai ulummi? Mebali nakua: Kuissan duka sia; kappakomi.

2 DATU 2:5

Attu iato saemi tu mintu’ passikola nabi dio Yerikho lako Elisa sia mekutana lako nakua: Miissan sia raka, kumua allo iate la Naangka’ PUANG tu puangmi dao mai ulummi? Mebali nakua: Kuissan duka sia; kappakomi.

2 DATU 2:7

Limangpuloi dio mai mintu’ passikola nabi male duka, anna bendan mambela dio mai tau iato mai, tonna bendan sola duai dio biring Yordan.

2 DATU 4:1

Denmi misa’ tu mintu’ bainena passikola nabi mengkamoya lako Elisa sia ma’kada nakua: Iatu taummi, muaneku, matemo sia miissan kalena, kumua iato taummi mengkaola lako PUANG. Na totemo saemo to ma’paindan la unnalai tu anakku da’dua la napokaunan.

2 DATU 4:38

Undinnato sulemi tu Elisa lako Gilgal, tonna karorian lan tondok iato. Iatonna marassan tu mintu’ passikola nabi unno’ko’ dio tingayona, ma’kadami lako taunna nakua: Patonangngi tu kurin kapua, ammu tolloranni utan tu mai passikola nabi.

2 DATU 6:2

Elorangkan male lako Yordan, angki pada unnala lentong simisa’, kipabendan banua inde to, la kinii torro’. Ma’kadami nakua: Malemokomi.

AYUB 36:16

Susimoto tu Puang unnarankomi lan mai sadang kamaparrisan lu lako padang malona’, tu tae’ anggenna, sia lako medamu, tu munii kumande manaman sia ponno kande sanda malompo.

IBRANI 11:34

umpapa’de kamasarrangan api, ullendokan kalena dio mai mata pa’dang, malamma’ anna memmawatang, sia lalong lan kapararian, sia untalo russun mintu’ to pararinna uali naurunganni mallai.

YOSUA 17:14

Ma’kadami tu bati’na Yusuf lako Yosua, nakua: Ma’apari, ke sanglotereianni anna sangtaanri mibenkan kipotaa mana’, anna kami te misa’kan to marapuan, belanna PUANG umpamaupa’kan sae lako allo totemo.

YOSUA 19:47

Belanna iatu lili’na to Dan dio si’pi’ napa’tondokki, iamoto nake’de’ tu to Dan urrarii Lesem. Natalomi sia napatei pa’dang tu tau lan sia naalamo nanii ma’tondok, nasangaimi Dan tu Lesem napasikona sanganna Dan, ambe’na.

1 SAMUEL 19:20

Nasuami Saul tu ba’tu pira-pira tau male unnala Daud dio mai. Iatonna rampomo tu tau iato mai, natiromi tu kasirampunan nabi, marassan tiakka’ penaanna ma’nubua’, na Samuel bendan umpangului. Narampoimi PenaanNa Puang Matua tu mintu’ pesuanna Saul, naurungan tau iato mai tiakka’ duka penaanna ma’nubua’.