2 DATU 3:4 - Sura' Madatu

⁴ Iatu Mesa, datu to Moab, umpatuo domba; napa’kasianammi lako datu to Israel tu anak domba saratu’ sa’bu sola bulu domba laki saratu’ sa’bu.

2 DATU 3:4 ပူးပေါင်းရင်းမြစ်များ

KADADIAN 13:2

Iatu Abram lendu’ ia sugi’na, sugi’ patuoan sia salaka sia bulaan.

2 SAMUEL 8:2

Sia natalo duka tu to Moab, sia nasua mamma’ tungara diong padang, nasuka’i ulang; iake naalaoi ulang pesuka’ sipenduan, iamo dipatei, na iatu ganna’na sipissan ulang pesuka’, iamo dipatuo. Susimoto tu to Moab mengkanorong lako Daud sia umbaya’ sima.

2 SAMUEL 8:6

Sia napao’ko’imi Daud surodadu ma’kampa lan tu ba’tu pira-pira tondok dio Aram lili’na Damsyik, anna lumbang baka direngnge’ tu to Aram lako Daud sia umbaya’ sima. Susimoto tu PUANG ungkamasei Daud kapataloan umba-umba nanii male.

1 OSSORANNA DATU 18:2

Sia natalo duka tu Moab, naurunganni mengkanorong tu to Moab lako Daud sia umbaya’ sima.

2 OSSORANNA DATU 26:10

Sia nabangun dukapa tu ba’tu pira-pira menara lan padang pangallaran sia buda bubun nabo’bok, belanna unnampui buda sapi sia domba na bembe’, la diong Padang Merrantena la dao Padang Rante membuntunna; sia to ma’pa’lakna sia to ma’pa’lak anggoro’na dao lu buntu sia dio lu padang malompo, belanna naporai datu tu lakoan padang.

AYUB 1:3

Iatu apanna pitungsa’bu tu domba sola bembe’, tallungsa’bu tu unta, limaratu’ ayokana tu sapi, na limaratu’ keledai birang, sia buda tongan tu mai pa’dua’na, iamoto na iatu muane iato sugi’ lallang na iatu mai mintu’na pa’tondokan dio rampe matallo.

AYUB 42:12

Napamasakkemi PUANG tu katuoan undinna Ayub losong na iatu dolona; naappa’ pole’ sangpulo a’pa’ sa’bu tu domba sola bembe’; unta annan sa’bunna, sapi sangsa’bu ayokanna, na keledai birang sangsa’bu.

PA’PUDIAN 60:8

Mangkamo ma’kada tu Puang Matua lan inan kabusunganNa. La mela’tekna’, sia la kutaa-taa tu Sikhem, sia la kusuka’ tu rantena Sukot.