2 DATU 3:18 - Sura' Madatu

¹⁸ Iate penggauran iate bitti’pa dio pentiroNa PUANG, iatu la ma’iringanna iamotu la ussorong Moab tama kuasammi.

2 DATU 3:18 ပူးပေါင်းရင်းမြစ်များ

2 SAMUEL 7:19

Iate apa iate bitti’ dio pentiroMi, o Puangku PUANG; iamoto mangkamo Mipokada tu diona bati’na taumMi tu apa la dadi lako tau iato mai, ke attu tang dipeamu’pa, sia iatu iannato, iamo pa’pangada’ Miben tolino, o Puangku PUANG.

1 DATU 16:31

Iatu unturu’ kasalanna Yerobeam, anakna Nebat, maringnganpa, apa natompoi pole, belanna umpobaine Izebel, anakna Etbaal, datu to Sidon, sia male umpengkaolai Baal sia tukku umpenombai.

1 DATU 20:13

Pakalan anna sae tu misa’ nabi umpentireke’i Ahab, datu to Israel, nama’kada nakua: Inde sia tu kadanNa PUANG: Mutiromoraka tu to buda mamak bang? Manassa allo iate Kusorongi tama limammu, ammu issanni kumua Akumo tu PUANG.

1 DATU 20:21

Tassu’mi tu datu to Israel anna sanggangi tu ba’tu pira-pira darang sia kareta, sia papatean tongan dio lu to Aram.

1 DATU 20:28

Saemi tu taunNa Puang Matua mennolo nama’kada lako datu to Israel, nakua: Inde sia tu kadanNa PUANG: Belanna nakua tu to Aram, kumua iatu PUANG iamo Kapenomban dao lu buntu, tangia ia Kapenomban dio lu merrantena, iamoto angKu sorongi tu to buda tu mamak bang tama limammu, ammi issanni kumua Akumo tu PUANG.

1 DATU 3:13

Sia ia duka tu apa tae’ mupalakui, la Kukamaseangko, la kasugiran la kamala’biran, naurunganni dio lu mintu’ datu lan mintu’ allo katuoammu tae’ tu padammu.

2 DATU 20:10

Nakuami tu Hizkia: Maraa tu bayo-bayo male rokko sangpulo pellesean; tae’ nasusito, sangadinna la sorong boko’ tu bayo-bayo sangpulo pellesean.

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

YESAYA 7:13

Nakuami: Perangiimi totemo, e kamu bati’na Daud! Misanga tang ganna’paraka ussara’i tau, ammi sara’i siapara Kapenombangku?

YEREMIA 32:17

O Puangta PUANG, tonganna Kamumo umpadii tu langi’ sola lino tete dio kamatotoran kalle-kalleamMi sia tete dio takia’ tie’te’Mi; moi misa’ tae’ tu tang dadi dio Kalemi.

YEREMIA 32:27

Tonganna Akumo, PUANG, Kapenombanna angge kepenaa; umbani apa nala den apa tang dadi dio Kaleku?

YEHEZKIEL 8:17

Ma’kadami lako kaleku Nakua: Mutiromoraka to, e ma’rupa tau? Tae’paraka nasilasa tu penggauran megallian napogau’ to Yehuda, tu napogau’ indete, naurungan dukai tu tau iato mai umponnoi kamasa’garan tu tondok iato sia nenne’ umpa’dikki penaangKu? Tiromi, iatu tau iato mai untoe tangke anggoro’ sikandappi’ illongna.

MARKUS 10:27

Mentiromi Yesu lako tinde tau sia Nakua: Iake tolino tae’ nadadi tu iannato, apa tae’ natang dadi ke Puang Matua; belanna iatu Puang Matua mintu’na angge maritik lan nasang kuasanNa.

LUKAS 1:37

Belanna denraka tang dadi ke Napokadami Puang Matua?

EFESUS 3:20

Iatu Puang Matua tu kuasa umpogau’i tu mintu’na umpelempanni losong, na iatu tapalakunna ba’tu tasanganna, sitinaya lalan kuasanNa tu mengkarang lan kaleta,