2 DATU 4:27 - Sura' Madatu

²⁷ Iatonna rampomo lako taunNa Puang Matua dao buntu, naraka’mi tu lette’na. Nareke’mi Gehazi la ullendokanni, apa nakua taunNa Puang Matua: Popa’elo’nai, belanna bonnong tu penaanna, apa Nabunianna’ PUANG sia tae’ Napaissannina’.

2 DATU 4:27 ပူးပေါင်းရင်းမြစ်များ

KADADIAN 18:17

Nakuami tu PUANG: Ma’apari angKu la umbunianri Abraham tu apa la Kupogau’?

2 SAMUEL 7:3

Mebalimi Natan lako datu, nakua: Melo ke mipalanda’i tu mintu’ tanan penaammi, belanna Narondongkomi PUANG.

2 DATU 4:25

Susito malemi anna rampo lako taunNa Puang Matua dao buntu Karmel. Iatonna tiromi taunNa Puang Matua tonna mambela-belapa, ma’kadami lako Gehazi taunna, nakua: Tiromi saemo tu baine to Sunem.

2 DATU 4:26

Totemo malemoko madomi’ untammui sia ma’kada lako kumua: Malaga’-laga’ siarokomika, sola tu ambe’na anakmi sia anakmi? Mebalimi nakua: Malaga’-laga’ nasang siakan.

2 DATU 6:12

Nakuami tu misa’ to mase’ponna: Tae’ nasusito, puangku datu, sangadinna Elisa nabi dio Israel umpokadanni datu Israel tu mintu’ kada mipokada, moi nalan inan kamammarammi minii umpokadai.

AYUB 10:1

Iatu penaangku mosomo tuo, kulendokan bang tu sarroku, sia ma’kadana’ lan kamapairan penaangku.

SARAMBU PEADA’ 14:10

Penaanna kalena tu tau untandai karossoanna, sia iatu kaparannuanna tae’ nabelai to senga’ umperasai sola.

SARAMBU PEADA’ 18:14

Iatu kabattaranna tau ussande’i lan kamaparrisanna, apa iatu penaa bonnong mindara la umpakatanai?

AMOS 3:7

Manassa tae’ Napogau’i Puangta PUANG tu mintu’ apa, ke tae’pi Napasamboi tu pa’timbanganNa lako taunNa, iamotu mintu’ nabi.

MATIUS 15:23

Apa moi sangbuku duka kada tae’ Napebalian lako baine iato. Saemi tu anak gurunNa urreke’I napalakui nakua: suai tu baine iatu male, belanna undi bang melalla-lalla dio boko’ta.

MATIUS 20:31

Nasarabaimi to buda, nasua ma’loko-loko, apa samandu-mandunnaora metamba sola duai, nakua: O Puang, o Anakna Daud, kamaseikan dikka’!

MATIUS 28:9

Pakalan nasitammumo Yesu, sia Nakua: Siriakomi kamarampasan! Saemi tinde mai baine urraka’i tu lentekNa, sia tukku umpennoloI.

MARKUS 10:13

Denmi pia’-pia’ nasolan tau lako Yesu, kumua anNa kaka’i, apa nasarabai anak gurunNa tinde to ussolanni.

MARKUS 14:6

Apa nakua Yesu: Popa’elo’nai ia; ma’apari ammi sussai? kameloan ia tu napogau’ lako Kaleku.

LUKAS 7:38

Saemi dio boko’Na Yesu, narampo tumangi’ diong to’ lette’Na, sae lako napabonakki uai matanna tu lentekNa, napa’dii beluakna, naudungi tu lentekNa, namane umpalakoi tu minna’ pandere’.

YOHANES 15:15

Tae’mo Kusangakomi kaunan, belanna iatu kaunan tae’ naissanni tu napogau’na puangna; apa Kusangamokomi sangmane, belanna mintu’na tu Kuranginna dio mai Ambe’Ku, iamoto tu Kupokadangkomi.

YOHANES 4:27

Tonna iato saemi anak gurunNa; mangngami, belanna sipa’ulelean baine tu Yesu. Apa tae’ bangi misa’ mekutana kumua: La ma’aparoKomi? ba’tu Apara tu Mipokada lako?

1 SAMUEL 1:10

Belanna tarru’ masussa tu penaanna, mengkamoyami lako PUANG, anna unnade-ade tumangi’.