2 DATU 3:19 - Sura' Madatu

¹⁹ Miurunganni untaloi tu mintu’ kota ditambakuku, iamotu mintu’ kota pa’tonno’ sia la milelleng tu mintu’ kayu melo sia la milepe’ tu mintu’ kalimbuang sia mintu’ pa’lak melo la misanggang batu.

2 DATU 3:19 ပူးပေါင်းရင်းမြစ်များ

KADADIAN 21:19

Nabungka’mi Puang Matua tu matanna Hagar; anna tiroi tu misa’ bubun, malemi umponnoi uai tu kiriba’, napairu’i tinde pia.

2 DATU 13:17

Mangkato nakuami: Bungka’i tu pentiroan ma’palulako matallo. Iatonna bungka’mi ma’kadami Elisa nakua: Pa’pananni. Napa’panammi. Nakuami: Iamoto tu tinaran kapataloan lu dio mai PUANG, iamotu misa’ pana untalo to Aram. Iatu to Aram la mitalo dio Afek, naurunganni sanggang tu tau iato mai.

2 DATU 3:25

Iatu mintu’ kota nasanggang, sia mintu’ pa’lak melo pantan natombonni batu, naurunganni nasitutu’i, sia mintu’ kalimbuang nalepe’, sia mintu’ kayu melo nalelleng sae lako batu mannamo dio Kir-Hareset napatorro. Napatama limbumi to ma’kolak, anna kolakki batu tama.

KADIBILANGAN 24:17

Kutiro tu tau iato, apa tae’ natotemo, kupenunu tu tau iato, apa tae’ namandappi’; misa’ bintoen bu’tu lan mai Yakub, misa’ tekken kapayungan lan mai Israel, sia untesse pili’na Moab, sia umpipping mintu’ bati’na Set.

TO PARENGNGE’ 6:16

Ma’kadami PUANG lako Nakua: Manassa Aku urrondongko, iamoto la mutalo tu mintu’ to Midian susito misa’ri.

1 SAMUEL 15:3

Totemo malemokomi untaloi tu to Amalek, sabui’ tu mintu’ apa dio kalena butung pepayu; da midampangi, sangadinna patei la muane la baine, la pia la anak ma’susupa, la sapi la domba, la unta sia keledai.

1 SAMUEL 23:2

Mekutanami Daud lako PUANG, nakua: Ma’dinra’ka la male untaloi tu to Filistin? Nakuami PUANG lako Daud: Malemoko, ammu taloi tu to Filistin, murampananni tu tondok Kehila.