2 DATU 3:23 - Sura' Madatu

²³ Nakuami tu tau iato mai: Rara te; manassa iatu mintu’ datu iato sirari sia sipateammo. Totemo, e to Moab malemokomi unnala pangrampa.

2 DATU 3:23 ပူးပေါင်းရင်းမြစ်များ

2 DATU 3:22

Iatonna masiang melambi’pa, tonna berre’mo tu allo unnarrangi tu uai, pakalan natiromi to Moab tu uai dio tingayona mararang susi rara.

2 DATU 3:24

Apa iatonna rampomo lako to’ tenda surodadu to Israel, bendanmi tu to Israel, anna taloi tu to Moab, naurungan mallai dio mai tingayona; naula’mi to Israel sia natalo tu to Moab.

2 DATU 7:6

Belanna Napa’perangiammo Puang lako surodadu to Aram tu ongngo’na, ba’tu pira-pira kareta sia gumaluntu’na darang sia arrakna sangtuntunan kapua surodadu, naurungan pantan sipa’kada tau iato mai: Manassa nasaroi datu to Israel tu datu to Het sia datu to Misraim unneaki’ sia la ullaoiki’.

2 OSSORANNA DATU 20:25

Saemi tu Yosafat sola taunna mangrampa, nakabu’tui tu pangrampa lendu’ budanna, iamotu ianan sia pakean sia pareanan mellong; naalami, tang nagasa tongan nabaa; tallung allo tu tau iato mai unnalai tu pangrampa, belanna lendu’ budanna.

KATASSURAN 15:9

Ma’kadami tu uali, nakua: La mangula’na’, la kupellambi’i, la untaa-taana’ pangrampa; iatu penaangku la kupatosso lako tau iato mai sia la unnonokna’ la’bo’ku; limangku la ussanggangi tu tau iato mai.

YESAYA 10:14

Sia iatu limangku ulla’ka’i barang apanna ba’tu pira-pira bangsa ten to serang manuk-manuk; sangtinti to to ulliu tallo’ natampe indo’na, ten dukato tu mintu’ lino kurampa na moi misa’ tae’ napanggega’ tu pani’na ba’tu umpopenganga tillokna ba’tu kumissak-missak.

TO PARENGNGE’ 5:30

Ma’apai nala tang unnappa’ pangrampa, nataa-taai, ke simisa’o muane misa’ ba’tu da’dua baine napotaa, iatu sampin sanda rupanna napopangrampa Sisera, pangrampa iato sampin sanda rupanna, sia passulan ma’ba’na sura’na, pangrampa iato passulan ma’ba’na sura’na, sangpasang disamboan barokoku?