2 DATU 5:20 - Sura' Madatu

²⁰ ma’tangnga’mi tu Gehazi, taunna Elisa, taunNa Puang Matua: Nakatirinnai puangku tu Naaman, to Aram iate, natae’ naalai tu apa-apa nabaa! La lelukraka tuoNa PUANG, inang la ma’dondona’ unnula’i, angku alai tu apa dio mai kalena.

2 DATU 5:20 ပူးပေါင်းရင်းမြစ်များ

1 DATU 17:1

Attu iato ma’kadami tu Elia, to Tisbe, dio mai Tisbe, lili’na Gilead, lako Ahab, nakua: La lelukraka tuoNa PUANG, Kapenombanna to Israel, tu kupengkaolai: manassa tae’ nala den damo’ sia tae’ nala sae uran lan te ba’tu pirang-pirang taun, ke tae’i angku pokadai.

2 DATU 13:19

Re’dekmi ara’na tu taunNa Puang Matua lako, sia ma’kada nakua: Iakemmi bambai pellima ba’tu pennannan, manassa la mitalo tu to Aram sae lako sanggangna tu tau iato mai. Apa totemo pentallunri mitalo tu to Aram.

2 DATU 4:12

Nakuami lako Gehazi to ma’kamayana: Tambai tu baine to Sunem. Natambaimi anna bendan dio olona.

2 DATU 4:25

Susito malemi anna rampo lako taunNa Puang Matua dao buntu Karmel. Iatonna tiromi taunNa Puang Matua tonna mambela-belapa, ma’kadami lako Gehazi taunna, nakua: Tiromi saemo tu baine to Sunem.

2 DATU 4:31

Iatu Gehazi dolo ia male na iatu tau sola duai, napatorroi tu tekken dao to’ lindona tu pia; apa tae’ra gamara dirangi sia tae’ra tanda pangingaranna. Sulemi nasitammu, anna pokadanni kumua: Iatu pia tae’ bang napandiu.

2 DATU 4:36

Natambaimi tu Gehazi, sia nakua lako: Tambai tu baine to Sunem. Iatonna tambaimi saemi tu baine iato lako kalena, anna ma’kada tu Elisa lako nakua: Angkarammi tu anakmi.

2 DATU 5:16

Apa nakua Elisa: La lelukraka tuoNa PUANG, tu kupengkaolai, inang tae’ kula unnalai. Moi nanaran-naran kumua anna alai, apa inang natampun.

2 DATU 5:21

Iamoto malemi tu Gehazi unnula’ Naaman. Iatonna tiromi Naaman, kumua den tau undi unnula’i, mekkondongmi dao mai karetana untammui sia ma’kada nakua: Malaga’-laga’ siaraka?

2 DATU 6:31

Sia ma’kada tu datu nakua: Nasanggangimora’ Puang Matua sia la narangnganni pole’pa, ke tae’i na allo ia bangsiamote dinii umpasisarakki tu ulunna Elisa, anakna Safat, dio mai kalena.

2 DATU 8:4

Sipa’kada bangsiapa datu tu Gehazi, to ma’kamayanna taunNa Puang Matua, nakua: Uleleanna’ tu mintu’ penggauran kapua tu napogau’ Elisa.

2 DATU 8:7

Saemi tu Elisa lako Damsyik tonna masaki tu Benhadad, datu to Aram. Naparampomi tau lako datu, kumua: Iatu taunNa Puang Matua diomo mai.

PA’PUDIAN 10:3

Belanna iatu to tang mekaaluk ussattuan kalena unturu’ lalan penaanna, sia iatu to mesaro bu’tu kadake untendeng kalena sia umpa’kada solangi PUANG.

KATASSURAN 20:17

Da’ mukailui banuanna padammu ma’rupa tau, da’ mukailui bainena padammu ma’rupa tau, ba’tu solana muane, ba’tu solana baine, ba’tu sapinna, ba’tu keledainna, ba’tu barang apanna padammu ma’rupa tau.

KATASSURAN 20:7

Da’ musa’bu’ punala bangi tu sanganNa PUANG, Kapenombammu, belanna tae’ Nabilang maseroi PUANG dio mai kasalan tu to ussa’bu’ punala bangi tu sanganNa.

SARAMBU PEADA’ 26:16

Iatu tu tukkunan ussanga kalena mandu kinaa na iatu pitu to umpebalii kada tongan.

YESAYA 48:1

Perangii te, e bati’na Yakub, tu ungganti kalena Israel, sia tu bu’tu lan mai kalimbuangna Yehuda, umposumpa sanganNa PUANG sia ungkatonganni Kapenombanna to Israel, – apa tae’ nasituang kamanapparan sia kamaloloan –

YEREMIA 22:17

Apa tae’ mikemata sia kepenaa dio kalemi, sangadinna ungkamoraikomi saro bu’tu kadake sia umpatibollo rarana to tang kasalan sia umpandasa sia umpakario-rio tau.

HABAKUK 2:9

Upu’ allona tu to urrampun saro bu’tu kadake lako to lan banuanna, tu unggaragai serangna dao inan madao, la urrampanan kalena dio mai pa’dammakna kamandasan.

MATIUS 10:4

sia Simon to parruk na Yudas Iskariot, tu mangka umpa’peturoan Yesu.

MATIUS 26:9

Belanna iatu minna’ ma’din dibalukan masuli’, nadipa’kamasean lako to mase-mase.

LUKAS 12:15

Nakuami lako tau iato: Kanandai sia kanannangi tu kalemi dio mai kabasisi-inaan, belanna tae’ na ia napotuo tau tu kala’bian ianan.

LUKAS 16:8

Napudi-pudimi puangna tinde to ma’kampa banua tang malolo, apa manarang umpasilolonganni tu iannato; ondong ia manarangna tu mintu’ to umbudanan katuoan lan lino lako solana na iatu to umpengkaolai kamaseroan.

YOHANES 13:2

Iatonna katumimburan bongi, tonna mangka deata bulituk umpatudui lan penaanna tu Yudas Iskariot, anakna Simon, la umpa’peturoan Yesu,

YOHANES 6:70

Nakuami Yesu mebali lako tinde tau: Tang mangkamorokomika Kupilei te tau sangpulo dua? Apa denkomi misa’ tu deata bulituk.

PENGGAURANNA RASULU’ 5:2

napatorro senga’mi sangsesena tu allinna, naissan duka bainena, nabaai tu sangsesena, napadiongi to’ lentekna rasulu’.

2 TIMOTIUS 4:10

Apa natampemo’ Demas, belanna napalosongmo te lino sia malemo ia lako Tesalonika; na iatu Kreskes male lako Galatia, na Titus male lako Dalmatia;

TITUS 1:7

Belanna iatu to ma’panundu’ la susito makatirinnanNa Puang Matua tae’ len sayuanna, da nato umpakapua penaanna, da nato madoi’ sengke, da nato pa’anggoro’, ba’tu to passiboboran, ba’tu to mesaro bu’tu kadake;

1 PETRUS 5:2

kambi’i tu mintu’ dombaNa Puang Matua tu mitage’na, da anna susito diparuku sangadinna la sanning penaa situru’ pa’poraianNa Puang Matua; sia da anna butung la morai mesaro bu’tu kadake, sangadinna naturu’ penaa kalebu;

1 SAMUEL 14:39

Belanna la lelukrika tuona PUANG, tu urrampanan to Israel, moi anna bu’tu dio anakku Yonatan tu kasalan, inang la dipatei. Moi misa’ tu mintu’ to buda tae’ umpebalii.