2 DATU 3:9 - Sura' Madatu

⁹ Susito ke’de’mi tu datu to Israel sola datu to Yehuda sia datu to Edom. Apa iatonna ma’pitung-allomo mengguliling tae’mi uai la nairu’ surodadu sia patteke’, tu unturu’i.

2 DATU 3:9 ပူးပေါင်းရင်းမြစ်များ

1 DATU 22:27

kuanni kumua nakua tu datu: Palanni pa’tarungkuan te tau iate sia ben bangi roti sia uai sidi’ sae lako sule marampa’ku tama tondok.

1 DATU 22:47

Sia naputtai lan mai tondok tu mintu’ to ma’gau’ sala dio to’ dipa’deatainna, tu torronapa tonna linona Asa, ambe’na.

1 DATU 22:48

Iatonna attu iato tae’ datu dio Edom, anna to maraa tu bendan butung datu.

2 DATU 3:1

Iatu Yoram, anakna Ahab, dadi datu umparenta to Israel dio Samaria, tonna taun ma’pessangpulo karua kadatuanna Yosafat, datu to Yehuda anna ma’parenta sangpulo dua taunna.

2 DATU 3:10

Attu iato ma’kadami tu datu to Israel nakua: A’a, ma’apai Natambai PUANG te datu tallu la Nasorong tama limanna to Moab?

2 DATU 3:7

Mesuami lako Yosafat, datu to Yehuda, nakua: Iatu datu to Moab memboko’mo dio mai kaleku; morairokomika take’de’ sola urrarii? Mebalimi nakua: La malena’, umba-umba mipasusi susi dukana’ to, iatu bangsami susi dukato tu bangsaku na iatu mai darangmi susi dukato tu darangku.

2 DATU 3:8

Mekutanami tu datu nakua: Lalan umbara tu la taola lako? Nabalimi nakua: Dio lalan padang pangallaran Edom.

2 DATU 8:20

Iatonna linona memboko’mi tu to Edom, nalendokan kalena dio mai kuasa to Yehuda, naangka’i tu misa’ datu umparentai.

KATASSURAN 11:8

Attu iato mintu’ te to mase’ponmi la mengkalao anna rampo umpellambi’ina’ sia tukku dio tingayoku, nakua: Malemokomi sola tu mai to unturu’ bate lalanmi; attu iamoto angku male. Soro’mi tu Musa dio mai olona Firaun, nakabu’ liu kasengkeanna.

KATASSURAN 15:22

Mangkato nasuami Musa tu to Israel ke’de’ dio mai tasik Teberau, anna male ma’palulako padang pangallaran Syur; lumingkami lan padang pangallaran tallung allo apa tae’ naappa’ uai.

KATASSURAN 17:1

Mangkato, ke’de’mi tu mintu’ kasirampunanna to Israel dio mai padang pangallaran Sin, anna ma’bongi ba’tu pempiran-piran dio lu lalan, susitu parentaNa PUANG, anna torro ma’tenda dio Rafidim, apa inde to dio tae’ uai la nairu’ tu tau iato mai.

KADIBILANGAN 20:2

Iatonna tae’mo uai dio lu kasirampunanna to Israel, sirampunmi tu tau unnea Musa sia Harun,

KADIBILANGAN 20:4

Ma’apai mibaai indete padang pangallaran tu kombonganNa PUANG, angki mate dio, la kami la iatu mai patuoangki?

KADIBILANGAN 21:5

Ma’kadami tu bangsa iato umbali Puang Matua sia Musa, nakua: Ma’apai misolangkanni lan mai tondok Mesir, angki la matemo lan padang pangallaran? Belanna tae’mo roti sia tae’mo uai sia iate kande kadake nabossa bangmokan.

KADIBILANGAN 33:14

Nake’de’ dio mai Alus, anna ma’tenda dio Rafidim, tu inan tang nanii bangsa iato unniru’ uai.

TO PARENGNGE’ 4:10

Natambaimi Barak tu mintu’ to Zebulon sia Naftali sirampun dio Kedesh, anna ke’de’ sangsiturusan sola tu to sangpulo sa’bu; ia duka tu Debora male nasisolan.