2 DATU 5:15 - Sura' Madatu

¹⁵ Mangkato sulemi lako taunNa Puang Matua la ia la mintu’ to unturu’i. Iatonna rampomo, bendanmi dio tingayona sia ma’kada nakua: Tonganna, totemo kutandaimo, kumua lan mintu’ lino tae’ Puang Matua sangadinna dio manna lu bangsa Israel. Tarimami te pa’kamasean dio mai taummi.

2 DATU 5:15 ပူးပေါင်းရင်းမြစ်များ

KADADIAN 33:11

Karangi te pa’kasiangku tu disorongammokomi, belanna Nakamaseammo’ Puang Matua sia mintu’na apa kuampui nasang. Naparuku-rukumi naurunganni ungkarangi.

1 DATU 13:7

Nakuami tu datu lako te taunNa Puang Matua: Maikomi anta lao lako banuangku, pabatta’i tu kalemi, angku benkomi misa’ pamengan.

1 DATU 18:36

Iatonna lambi’mi attunna dinii memala’ bongi, tassu’mi tu nabi Elia dio tingayona to buda nama’kada nakua: O PUANG, Kapenombanna Abraham, Ishak na Israel, allo iate melo, ke payanni, kumua Kamumo tu Kapenomban dio lu to Israel, sia akumo tu taumMi, na iatu mintu’ apa kupogau’ te unturu’ kadamMi.

2 DATU 19:15

Anna massambayang dio oloNa PUANG, nakua: O PUANG, Kapenombanna to Israel, tu unnisung dao karubion! Kamu, Kamu manna tu Kapenomban, pekapuanganna mintu’ kadatuan dao kuli’na padang; Kamumo tu mangka ungkombong langi’ sola lino.

2 DATU 19:19

Iamoto, o PUANG, Kapenombangki, lendokangkan dio mai kuasanna, anna issanni mintu’ kadatuan lan te lino, kumua Kamu mannari, o PUANG, tu Kapenomban.

2 DATU 5:8

Iatonna rangii Elisa, taunNa Puang Matua, tu diona datu to Israel usse’bu-se’bu pakeanna, nasuami tu pesua lako datu, nakua: Ma’apai ammi se’bu-se’bui tu tamangkalemi? Melo ke saei lako kaleku tu tau iato, anna issanni, kumua den nabi dio lu to Israel.

YESAYA 44:6

Nakua kadanNa PUANG, Datunna sia Pela’bakna Israel, PUANGna mintu’ ma’dandan maritik: Akumo pamulanna sia ma’katampakanna, nasaliananna Aku, tae’ tu Kapenomban senga’.

YESAYA 44:8

Da mitiramban sia mataku’. Tang tempon dioraka mai Kunii umpokadangkomi sia umpaissannikomi? Kamumo tu sa’bingKu: denraka tu Kapenomban senga’ saliananna Aku? Tae’ senga’na tu Buntu batu, tae’ Kutandai tu senga’na.

YESAYA 45:6

Anna issanni tau randuk dio mai kabu’tuan allo landa’ lako kabotoan kulla’, kumua saliananna Aku tae’ tu pekapuangan senga’; Akumo tu PUANG, tae’ senga’na,

DANIEL 2:47

Mebalimi tu datu lako Daniel nakua: Tonganna iatu Kapenombammu, Iamo Puang Matua undaoanni mintu’ deata sia Puangna mintu’ datu, sia Iamo umpaombo’i tu mai rasia: iamoto mubelai umpaombo’i te rasia iate.

DANIEL 3:29

Iamoto angku pa’parentanni, kukua lako mintu’ tau, dio mai mintu’ bangsa ba’tu sangpetayanan ba’tu ma’rupa-rupa basana tae’ duka misa’ dipasalian, ke umpa’kada solangi Kapenombanna Sadrakh, Mesakh na Abednego, tau iato mai la dita’tak-ta’tak sia iatu banuanna la dipopendaun lauan, belanna tae’ tu kapenomban senga’, tu ma’din merampanan susito.

DANIEL 4:34

Apa iatonna lendu’ nasangmo tu attu iato, mentingaramo’ langngan langi’ tu aku, Nebukadnezar, tibalikmi sule tama kaleku tu tangnga’ kinaangku, iamoto kupudimi tu Puang Patodoranna sia kupakala’bi’mo sia kupangke’mo tu Puang Tuo sae lakona, belanna iatu parentaNa misa’ parenta matontongan sia iatu kadatuanNa tontong siosso’.

ROMA 10:10

Belanna penaari anna ma’patongan tu tau naurunganni ungkabu’tui kamaloloan, apa dio puduk nanii tau mangaku naurunganni ungkabu’tui kamakarimmanan.

2 KORINTUS 9:5

Iamoto kusangai melo, ke kupalakui lako te siulu’, namale mati’ umpellambi’ikomi dolo, anna pasakka’ doloi tu pamengan kamasokanan mangka miallu’, anna sakka’ butung pamengan kamasokanan tangngia pamengan diparuku.

YOSUA 9:24

Mebalimi lako Yosua, nakua: Belanna dipamanassa tonganmo lako kaleki tu apa Napasan PUANG, Kapenombammi, lako Musa, taunNa, kumua Nakamaseimokomi mintu’ tondok sia Nasabu’i tu mintu’ to umpa’tondokki dio tingayomi, iamoto angki mataku’ tongan lako kalemi tu diona katuoangki; iamo napobannang to angki pogau’i te iannate.

YOSUA 9:9

Mebalimi tu tau iato nakua: Iate taummi sae dio mai tondok tarru’ mambela belanna sanganNa PUANG, Kapenombammi, belanna kirangimo tu karebanNa, iamotu mintu’ Napogau’na dio Mesir,

1 SAMUEL 25:27

Iate mintu’ pamengan napennoloan kaunanmi lako puang, la diben mintu’ taummi tu unturu’ bate lalanna puang.

1 SAMUEL 9:7

Nakuami tu Saul lako taunna: Apa iake laoki’, apa la tabenni tu tau iato, belanna puramo takande tu roti lan kandu’ta, moi misa’ tae’mo dio kaleta la tabenni tu taunNa Puang Matua. Ba’tu den siaparaka apa dio kaleta?