2 DATU 4:14 - Sura' Madatu

¹⁴ Nakuami Elisa: Apamora la kupogauranni? Mebalimi Gehazi nakua: Tae’ ia dikka’ nama’dadian muane sia iatu muanena matuamo.

2 DATU 4:14 ပူးပေါင်းရင်းမြစ်များ

KADADIAN 17:17

Malinguntu’mi tu Abraham natukku rapa’ rokko padang nametaa, anna ma’kada lan penaanna nakua: Ma’dinraka tu to saratu’mo taunna undadian misa’ pia? Ma’dinraka tu Sara, tu kaseramo pulona taunna la kianakpa?

KADADIAN 25:21

Iatu Ishak malaku tongan langngan PUANG diona bainena, belanna tamanang: Napalalomi PUANG tu palakunna, ma’tambukmi tu Ribka, bainena.

KADADIAN 30:1

Iatonna tiromi Rahel kumua tae’ anna padadianni tau tu Yakub, mangimburumi lako kakanna, anna ma’kada lako Yakub, nakua: Benna’ aku anak; iake tae’i, matena’ aku te!

2 DATU 4:13

Nakuami lako Gehazi: La ma’kadako lako kumua: Tonganna masussakomi umposara’kan, apara tu ma’din la kupogaurangkomi. Denraka kara-karami tu ma’din kubisara lako datu ba’tu lako kamandang lompo? Mebalimi nakua: Torrona’ aku sola sangdadiangku.

2 DATU 4:15

Nakuami Elisa: Tambaimi. Malemi natambai anna bendan dio to’ ba’ba.

LUKAS 1:7

Iatu tau iato tae’ nakianak, belanna tamanang tu Elisabet namatuamo sola duai, lendu’mo kakianakanna.

TO PARENGNGE’ 13:2

Denmi misa’ muane dio mai Zora, dio mai pa’rapuanna to Dan, disanga Manoah, iatu bainena tamanang, tae’ nakianak.

1 SAMUEL 1:2

Da’dua tu bainena, misa’ disanga Hana na misa’ disanga Penina; iatu Penina kianak, apa iatu Hana tae’.

1 SAMUEL 1:8

Nakuami Elkana, muanena: E Hana, ma’apari ammu tumangi’ra sia ma’apari ammu manokara kumande? Sia apara bannangna anna masussara penaammu? Tang mandu losongra’ka te lako kalemu na iatu pia muane sangpulo?