2 DATU 5:14 - Sura' Madatu

¹⁴ Iamoto malemi rokko sia unnukkun pempitu diong salu Yordan, susitu kadanna taunNa Puang Matua; mondomi sule tu kalena susito kalena misa’ pia mangura sia maseromo.

2 DATU 5:14 ပူးပေါင်းရင်းမြစ်များ

1 DATU 17:16

Iatu ta’pung lan kurin tae’ anna pura sia iatu minna’ lan tonde tae’ anna tappu, susitu kadanNa PUANG tu mangka Napokada nalopian Elia.

2 DATU 4:35

Mangkato, mengkalaomi sule, anna male pissan lu lako lu dio mai lan banua iato, mangkato kendekomi langngan, anna palumbangi tu kalena rokko. Ta’kala sumbaenmi pempitu tu pia anna bungka’i tu matanna.

2 DATU 5:10

Nasuami Elisa tu misa’ pesua umpokadanni nakua: Malemokomi, mimendio’ pempitu diong salu Yordan, namondo sule tu kalemi sia la maserokomi.

2 OSSORANNA DATU 20:20

Iatonna masiang melambi’, ke’de’mi tu tau iato mai lako padang pangallaran Tekoa. Iatonna ke’de’, malemi lako tingayo tu Yosafat sia ma’kada nakua: Perangiina’, e to Yehuda sia to untongkonni Yerusalem, katappa’i tu PUANG, Kapenombammi, ammi dipamanda’, katappa’i tu mai nabinNa, ammi maupa’.

AYUB 31:13

Iangku tang umbilangi katongananna kaunanku muane sia kaunanku baine, ke sisalana’ tu tau iato,

AYUB 33:25

Mandu manaman tu kalena na iatonna mangura, mentomalolle’omo sule.

KATASSURAN 4:7

Nakuami Puang: Pasulei tu limammu tama ara’ bayummu. Napasulemi tu limanna tama ara’ bayunna; iatonna patassu’i, mangngami: iatu limanna susi pole’mo kale senga’na.

SARAMBU PEADA’ 9:9

Pangada’i tu to kinaa, anna sakerangngan-rangnganna tu kakinaanna, ada’i tu to malambu’, anna kerangngan tu pa’inaanna.

SURA’ KATOMINAAN 13:58

Apa iatu sampin la bannang direndenna la pakkanna, ba’tu balulang digaragai ba’tu apa-apa tu mibusukki, iake pa’demi tu sanggangna, la dibusukki pole’, anna masero.

ZAKHARIA 13:1

Allo iato la tibungka’ tu misa’ kalimbuang lako bati’na Daud sia to lan Yerusalem la umbasei sia usseroi kasalan.

ZAKHARIA 14:8

Allo ia dukato ba’tu pira-pira kalimbuang boba la lolong lan mai Yerusalem, sesena la lu lako tasik rampe matallo na iatu sesena la lu lako tasik rampe matampu’; moi anna pealloan, moi anna attu madingin la dadi susito.

LUKAS 4:27

Ia duka tonna nabi Elisa buda to Israel golenan natae’ bangra misa’ dipamaleke sangadinna Naaman to Siria.

LUKAS 5:13

Nasoronganni Yesu lako tu limanNa, Nakaka’i, Nakua: Kuporai la malekemoko! Ta’pa mondo bangsiami tu golenna.

YOHANES 2:5

Nakuami indo’Na ungkuanni tu mintu’ to ma’paraka: Apa-apa Nakuangkomi, pogau’i.

TITUS 2:14

tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.

YOSUA 6:4

La pitu to minaa untangke pitu napiri tanduk domba sia lumingka dio tingayo patti. Apa ianna allo ma’pempitu la pempitukomi ullilingi tu kota, namukkun tu mintu’ to minaa umpannoni napiri tanduk domba.