2 DATU 24:7 - Sura' Madatu

⁷ Tae’mo natolei tu datu to Mesir tassu’ lan mai tondokna, belanna naala nasang datu to Babel tu mintu’ tondok naala lili’na Mesir randuk dio mai salu’-salu’ Mesir sae lako salu Efrat.

2 DATU 24:7 ပူးပေါင်းရင်းမြစ်များ

KADADIAN 15:18

Allo ia dukamoto anNa basse kada tu PUANG sola Abram, Nakua: Kubenmo bati’mu tu padang iate, angge dio mai salu Mesir landa’ lako salu kapua iamotu salu Efrat:

1 DATU 4:21

Iatu datu Salomo umparenta mintu’ kadatuan randuk dio mai salu Efrat sae lako tondok to Filistin, landa’ lako lili’na Mesir; iatu tau iato mai ma’kasian sia mengkaola lako Salomo lan mintu’ allo katuoanna.

YESAYA 27:12

Attu iato la manglullu’ tu PUANG randuk dio mai Salu kapua landa’ lako salu Mesir; apa iatu kamu e to Israel, la Naruruk simisa’komi.

YEREMIA 46:2

Diona tondok Mesir. Diona kataloanna surodadunna Firaun Nekho, datu Mesir, tu dio lu randan salu Efrat, sikandappi’ Karkemis, tu mangka natalo Nebukadnezar, datu Babel, tonna taun ma’penna’pa’ kadatuanna Yoyakim, anakna Yosia, datu to Yehuda.

YEREMIA 46:6

Iatu to matippa’ tang pakala umpallaian kalena sia to lalong tae’ duka natilendok: daanna lu dio randan salu Efrat titodo tu tau iato mai anna tibambang.

YEHEZKIEL 30:21

E ma’rupa tau, iatu takia’na Firaun, datu Mesir, mangkamo Kurebong; manassa tae’mo nala mondo, moi dipori sia dibi’bi’, naurunganni matoto’ sule la untoe pa’dang.

YEHEZKIEL 30:22

Iamoto, inde sia tu kadanNa Puangta PUANG, Nakua: Manassa la Kulaoi tu Firaun, datu Mesir, sia la Kurebong tu takia’na patomali, la iatu mawatangnapa, la iatu rebongnamo, sia la Kuparonno’ tu pa’dang dio mai limanna.

KADIBILANGAN 34:5

Na passaparan dio mai Azmon la tibangko lu lako salu’-salu’ Mesir, na iatu tampakna la rampo lako tasik.

YOSUA 15:4

sia tarru’ lako Azmon, anna tassu’ sae lako salu’-salu’ Mesir, naurungan iatu anggenna sumpu lako tasik. Iamote tu angge lili’ padangmu rampe sau’na.