2 DATU 25:7 - Sura' Madatu

⁷ Napateimi tau iato mai tu mintu’ anakna muane Zedekia dio tingayona; sia napesuan datu Babel umpopebutai patomalii tu matanna Zedekia sia umpungoi da’dua rante tambaga, anna solanni tau lako Babel.

2 DATU 25:7 ပူးပေါင်းရင်းမြစ်များ

KADADIAN 21:16

Malemi unno’ko’ lako to’ sipatunna agi-agi sangpassumpiran, anna ma’kada nakua: Tang kusara untiroi te pia mate. Unno’ko’mi sipatu pia iato lako, anna tumangi’ ma’urrukan.

KADADIAN 44:34

Belanna umba la kukua sule langngan ambe’ku, ke pa’dei te to mangura kusolan? Kutiroi manii tu kamasussan urrampoi ambe’ku.

2 OSSORANNA DATU 33:11

Iamoto Napasaei PUANG tu mintu’ kamandang surodadunna datu Asyur lako tau iato mai, natingkanni pekadang tu Manasye sia napungo da’dua rante tambaga anna baai lako Babel.

2 OSSORANNA DATU 36:6

Ke’de’mi tu Nebukadnezar, datu Babel, umpatundukki sia napungo da’dua rante tambaga la nasolan lako Babel.

PA’PUDIAN 149:8

Anna pungoi tu mai datunna, sia anna rante bassii tu mai to la’bi’na.

YESAYA 22:3

Mintu’ pa’baranimmu pada mallaimo; tau iato mai dirampa tang umpalao tinaranna; mintu’ko tu to dilambiran dipasirampa nasang, moi anna mambelamo naolai.

YEREMIA 21:7

Mangkato, kadanNa PUANG, la Kusorong tu Zedekia, datu Yehuda sia mintu’ pareana sia iatu mai to buda, tu nasesannapa ra’ba biang sia kandean pa’dang sia karorian lan kota iate, tama limanna Nebukadnezar, datu Babel, sia tama limanna ualinna, sia tama limanna to la ungka’tu sunga’na; anna tang mamase sia tang mario sia tang maturu umpakandei bassi mataran tu tau iato.

YEREMIA 22:30

Nakua kadanNa PUANG: Sura’i te tau iate susito tamanang sia misa’ to tang maupa’ lan mintu’ allo katuoanna, belanna dio mai mintu’ ampo bati’na moi misa’ tae’ la maupa’ sia la unnisung dao isungan kapayunganna Daud sia undatuipa tondok Yehuda.

YEREMIA 34:3

Tae’ duka mula tilendok dio mai limanna, sangadinna manassa la ditingkanko ammu disorong tama limanna sia la sitiro lindo datu Babel sia la sipudukko sipa’kada sia la rampo dukako lako Babel.

YEREMIA 37:17

Nasuami datu Zedekia tu tau lao unnalai, anna kutanai bunii datu lan tongkonan layukna, nakua: Denraka kada dio mai PUANG? Mebalimi tu Yeremia nakua: Den; sia nakuapa: La disorongkomi tama limanna datu Babel.

YEREMIA 38:23

Susimoto tu mintu’ bainemi sia anakmi la male nasolan tau lako to Kasdim sia kamu duka tae’ mila tilendok lan mai limanna, sangadinna la naalakomi datu Babel na kota iate la disumpun.

BATING 2:9

Iatu babanganna lamma’ nasang rokko padang, iatu salli’na nasanggangmo sia Natesse-tesse; iatu datunna sia iatu mai arungna mentialla’mo dio lu mintu’ bangsa, iatu pangadaran diona sukaran aluk tae’mo; sia iatu mai nabi tang unnappa’mo patiro mendeata dio mai PUANG.

YEHEZKIEL 12:11

Ma’kadako kumua: Akumote tu misa’ rapang-rapang lako kalemi; susitu mangkanna kupogau’ susi dukato la digauran tau iato mai: iamotu la male dipali’ sia la ditarungku.

YEHEZKIEL 7:27

Iatu datu la ma’pote dibolong sia iatu arung la umpolullung kamagiangan na mintu’ limanna to buda lan tondok iato la kupi’ napobua’ katirambanan. La Kupapakkanni tu tau iato mai sitinaya gau’na, sia Kupaolai salu sitinaya kedona. Anna tandai tau iato mai, kumua Akumo tu PUANG.

PA’TOLE 28:34

La bomboangko, napobua’ mintu’ apa natiro matammu.

PA’TOLE 28:36

Iatu PUANG la ussolangko sola datummu, tu muangka’ la undatuiko, lako misa’ bangsa, tu tang mutandai, la iko la nene’ to dolomu; inde to dio la munii umpenombai kapenomban senga’, iamotu kayu sia batu.

TO PARENGNGE’ 16:21

Natingkanmi to Filistin, nasu’be’i patomalii tu matanna, anna solanni lako Gaza, napungoi da’dua rante tambaga, sia diparuku unggirikki tu batu pangrissoan lan pa’tarungkuan.