2 DATU 4:42 - Sura' Madatu

⁴² Pakalan saemi tu misa’ muane dio mai Baal-Salisa, tu umban roti taunNa Puang Matua lan kandu’, iamotu bunga’ bura padang, duangpulo roti dalle sisikan sia passara’buk. Nakuami tu Elisa: Benni te mai to buda anna kandei.

2 DATU 4:42 ပူးပေါင်းရင်းမြစ်များ

1 DATU 14:3

Baako roti sangpulo sia deppa bua anggoro’ marangke sia tani’ enoan sangtonde, ammu male lako. Iamo la umpokadangko tu apa la dadi lako pia iate.

2 DATU 4:38

Undinnato sulemi tu Elisa lako Gilgal, tonna karorian lan tondok iato. Iatonna marassan tu mintu’ passikola nabi unno’ko’ dio tingayona, ma’kadami lako taunna nakua: Patonangngi tu kurin kapua, ammu tolloranni utan tu mai passikola nabi.

2 DATU 5:5

Ma’kadami tu datu Aram nakua: Malemoko, la kupa’peammo sura’ tu datu to Israel. Malemi nabaai tu salaka sangpulo talenta, sia annan sa’bunna sikele’ bulaan sia sangpulo lamba’na pakean mala’bi’.

2 DATU 7:1

Attu iato ma’kadami tu Elisa nakua: Perangii te kadanNa PUANG. Inde sia tu kadanNa PUANG nakua: Masiang susite, iatu ta’pung melo sangsea misa’ sikele’ allinna sia duang sea dalle sisikan misa’ sikele’ allinna dio to’ babangan Samaria.

KATASSURAN 23:16

Sia iapa tu pa’gauran pegandungan, iamotu bunga’ bura padangmu, tu muambo’ dio pa’lakmu: sia iapa tu pa’gauran pangrampunan bua-bua, ketappu’ taunmi ke urrampunko kara’tasammu dio mai pa’lak.

KADIBILANGAN 18:12

Iamotu mintu’ melona dio mai minna’ sia mintu’ melona dio mai uai anggoro’ ba’ru sia gandung, tu bunga’na dipennoloan PUANG, la Kubenko.

KADIBILANGAN 18:13

Iatu bunga’ pealanna dio mai mintu’na bura padang, tu dipennoloan lako PUANG, la mupotaa; minda-minda masero tu to lan banuammu ma’din ungkandei.

YOHANES 6:13

Narampunmi sangpulo dua karandang ponno tu titepu-tepunnamo tinde roti ba’tan lima, tu sesanna tau tonna mangka nasangmo kumande.

YOHANES 6:9

Inde sia tu pia misa’ den roti ba’tan dio lima na bale’-bale’ da’dua; apa apara bua’na to lako te tau pada budanna te?

1 KORINTUS 9:11

Iake unnambo’kan banne mempenaa lako kalemi, kapuamoraka angga’na, ke umpepareikan mentolinona dio mai kalemi?

GALATIA 6:6

Sipatu tu to diada’i kadanNa Puang umbenni kataananna tu to mangada’i.

PA’TOLE 12:6

Indemoto la minii umbaai tu mintu’ pemala’ ditunu pu’pu’mi sia pemala’ pangrere’mi sia mintu’ taa sangpulomi sia mintu’ pamengammi tu dipamarimbangan sia mintu’ pemala’ pangallonammi sia mintu’ pemala’ tanning inaammi sia anak pa’bunga’na sapimmi sia pa’bunga’na dombami sia bembe’mi.

PA’TOLE 32:14

Mantega sapi sia pangandu’ domba sia bembe’, sola lompo anak domba; sia domba laki dio mai Basan sola bembe’ laki, sia malapu’na gandung; sia muiru’ tu rarana bua anggoro’, iamotu uai anggoro’ kembura.

PA’TOLE 8:8

sia tondok, nanii gandung sia dalle sisikan, sia garonto’ anggoro’, sia kayu ara sia bua dalima; misa’ tondok nanii kayu saitun, tu buda minna’na sia tani’ enoan;

1 SAMUEL 9:4

Malemi ullelei tu buntu Efraim, sia ia duka tu lili’na Salisa, apa tae’ nakabu’tui; mangkato namane lili’na Sahalim, apa tae’ duka dio; mangkato iaomi tu lili’na Benyamin, apa tae’ duka naappa’i.

1 SAMUEL 9:7

Nakuami tu Saul lako taunna: Apa iake laoki’, apa la tabenni tu tau iato, belanna puramo takande tu roti lan kandu’ta, moi misa’ tae’mo dio kaleta la tabenni tu taunNa Puang Matua. Ba’tu den siaparaka apa dio kaleta?