2 DATU 3:17 - Sura' Madatu

¹⁷ Belanna inde sia tu kadanNa PUANG Nakua: Tae’ mila ussa’ding angin sia tae’ mila untiro uran, apa moi susito iate lombok iate la ponno uai, miurunganni ma’din unniru’i la kamu la patuoammi la patteke’mi.

2 DATU 3:17 ပူးပေါင်းရင်းမြစ်များ

2 DATU 3:16

Anna ma’kada nakua: Inde sia tu kadanNa PUANG: La migaragai ba’tu pira-pira kalo’ diong te lombok.

PA’PUDIAN 107:35

Ia umpopembali polei limbong tu padang pangallaran sia Napopembali kalimbuang tu padang ba’ta’.

PA’PUDIAN 84:6

Maupa’ tu to umpopamuntuKomi, tu to marampa’mo lan penaanna tu lalan.

KATASSURAN 17:6

Tiromi, la bendanNa’ dio tingayomu dao buntu batu Horeb; la musambakki tu buntu batu iato, anna sun tu uai lan mai, anna iru’i to buda. Napogau’mi Musa susito dio tingayona mintu’ to matua-tua to Israel.

YESAYA 48:21

Tang mekama’rang tu tau iato mai tonNa solanni unnola padang aak; Napalolongan uai lan mai buntu batu; Napiak tu buntu batu anna lolong uai lan mai.