2 DATU 25:1 - Sura' Madatu

¹ Iatonna taun ma’pengkasera kadatuanna, bulan ma’pessangpulo sia allo ma’pessangpulo bulan iato, saemi Nebukadnezar, datu to Babel, sola mintu’ surodadunna ullaoi Yerusalem sia napabendan tu tendana tiku lao, sia nagaragai tau iato tu benteng la nanii ullaoi.

2 DATU 25:1 ပူးပေါင်းရင်းမြစ်များ

2 DATU 24:1

Iatonna linona Yoyakim ke’de’mi tu Nebukadnezar, datu Babel, male lako, anna mengkanorong tu Yoyakim tallung taun lako kalena; apa undinnato tibalikomi tu penaanna, anna balii.

2 DATU 24:10

Attu iato ke’de’mi tu surodadunna Nebukadnezar, datu Babel, ullaoi Yerusalem; napatama limbumi tau tu tondok iato.

2 DATU 25:2

Susimo kadipatama-limbuanna tu kota iato sae lako taun ma’pessangpulo misa kadatuanna Zedekia.

2 DATU 25:8

Iatonna bulan ma’pellima, allo ma’pempitu bulan iato, – iamotu taun ma’pessangpulo kaseranna kadatuanna Nebukadnezar, datu Babel –, saemi lako Yerusalem tu Nebuzaradan, pangulu to ma’kampa, to mase’ponna datu Babel.

1 OSSORANNA DATU 6:15

Na Yozadak male sola tonna pali’i PUANG tu to Yehuda sia to Yerusalem nalopian Nebukadnezar.

2 OSSORANNA DATU 36:11

Iatu Zedekia duangpulomo mmisa taunna tonna dadi datu, anna ma’parenta sangpulo misa taunna dio Yerusalem.

YESAYA 29:3

Sia la saeNa’ umpatama limbuiko sia la umpalilingiko to manglio’ sia la untananna’ tambakuku unneako.

YEREMIA 21:2

La mekutanakomi lako PUANG tu diona kami, belanna Nebukadnezar, datu Babel urrariikan; den sia manii apa napogaurangkan PUANG tu mintu’ apa memangngan susi dolona, napourungi sorong boko’ tu datu iato dio mai kaleki.

YEREMIA 27:8

Na iatu bangsa ba’tu kadatuan tu manoka umpengkanorongi, iamo Nebukadnezar, datu Babel, sia tu manoka napaayokai datu Babel, tu bangsa iato la Kuparampoi kandean pa’dang sia karorian sia ropu, kadanNa PUANG, Kuurungan ussorong pissanni tama kuasanna.

YEREMIA 32:1

Inde sia tu kada sae dio mai PUANG lako Yeremia tonna taun ma’pessangpulona kadatuanna Zedekia, datu Yehuda; iamotu taun ma’pessangpulo karuanna kadatuanna Nebukadnezar.

YEREMIA 32:2

Attu iato iatu surodadunna datu Babel umpatama limbu Yerusalem na iatu nabi Yeremia dipattang lan tarampak pa’kampan, tu sikande tongkonan layukna datu.

YEREMIA 32:24

Iatu mintu’ pambo’bok digaragaimo rampo lako biring kota la untaloi, anna disorong tama limanna to Kasdim tu kota iato, tu urrarii, tete dio kandean pa’dang sia karorian sia ra’ba biang; na iatu mintu’ apa Mipokada dadimo sia manassa Mitiromo.

YEREMIA 32:28

Iamoto nakua kadanNa PUANG: Tonganna la Kusorong te kota iate tama limanna to Kasdim sia tama limanna Nebukadnezar, datu Babel, tu la untaloi.

YEREMIA 4:17

Susito ma’kampa pa’lak ma’talimbungan untikui, belanna pabalibalimo lako Kaleku, kadanNa PUANG.

YEREMIA 43:10

sia pokadai lako kumua: Inde sia tu kadanNa PUANGna mintu’ ma’dandan maritik, Kapenombanna to Israel, Nakua: Manassa la Kupesuan tu Nebukadnezar, datu Babel, iamo taungKu, anna pabendanni tu isungan kapayunganna dao te batu mangka Kubuni, sia naampa’i paramadani kapayunganna.

YEREMIA 50:17

Iatu Israel butung to misa’ domba dipakasingkiran, tu naula’ ba’tu pira-pira singa. Pamulanna naampello’ datu Asyur, ma’katampakanna totemo iatu bukunna nale’to-le’to Nebukadnezar, datu Babel.

YEREMIA 51:34

Napepuraimo’ nakande Nebukadnezar, datu Babel, sia nasanggangna’ napatorrona’ susi kandean lo’bang; naampello’na’ susito a’ganna ula’ naga; napa’pediaran saponnona tambukna tu mai kande mammi’ku namane untumpuna’.

YEREMIA 52:1

Iatu Zedekia duangpulo mmisa taunna tonna diangka’ datu, anna ma’parenta dio Yerusalem sangpulo misa taunna. Iatu indo’na disanga Hamutal, anakna Yeremia dio mai Libna.

YEREMIA 6:3

Iatu mai pangkambi’ ussolan dombana ma’baanan lako, napabendanni tu tendana tiku lao sia napakande dio lu to’ riu umba-umba tu nalambi’.

YEHEZKIEL 21:14

E iko, ma’rupa tau, ma’nubua’ko sia massala’pako, anna dipakande tu pa’dang penduan ba’tu pentallun. Papatean tu pa’dang iato, misa’ pa’dang papatean kapua, pa’dang massiok bang dirangi untikui.

YEHEZKIEL 26:7

Belanna inde sia tu kadanNa Puangta PUANG, Nakua: Manassa la Kupake’de’ daa mai tu Nebukadnezar, datu Babel, datunna mintu’ datu, sola darang, kareta, pakkanarang, sia surodadu lumingka buda tongan, sae ullaoi Tirus.

YEHEZKIEL 40:1

Iatonna taun ma’penduangpulo llima kadipalirangki, tonna pamulanna taun iato, allo ma’pessangpulona bulan iato, iamo tonna taun ma’pessangpulo a’pa’na kamangkanna sanggang tu kota, allo ia bangsiato nata’paina’ limanNa PUANG, anNa solanna’ inde to lako:

ZAKHARIA 8:19

Inde sia tu kadanNa PUANGna mintu’ ma’dandan maritik, Nakua: Iatu pa’puasa lan bulan ma’penna’pa’na, ma’pellimanna, ma’pempitunna sia ma’pessangpulona la membali kasendean sia kaparannuan, ondongpi pa’maruasan ponno kapaimanan lako to Yehuda; iamoto sipatu la mikamali’ tu tonganna sia karapasan.

PA’TOLE 28:52

La naparampoiko kapussakan lan mintu’ kotamu, sae lako rondon tu tembo’ tambakuku malangka’, tu muposande’ lan mintu’ tondokmu. Manassa la naparampoiko kapussakan lan mintu’ kotamu, lan mintu’ tondok tu la Nabenko PUANG, Kapenombammu.