2 DATU 25:2 - Sura' Madatu

² Susimo kadipatama-limbuanna tu kota iato sae lako taun ma’pessangpulo misa kadatuanna Zedekia.

2 DATU 25:2 ပူးပေါင်းရင်းမြစ်များ

2 DATU 24:10

Attu iato ke’de’mi tu surodadunna Nebukadnezar, datu Babel, ullaoi Yerusalem; napatama limbumi tau tu tondok iato.

2 DATU 25:1

Iatonna taun ma’pengkasera kadatuanna, bulan ma’pessangpulo sia allo ma’pessangpulo bulan iato, saemi Nebukadnezar, datu to Babel, sola mintu’ surodadunna ullaoi Yerusalem sia napabendan tu tendana tiku lao, sia nagaragai tau iato tu benteng la nanii ullaoi.

2 DATU 25:3

Iatonna allo ma’pengkasera bulan (ma’penna’pa), tonna lendu’ ia ma’irrikna karorian lan kota, naurungan tae’mo rotinna tu mai to buda lan tondok,

YEREMIA 32:1

Inde sia tu kada sae dio mai PUANG lako Yeremia tonna taun ma’pessangpulona kadatuanna Zedekia, datu Yehuda; iamotu taun ma’pessangpulo karuanna kadatuanna Nebukadnezar.

YEREMIA 52:5

Susimo kadipatama-limbuanna tu tondok iato sae lako taun ma’pessangpulo misa kadatuanna Zedekia.

PA’TOLE 28:52

La naparampoiko kapussakan lan mintu’ kotamu, sae lako rondon tu tembo’ tambakuku malangka’, tu muposande’ lan mintu’ tondokmu. Manassa la naparampoiko kapussakan lan mintu’ kotamu, lan mintu’ tondok tu la Nabenko PUANG, Kapenombammu.