2 DATU 5:25 - Sura' Madatu

²⁵ Mangkato tamami tu Gehazi sia bendan la mennolo lako puangna. Nakuami tu Elisa lako: E Gehazi, umbara munii sule? Mebalimi nakua: Tae’ra namale-male tu taummi.

2 DATU 5:25 ပူးပေါင်းရင်းမြစ်များ

KADADIAN 16:8

Nakuami: E Hagar, kaunanna Sarai, bu’tu umbako nii naumba la muola? Mebalimi: Mallaimo’ dio mai puangku Sarai.

KADADIAN 4:9

Nakuami PUANG lako Kain: Umbami tu adimmu, Habel? Mebalimi: Tae’kuissanni; akuraka ungkampai adingku?

2 DATU 20:14

Attu iato saemi nabi Yesaya mennolo lako datu Hizkia, anna mekutana lako datu, nakua: Apara napokada tu tau iato mai sia umbara nanii sae ussitiroan puangku? Mebalimi Hizkia nakua: Iatu tau iato sae lako kaleku lu dio mai tondok mambela, iamotu Babel.

2 DATU 5:22

Mebalimi nakua: Malaga’-laga’ sia. Nasuana’ puangku umpokadangkomi nakua: Mane ina’ nasae tu da’dua pia muane, iamo passikola nabi dio mai buntu Efraim. La miben dikka’ salaka sangtalenta sia pakean mala’bi’ duang lamba’ sola duai.

2 OSSORANNA DATU 26:19

Sengkemi tu Uzia; na iatu dulang pantunuan dupa natoe. Sia iatonna marassan ussengkei tu mai to minaa, pakalan ku’ba’mi tu golen dio kidena dio tingayona mintu’ to minaa, lan banuanNa PUANG sikandappi’ inan pemalaran pantunuan dupa.

SARAMBU PEADA’ 30:20

Susimote tu lalanna baine pasandak salu lako rampanan kapa’: Ianna mangka kumande napa’diimi tu pudukna, anna ma’kada, nakua: Tae’ kupogau’ kadake.

YEHEZKIEL 33:31

Rampomi tu tau iato mai mati’ kalemu ma’lole’-lole’, anna unno’ko’ dio tingayomu susito kombongangKu sia naperangi tu kadammu, apa tae’ naturu’i; kada kaboro’ lan sadangna, apa iatu penaanna umparinaa-naa bang saro bu’tu kadake.

MATIUS 26:21

Marassanmo kumande, Nama’kada tu Yesu Nakua: Tonganna tongan Kukua lako kalemi kumua denkomi misa’ tu la umpa’peturoanNa’.

YOHANES 13:2

Iatonna katumimburan bongi, tonna mangka deata bulituk umpatudui lan penaanna tu Yudas Iskariot, anakna Simon, la umpa’peturoan Yesu,

1 SAMUEL 10:14

Ma’kadami tu pa’amberanna Saul lako Saul sia lako taunna, nakua: Umbara minii sule sola dua? Mebalimi nakua: Laokan undaka’i tu keledai birang; apa iatonna tae’mo kitiro, malemokan lako Samuel.