2 DATU 3:15 - Sura' Madatu

¹⁵ Totemo suami mai tu misa’ pa’katapi. Iatonna umpannoni katapinna tu pa’katapi, narampoimi kamatotoranna limanNa PUANG tu Elisa.

2 DATU 3:15 ပူးပေါင်းရင်းမြစ်များ

1 DATU 18:46

Apa narondong limanNa PUANG tu Elia, anna beke’i tu aakna, nadolo dio olona Ahab sae lako lalan lu lako Yizreel.

2 DATU 3:16

Anna ma’kada nakua: Inde sia tu kadanNa PUANG: La migaragai ba’tu pira-pira kalo’ diong te lombok.

PA’PUDIAN 49:4

Kakinaan manna sun dio randan pudukku, sia kapaissanan manna natangnga’ ba’tengku.

YEHEZKIEL 1:3

rampomi tu kadanNa PUANG lako tominaa Yehezkiel, anakna Busi, lan tondok to Kasdim, dio randan salu Kebar; inde to dio nanii limanNa PUANG urrondongi.

YEHEZKIEL 3:14

Naangka’mo’ Penaa langngan, anNa solanna’ male, angku ke’de’ dossona’ napobua’ katiangkaranna penaangku, belanna mabanda’ tu limanNa PUANG untemme’na’.

YEHEZKIEL 3:22

Iatu limanNa PUANG untemme’ bangna’ dio, anNa ma’kada lako kaleku Nakua: Ke’de’ko, maleko lako lombok, na diopa angKu pa’kadaiko.

YEHEZKIEL 8:1

Iatonna taun ma’pennannan, bulan ma’pennannan, allo ma’pellimanna bulan iato, tongku unno’ko’ dio banuangku na mintu’ pekaamberan Yehuda unno’ko’ dio tingayoku, narampoimo’ inde to dio tu limanNa Puangta PUANG.

PENGGAURANNA RASULU’ 11:21

Narondongmi Puang tu tau iato, anna buda bilanganna tu to ma’patongan, mengkatoba’ lako Puang,

1 SAMUEL 10:5

Mangkato la rampoko lako GibeaNa Puang Matua, tu nanii pa’kampan to Filistin. Iake tamako kota, ta’pa la sitammuko sangtuntunan nabi solo’ dao mai inan madao nadoloan to sibaa dandi sia ganda’-ganda’ sia suling sia su’dekan, anna tiakka’ penaanna ma’nubua’.

1 SAMUEL 16:16

Melo ke mipa’parentanni lako taummi, tu mase’ponna dio kalemi, undaka’ misa’ to manarang ma’katapi. Na iake saei tu penaa kadake lu dio mai Puang Matua urrampoikomi, ma’din napannoni to, ammi matana.

1 SAMUEL 16:23

Na iake narampoimi penaa kadake lu dio mai Puang Matua tu Saul naalaomi Daud tu katapinna, anna pannoni, anna maringngan nasa’ding tu Saul; matanami anna toyang dio mai kalena tu penaa kadake.

1 SAMUEL 18:10

Iatonna masiangmo dio mai ta’pa natamaimi penaa kadake lu dio mai Puang Matua tu Saul, naurunganni susito bomboan lan tongkonan layukna; nadedekmi Daud tu katapinna susi biasanna kiallo-kiallo. Iatu Saul untoe dokena.