2 DATU 25:4 - Sura' Madatu

⁴ ditossomi tu tambakuku kota, anna mallai tu mintu’ surodadu tonna bongi unnola babangan naparitangnga da’dua benteng tembo’ sirondong pa’lakna datu – na iatu to Kasdim umpatama limbu kota iato –, apa moi susito unnola bang lalan lu lako Araba-Yordan.

2 DATU 25:4 ပူးပေါင်းရင်းမြစ်များ

2 DATU 25:5

Apa iatu datu naula’ surodadu to Kasdim, anna lambi’i dio padang marantena Yerikho, naurungan dipasisarak-sarak tu mintu’ surodadunna tu nasolan.

2 OSSORANNA DATU 32:5

Sia napangu’kui umpemeloi tu mintu’ rinding tembo’ ro’pok, anna pabendanni tu menara dao sia benteng tembo’ senga’ dio salian. Sia napematoto’i duka tu Milo lan kotana Daud, anna popegaragai doke sia balulang buda.

NEHEMIA 3:15

Iatu babangan Kalimbuang napemeloi Salum, anakna Kolhoze, kapala lembang Mizpa; anna bangunni sule sia napapa-sapei sia naba’bai anna palakoi salli’na sia gontingna, ondongpi (nabangun sule) tu rinding tembo’ limbong tu nanii uai saruran tama, sikandappi’ pa’lakna datu sae lako eran tu solo’ dao mai kotana Daud.

YESAYA 22:11

Migaragan limbongan naparitangnga benteng tembo’, mipaolanni tu uai dio mai limbong dolo; apa tae’ ammi mentingara langngan To mangka umpadenni, sia tae’ ammi mentiro lako To mangka ullampakki tempon dio mai.

YESAYA 22:3

Mintu’ pa’baranimmu pada mallaimo; tau iato mai dirampa tang umpalao tinaranna; mintu’ko tu to dilambiran dipasirampa nasang, moi anna mambelamo naolai.

YEREMIA 32:4

Sia iatu Zedekia, datu Yehuda tae’ nala tilendok dio mai limanna to Kasdim, sangadinna inang la disorong tama limanna datu Babel sia la sipuduk sipa’kada sia la sitiro lindo.

YEREMIA 34:3

Tae’ duka mula tilendok dio mai limanna, sangadinna manassa la ditingkanko ammu disorong tama limanna sia la sitiro lindo datu Babel sia la sipudukko sipa’kada sia la rampo dukako lako Babel.

YEREMIA 38:18

Apa iake tae’i mumale ussorong kalemu lako arungna datu Babel, manassa kota iate la disorong tama limanna to Kasdim, tu la ussumpunni api sia iko kalena tae’ mula tilendok dio mai limanna.

YEREMIA 4:17

Susito ma’kampa pa’lak ma’talimbungan untikui, belanna pabalibalimo lako Kaleku, kadanNa PUANG.

YEREMIA 4:29

Belanna diona arrak pakkanarang sia to ma’pana, anna mallai tu mintu’ to lan tondok; iatu tau iato mai malemo tama pangala’-ala’ anna kendek langngan buntu batu; iatu mintu’ kota ditampe sia tae’mo misa’ tau torro lan.

YEREMIA 44:30

Nakua kadanNa PUANG: Manassa la Kusorong tu Firaun Hofra, datu Mesir, tama limanna mintu’ ualinna sia tama limanna mintu’ to undaka’ lalan la umpatei, susi Zedekia, datu to Yehuda Kusorong tama limanna Nebukadnezar, datu Babel, ualinna, tu undaka’ lalan la umpatei.

YEREMIA 5:10

La mikendekki tu tanete anggoro’na, ammi sanggangi, apa da miratoi; alai tu tangkena, belanna tangia apanNa PUANG.

BATING 1:3

Iatu Yehuda lo’bangmo napobua’ kamandasan, sia napobua’ pa’diaman magasa; torro dio lu mintu’ bangsa, apa tae’ naappa’ karapasan; iatu mintu’ to unnula’i unnappa’i, lan lu kapussakan.

BATING 1:6

Iatu mintu’ kamala’biran, sisayurammo anak dara Sion; iatu mai arungna sangtinti to donga tang unnappa’ padang kariuan, tau iato mai langga’ lumingka, dio tingayona to unnula’i.

YEHEZKIEL 12:12

Iatu datu dio lu tau iato mai la ussompo pa’bungku’na dao palempengna ke mapi’tukmi anna male lako salian; la nalo’po’ tau tu rinding tembo’, kumua anna olai tassu’; la naputu’ tu lindona, belanna tae’mo na la untiro pole’i matanna te padang iate.

YEHEZKIEL 12:14

Mintu’ baananna, iamotu to untundui sia mintu’ surodadu la Kupatitale’ lako mintu’ mata angin, sia la Kunonok tu pa’dang dio boko’na.

YEHEZKIEL 12:4

Baai sun tu apa parallu lako kalemu butung misa’ pa’bungku’ to dipali’ ke allona dio pentirona tau iato mai, na iatu iko la sunko ke bonginnai butung to dipali’ dio pentirona tau iato mai.

YEHEZKIEL 33:21

Iatonna taun ma’pessangpulo duanna kadipaliranta, bulan ma’pessangpulo, allo ma’pellimanna lan bulan iato, rampomi tu misa’ to lussu’ dio mai Yerusalem umbanna’ kareba nakua: Iatu kota talomo!

SURA’ KATOMINAAN 26:17

La messaileMo’ unneakomi, miurungan natalo ualimmi sia mintu’ tu to ungkabiri’komi iamo la umparentakomi, sia la mallaikomi, moi natae’ misa’ tau unnula’komi.

SURA’ KATOMINAAN 26:36

Sia la Kupaden tu kamatakuran lan penaammi tu mintu’komi tu torronapa lan tondokna ualinna, naurungan moi daun kayu rondon unnula’ tau iato, anna mallai, susito naula’ pa’dang, anna tibambang tang naula’ tau.

ZAKHARIA 8:19

Inde sia tu kadanNa PUANGna mintu’ ma’dandan maritik, Nakua: Iatu pa’puasa lan bulan ma’penna’pa’na, ma’pellimanna, ma’pempitunna sia ma’pessangpulona la membali kasendean sia kaparannuan, ondongpi pa’maruasan ponno kapaimanan lako to Yehuda; iamoto sipatu la mikamali’ tu tonganna sia karapasan.

PA’TOLE 28:25

PUANG la ussorongko lako ualimmu, ammu talo. Sangbambari tu lalan la munii sae unneai, apa pitu tu lalan la munii mallai dio mai tingayona, muurungan dadi misa’ katirambanan lako mintu’ kadatuan lan lino.

PA’TOLE 32:30

Umba nakua tu misa’ tau ma’din unnula’ uali sangsa’bu sia da’dua tau umpapallai tau sangpulo sa’bu, iake tae’i Nabalukanni Buntu batunna sia tae’ Napopa’elo’nai PUANG tu tau iato?