2 DATU 4:10 - Sura' Madatu

¹⁰ Melo tagaraganni misa’ bilik bitti’ mengkadaoan dirinding tembo’, na inde to tanii umpannianni misa’ kamammaran, misa’ meda, misa’ kadera na misa’ tongkonan palita, kumua ianna lendu’ lako kaleta, inde to ma’din nanii ma’bongi.

2 DATU 4:10 ပူးပေါင်းရင်းမြစ်များ

1 DATU 17:19

Nakuami tu Elia lako: Baanna’ mai tu anakmi. Naalami diong mai rianna, nasolanni langngan bilik mengkadoan, tu nanii torro, anna pamamma’i dao inan mamma’na.

2 DATU 4:11

Den sangallo saemi lako, torromi dio dao bilik mengkadaoan, anna mamma’ dio.

YESAYA 32:8

Apa iatu to la’bi’ untangnga’ penggauran mala’bi’ sia bantang umpangeai tu apa mala’bi’.

MATIUS 25:40

La mebali tu Datu, sia ma’kada lako tu tau, Nakua: Tonganna tongan Kukua mati’, kumua tumba tu mipogau’namo lako misa’ te siulu’ makario-rioKu, iamoto tu mipogau’ lako Kaleku.

MARKUS 9:41

Belanna minda-minda tu umpairu’komi uai sangirusan diona sangangKu, tu belanna kamu te passolannakomi Kristus, tonganna Kukua mati’, inang tae’ nala pa’de len tu poleanna.

LUKAS 8:3

Yohana, bainena Khuza, to manappa’ lan banuanna datu Herodes sia Susana sia budapa tau senga’, tu ungkaritutui umbenni apa-apanna.

ROMA 12:13

Rokkoi tu kakuranganna to masallo’ sia matinuru’komi untoratu tau.

IBRANI 10:24

Sia melo ke sipokarianganangki’ la untundan pa’kaboro’ sia penggauran melo.

IBRANI 13:2

Da ammi masorro umpatoratu to sae, belanna dionamora penggauran susito, anna denmo tau umpatoratumo malaeka’, apa tae’ naissanni.