2 DATU 4:1 - Sura' Madatu

¹ Denmi misa’ tu mintu’ bainena passikola nabi mengkamoya lako Elisa sia ma’kada nakua: Iatu taummi, muaneku, matemo sia miissan kalena, kumua iato taummi mengkaola lako PUANG. Na totemo saemo to ma’paindan la unnalai tu anakku da’dua la napokaunan.

2 DATU 4:1 ပူးပေါင်းရင်းမြစ်များ

KADADIAN 22:12

Ma’kadami tu Malaeka’ Nakua: Da mupata’pai lima tu pia, sia da mupatumba lenni, apa Kuissanmo totemo tu kaungkatakurammu Puang Matua, belanna ia duka ia tu anakmu, anak tungga’, tae’ ammu pessinampei lako Kaleku.

1 DATU 18:3

Iamoto natambaimi Ahab tu Obaja, pangulu sandan uainna. Iatu Obaja, mengkaola tongan langngan PUANG.

1 DATU 20:35

Attu iato ma’kadami tu misa’ passikola nabi lako solana tete dio kadanNa PUANG, nakua: Bambana’! Apa noka tu tau iato umbambai.

2 DATU 2:15

Iatonna tiromi mintu’ passikola nabi dio Yerikho, tu bendan mambela, nakuami: Manassa iatu penaanna Elia diomo Elisa. Saemi tu tau iato mai umpessitammui Elisa, anna tukku rokko padang menomba dio olona.

2 DATU 2:3

Attu iato tassu’mi tu mintu’ passikola nabi, tu torro dio Betel, lako Elisa sia mekutana lako nakua: Miissan siaraka, kumua allo iate la Naangka’ PUANG tu puangmi dao mai ulummi? Mebali nakua: Kuissan duka sia; kappakomi.

2 DATU 2:5

Attu iato saemi tu mintu’ passikola nabi dio Yerikho lako Elisa sia mekutana lako nakua: Miissan sia raka, kumua allo iate la Naangka’ PUANG tu puangmi dao mai ulummi? Mebali nakua: Kuissan duka sia; kappakomi.

2 DATU 2:7

Limangpuloi dio mai mintu’ passikola nabi male duka, anna bendan mambela dio mai tau iato mai, tonna bendan sola duai dio biring Yordan.

2 DATU 4:38

Undinnato sulemi tu Elisa lako Gilgal, tonna karorian lan tondok iato. Iatonna marassan tu mintu’ passikola nabi unno’ko’ dio tingayona, ma’kadami lako taunna nakua: Patonangngi tu kurin kapua, ammu tolloranni utan tu mai passikola nabi.

2 DATU 6:9

Nasuami taunNa Puang Matua tu pesua lao umparampoi lako datunna Israel, nakua: Katangkinni tu kalemi lendu’ inde to dio, belanna iatu to Aram mengkalaomo dio.

NEHEMIA 10:31

Sia iake saei umbaa balukanna tu bangsa lan tondok iate sia ma’rupa-rupa gandung lan allo katorroan la umbalukki, tae’ tala unnallii, ke allo katorroan ba’tu sala umbanna misa’ allo maindan, sia lan taun ma’pempitu iatu mai padang la tapopa’elo’na talo sia iatu mai pa’peindan moi misa’ tae’ tala untungkai.

NEHEMIA 7:2

Kuangka’mi tu Hanani siulu’ku sia Hananya, kamandang benteng, ungkampai Yerusalem, belanna iatu Hananya misa’ to matappa’ sia to ungkataku’ Puang Matua buda tau nalosongi.

PA’PUDIAN 103:11

Belanna susi sikalangka’na langi’ anna lino, susi dukamoto tu kapuana kamasokananNa lako mintu’ to ungkataku’I

PA’PUDIAN 103:17

Apa iatu kamasokananNa PUANG tempon dio mai landa’ lako attu situran, lako mintu’ to ungkataku’I, sia iatu kamaloloanNa untaranak lanto mimi’na.

PA’PUDIAN 115:13

sia la Napamasakke tu mintu’ to ungkataku’ PUANG, la bitti’ la kapua.

PA’PUDIAN 147:11

Iatu PUANG Naporai tu to ungkataku’I, sia iatu to urrannuan kamasokananNa.

