2 DATU 25:9 - Sura' Madatu

⁹ Nasumpunmi tu banuanNa PUANG sia tongkonan layukna datu, sia iatu mai banua dio Yerusalem, iamotu mintu’ banuanna to kapua, pura nasumpun.

2 DATU 25:9 ပူးပေါင်းရင်းမြစ်များ

1 DATU 9:7

manassa la Kuurakki tu to Israel dio mai tu padang Kukamaseanni, sia iate banua mangka Kupamarimbanganan sangangKu, la Kutumpu dio mai oloKu, naurunganni iatu to Israel la dipoparumbasan sia la dadi misa’ kaditellean dio lu mintu’ bangsa.

1 DATU 9:8

Iate banua iate la daun lauan minda-minda tu ullendu’i, la magiang sia natelle-telle, anna ma’kada nakua: Ma’apai, anNa pasusii PUANG to te tondok sia banua iate?

2 OSSORANNA DATU 36:19

Sia pura naballa tu banuanNa Puang Matua sia narondon tu rinding tembo’ Yerusalem, sia mintu’ tongkonan layukna pura naballa api, sia iatu mintu’ pareanan mellong nasanggang-sanggang duka.

EZRA 5:12

Apa iatonna mangkamo tu nene’ to doloki umpare’dek ara’Na Puang Matua dao suruga, Nasorongmi tu tau iato mai tama limanna Nebukadnezar, datu Babel, iamotu to Kasdim; iamotu datu iato tu ussanggangi te banua iate sia umpali’i tu bangsa iato lako Babel.

PA’PUDIAN 79:1

Pa’pudianna Asaf. O Puang Matua, natamaimo to kapere’ tu apamMi, sia urruttakki banua kabusungamMi, ondongpi napatombonan batu tu Yerusalem.

YESAYA 64:9

O PUANG, da Misengke tarru’ bang sia da Mitontong ungkilalai tu kakadakeangki. Tiromi sia mantami: kami sola nasang te, taumMi.

YEREMIA 17:27

Apa iake manokakomi umperangiiNa’, kumua: la mipamadatu tu allo katorroan sia da mimamaa sia umbaa pamaan tama babangan Yerusalem ke allo katorroan, manassa la umpadukkuNa’ misa’ api lan babanganna, tu la ussappii mintu’ tongkonan layukna Yerusalem sia tang pa’de-pa’deanna.

YEREMIA 26:9

Ma’apai ammu ma’nubua’ tete dio sanganNa PUANG, kumua: La susi Silo te banua iate, sia la sanggang te kota iate, naurunganni moi misa’ tau tae’mo untorroi! Nasikarupuimi to buda la ullaoi tu Yeremia lan banuanNa PUANG.

YEREMIA 34:2

Nakua kadanNa PUANG, Kapenombanna to Israel: Maleko ma’kada lako Zedekia, datu Yehuda, mukua: Inde sia tu kadanNa PUANG: Tonganna la Kusorong te kota iate tama limanna datu Babel, anna ballai api.

YEREMIA 34:22

La Kuben parenta, kadanNa PUANG, sia la Kupasule tu tau iato mai indete kota iate, anna laoi sia nataloi sia pura nasumpun; mintu’ kota Yehuda la Kupopempadang talo, anna moi misa’ tau tae’mo torro lan.

YEREMIA 37:10

Belanna iake moronganna mipatei nasangi tu mintu’ surodadu to Kasdim, tu misirarian, naurungan torromira ba’tu pira-pira tau, tu mandalan bangkena, manassa ia duka tu tau iato la pada bangun lan tendana anna pura ussumpunni te kota iate.

YEREMIA 37:8

Sia la sule tu mintu’ to Kasdim la ullaoi te kota iate sia la untaloi sia umpurai naballa.

YEREMIA 39:8

Iatu tongkonan layukna datu nasumpun to Kasdim, sia iatu mai banuanna to buda, sia mintu’ tembo’ Yerusalem natuan.

YEREMIA 41:5

saemi dio mai Sikhem sia Silo sia Samaria karua pulona tu to diku’ku’i danggo’na sia serek-serek pakeanna sia ditori’-tori’ kuli’na sia umbaa kande la dipemalaran sia dupa lako banuanNa PUANG.

YEREMIA 52:13

Nasumpunmi tu banuanNa PUANG sia tongkonan layukna datu, sia iatu mai banua dio Yerusalem, iamotu mintu’ banuanna to kapua, pura nasumpun.

YEREMIA 7:14

Iamoto nabanua iate, tu mangkamo dinii unggente’ sangangKu sia tu miposande’, sia inan iate tu Kukamaseangkomi sia nene’ to dolomi, la kuparampoi kasanggangan susitu mangka Kuparampo lako Silo dolona,

BATING 1:10

Iatu mai uali umpopengkorongmo limanna lako mintu’ apa keangga’na; ondongpi natiro bang tau iato mai, kumua iatu bangsa iato tama inan maindanna, tu a’ganna mangka Mipa’pepasanan, kumua: iatu tau iato mai tae’ nama’din urreke’komi tama kombongan.

BATING 2:7

Tang Naangga’mo Puang tu inan pemalaranNa, sia Nakasirisan tu inan maindanNa, Nasorongmo tama kuasanna uali tu rinding tembo’ tongkonan layukNa. Mamak bang tu tau iato mai lan banuanNa PUANG, susi ke allo pa’maruasan.

BATING 5:18

Tu belanna buntu Sion mempadang talomo, napourungi naolai sindallung dio lu.

YEHEZKIEL 10:2

Ma’kadami tu Puang lako tu to ma’bayu lamba’ lenang, Nakua: Maleko tama alla’na tu mai lentenan diong to’ karubion, muraku’i tu ruaya lan mai alla’ karubion, ammu ambo’i tu to lan lu kota. Malemi inde to lako kutiro.

YEHEZKIEL 16:41

sia la naballa tu banuammu sia la naparampoiko ukungan dio pentirona buda baine, sia tae’ dukamo ammu la umpa’bengan tambo.

SURA’ KATOMINAAN 26:31

Iatu mai kotami la Kupadaun lauanmo sia la Kusanggang tu inan maindanmi sia manokaMo’ unnudukki tu bau busarungngu’na tu apa la mitunuanNa’.

SURA’ KATOMINAAN 26:33

Apa iatu kamu, la Kupasisarak-sarakkomi dio lu mintu’ bangsa sia la Kunonok tu pa’dang dio boko’mi sia la mempadang lo’bang tu tondokmi sia iatu kotami la daun lauan.

AMOS 2:5

iamoto angKu la umpasae api lan Yehuda, naurungan unnimbakanni tu bentengna Yerusalem.

AMOS 6:11

Belanna manassa PUANG umpasun parenta – anna dipopendaun lauan tu banua kapua sia diro’pok tu banua bitti’.

MIKHA 3:12

Iamoto kamu napobannang na iatu Sion la ditengko susi misa’ pa’lak, sia iatu Yerusalem la mendadi misa’ inan daun launan, ondongpi iatu buntu Banua Kabusungan la membuntu pangala’.