2 DATU 4:25 - Sura' Madatu

²⁵ Susito malemi anna rampo lako taunNa Puang Matua dao buntu Karmel. Iatonna tiromi taunNa Puang Matua tonna mambela-belapa, ma’kadami lako Gehazi taunna, nakua: Tiromi saemo tu baine to Sunem.

2 DATU 4:25 ပူးပေါင်းရင်းမြစ်များ

1 DATU 18:19

Totemo suai tu tau umpasirampun mintu’ to Israel langngan buntu Karmel lako kaleku, sia nabi Baal a’pa’ ratu’ llimangpulo sola nabi Asyera a’pa’ratu’ tu biasa kumande dio medana Izebel.

1 DATU 18:42

Malemi tu Ahab kumande sia mangiru’, apa iatu Elia male langngan botto Karmel, anna tukku rokko padang, lan alla’na guntu’na.

2 DATU 1:9

Nasuami datu lako tu misa’ kamandang ungkapalai surodadu limangpulo sola tu surodadunna limangpulo. Kendekmi langngan Elia, belanna iatu Elia unno’ko’ dao botto tanete, sia ma’kada lako nakua: E taunNa Puang Matua, napa’parentan datu, kumua mengkalaokomi!

2 DATU 2:25

Ke’de’mi tu Elisa inde to dio mai, namale lako buntu Karmel na inde to dio mai nanii sule lako Samaria.

2 DATU 4:24

Nalapikmi tu keledai birang, nakuai lako taunna: Patikara-karai lumingka, da’ito kupatarru’ bangi lumingka, da anta melayo, sangadi ke kukuapi.

2 DATU 4:26

Totemo malemoko madomi’ untammui sia ma’kada lako kumua: Malaga’-laga’ siarokomika, sola tu ambe’na anakmi sia anakmi? Mebalimi nakua: Malaga’-laga’ nasang siakan.

2 DATU 4:27

Iatonna rampomo lako taunNa Puang Matua dao buntu, naraka’mi tu lette’na. Nareke’mi Gehazi la ullendokanni, apa nakua taunNa Puang Matua: Popa’elo’nai, belanna bonnong tu penaanna, apa Nabunianna’ PUANG sia tae’ Napaissannina’.

2 DATU 5:20

ma’tangnga’mi tu Gehazi, taunna Elisa, taunNa Puang Matua: Nakatirinnai puangku tu Naaman, to Aram iate, natae’ naalai tu apa-apa nabaa! La lelukraka tuoNa PUANG, inang la ma’dondona’ unnula’i, angku alai tu apa dio mai kalena.

2 DATU 8:4

Sipa’kada bangsiapa datu tu Gehazi, to ma’kamayanna taunNa Puang Matua, nakua: Uleleanna’ tu mintu’ penggauran kapua tu napogau’ Elisa.

YESAYA 35:2

La loboran sia membunga sia sikumalasi-lasian, la sikumalasi-lasian tongan sia siarrakan. Na mintu’ kamala’biranna Libanon dikamaseammi sola kameloanna Karmel sia Saron; tau iato mai la untiro kamala’biranNa PUANG sia kamaballoanNa kapenombangki.