SARAMBU PEADA’ 22:7

Iatu to sugi’ umparenta to bongko, sia iatu to kaindanan la napotosandang to umpaindanni.

TOMANGADA’ 12:13

Inde sia tu kada ma’katampakanna tu mintu’ apa narangimo tau, iamotu kataku’i tu Puang Matua sia karitutui tu mintu’ pepasanNa, belanna iamoto tu sipatu lako mintu’ tolino.

TOMANGADA’ 8:12

Belanna iatu to kadake gau’na umpogau’ kakadakean pessaratu’, anna malambe’ siapa tu sunga’na. Moi nasusito kuissan, kumua la salama’ tu to mengkaola lako Puang Matua belanna mataku’ dio oloNa.

YESAYA 50:1

Nakua kadanNa PUANG: Umbamira tu sura’ kasitantangan Kuben indo’mi, Kunii ussuai male? ba’tu umbannara tu to umpaindanniNa’ Kunii umbalukkomi? Sangadinna dionari kakelokammi angKu balukkomi sia bannang diori patengkammi anna disua male tu indo’mi.

YEREMIA 34:14

Iake nalambi’mi taun ma’pempitu pada la mieloran male tu siulu’mi, tu to Ibrani, tu mangka umbalukan kalena lako kalemi; iake mangkami mengkaunan annan taunna lako kalemi, la mipopentomakakamo. Apa tae’ natananni talinga.

SURA’ KATOMINAAN 25:48

manassa, ianna sandangmo, ma’din la dila’bak, ma’din la nala’bak sala umbanna mintu’ siulu’na.

MALEAKHI 3:16

Attu iato iatu mintu’ to ungkataku’ PUANG pada sipa’kada-kada, kumua: Napalan penaa sia Narangi PUANG sia dio oloNa den disura’ tu misa’ sura’ kapengkilalan, napomeloi tu to ungkataku’ PUANG sia umpakala’bi’ sanganNa.

MALEAKHI 4:2

Apa lako kamu tu ungkataku’ sangangKu la berre’ tu mata allo kamaloloan nadiongna lu pani’na la den kamalekean; la tassu’komi sia mekkondong-kondong susi anak sapi sun lan mai lantangna.

MATIUS 18:25

Apa belanna tae’ apa dio la napamayaran, napesuammi puangna, kumua ia la dibalukan sola anakna sia bainena, sia mintu’ tu apa dio kalena, napopamaya’.

MATIUS 18:30

Apa manoka, sangadinna napa’petarungkuan, sae lako naseroinna tu indanna.

MATIUS 18:35

Ten dukamoto tu Ambe’Ku dao suruga la umpogau’i lako kalemi, ke tae’i naponno tongan penaammi pada umpagarri’ salana tu mai siulu’mi.

PENGGAURANNA RASULU’ 13:26

Kamu tu siulu’ki, tarukna Abraham sia mintu’mi tu ungkataku’Na Puang Matua, diparampomo lako kaleta tu kareba-kamakarimmanan iate.

YAKOBUS 2:13

Belanna kama’paolaian salu tae’ nakamasei tu to tang umpogau’ kamamasean. Anna iatu kamamasean undaoanni kama’paolaian salu.

KADA OMBO’ LAKO RASULU’ YOHANES 15:4

Mindara tu tang mataku’, o Puang, sia tang umpakala’bi’ sangamMi? Belanna kamu manna tu maindan, na mintu’ bangsa la mennolo sia umpenombaiKomi, apa payanmo tu mintu’ pangra’ta’ malambu’Mi.

KADA OMBO’ LAKO RASULU’ YOHANES 19:5

Denmi gamara dirangi dao mai isungan kapayungan iato nama’kada nakua: Pudi tu Puangta, e kamu mintu’ taunNa tu ungkataku’I, la to bitti’ la to kapua!

RUT 1:3

Matemi tu Elimelekh, muanena Naomi, anna torro te baine iate sola anakna muane da’dua.

1 SAMUEL 22:2

Sirampun nasangmi lako kalena tu mintu’ to lan kamakario-rioan sia mintu’ to kaindanan sia mintu’ to mapalla penaanna; iami umpangului tu tau iato mai, anna torro sola, tu agi-agi a’pa’ratu’ muane.