2 DATU 5:27 - Sura' Madatu

²⁷ Iamoto, iatu golenna Naaman la le’ke’ lako kalemu sia lako ampo bati’mu sae lakona. Iatonna soro’mo tu Gehazi dio mai kalena, golenanmi, mabusa susi ambun makko.

2 DATU 5:27 ပူးပေါင်းရင်းမြစ်များ

2 SAMUEL 3:29

Iatu rara iato nata’pa daomora ulunna Yoab sia mintu’ rapunna. Lan banuanna Yoab tang la ka’tu tau nakasunni rara sia golenan sia kupi’ anna ma’tekken sia nakande pa’dang sia karorian.

2 DATU 15:5

Naparuai parri’ PUANG tu datu, naurunganni golenan sae lako allo kamateanna, anna ma’banua torro senga’, na Yotam anakna datu, umpangului tu tongkonan layuk sia umparenta mintu’ pa’tondokan.

2 DATU 5:1

Iatu Naaman, kamandang lompona datu Aram, iamo misa’ to napakala’bi’ tongan puangna, sia mandu dipakaraya, belanna tete dio kalena anNa pa’kamaseanni PUANG tu kapataloan lako to Aram. Iatu tau iate, iamo misa’ to lalong, apa golenan.

KATASSURAN 20:5

Da’ mutukku umpenombai sia da’ mupengkaolai, belanna Akumo PUANG, Kapenombammu, Kapenomban manoka ditimba oloNa, tu umpapakkanni kakelokanna mintu’ ambe’ lako anakna, sae lako osso’ ma’pentallunna sia ma’penna’pa’na tu mintu’nato ungkabiri’Na’,

KATASSURAN 4:6

Ma’kada pole’mi tu PUANG lako kalena, Nakua: Ulumi tu limammu tama ara’ bayummu. Naulumi tu limanna tama ara’ bayunna, anna patassu’i sule; mangngami: iatu limanna golenan mabusa susi ambun makko.

HOSEA 10:13

Untengkomokomi katangmekaalukan sia urrampunmokomi kakadakean; ungkandemokomi bura padang kamo’rangan, belanna murannuammo tu lalanmu sia kabudanna to lalongmu.

SURA’ KATOMINAAN 13:10

Iake natiromi to minaa sia payan kumua den duku’ mabusa kambang dio kuli’na, tu umpamabusa bulunna, ba’tu naniimo tuo duku’ kadake dio to’ kambang iato,

SURA’ KATOMINAAN 13:25

la natiro to minaa; na iake payanmi kumua membali mabusamo tu bulu dio pano iato sia iake payanmi kumua mandu mandalan na kuli’na, manassamo golen tu la dio pangla’poan iato; na to minaa la umpamanassai kumua maruttak; iamoto tu golen.

KADIBILANGAN 12:10

Iatonna tiangka’mo tu gaun dao Tenda Kasitammuan, pakalan golenammi tu Miryam susito ambun makko. Iatonna messailemo tu Harun lako Miryam, natiromi tu misa’ to golenan.

PENGGAURANNA RASULU’ 5:10

Songka bangsiami diong to’ lentekna Petrus, nata’pa ka’tu penaanna. Tamami tu mai to mangura, nakabu’tui matemo tinde baine; nabullemi lako salian nalamunni dio to’ sa’dena muanena.

PENGGAURANNA RASULU’ 5:5

Iatonna rangii Ananias tu kada iate songkami, naka’tu penaanna. Lendu’mi mataku’na tu mintu’ to urrangii tu iannato.

PENGGAURANNA RASULU’ 8:20

Apa nakua Petrus ungkuanni: Masolang tu doi’mu sola kalemu, belanna musanga ma’din dialli doi’ tu pa’kamasaeanNa Puang Matua.

1 TIMOTIUS 6:10

Belanna iatu kabasisi-inaan lako doi’, iamo garonto’na mintu’ kakadakean; na iatu to undaka’nai tu iannato, pusamo diona kapatonganan sia umpatamai bungin lassu kalena.

YOSUA 7:25

Ma’kadami tu Yosua, nakua: Susitu kami muparampoi kamandasan susi dukato la Naparampoiko PUANG kamandasan allo iate. Nasileba’-leba’imi batu mintu’ to Israel, sia naballa api, namane ullolinni batu dao.

2 PETRUS 2:3

Belanna kabasisi-inaanna nala undaka’ saro dio mai kalemi umpokada kada passede. Masaimo tumaya tu ukungan la urrampoi sia ia duka tu kasangganganna ma’kampa bangmo.