2 DATU 24:4 - Sura' Madatu

⁴ sia belanna diona rara to tang sala tu napatibollo, belanna umponnoi Yerusalem tu rara to tang sala. Anna mengkailing PUANG umpagarri’i.

2 DATU 24:4 ပူးပေါင်းရင်းမြစ်များ

2 DATU 21:11

Belanna napogau’mo Manasye, datu Yehuda, te penggauran megallian iate, napogau’ tu apa mandu kadake na iatu mintu’ apa napogau’ to Amori tu dolo na ia; sia nasuapa tu to Yehuda umpogau’ kasalan diona kaumpenombaianna deatanna.

2 DATU 21:16

Sia ia duka tu Manasye umpatibollo buda rarana to tang sala tu naponnoan Yerusalem randuk dio mai biringna sae lako biring sangbalinna, senga’pito tu mintu’ kasalan tu nasua tu to Yehuda umpogau’i, napobannang umpogau’i tu apa kadake dio pentiroNa PUANG.

2 DATU 23:26

Apa moi susito tae’ duka natibalik tu PUANG dio mai kare’dekan kapuaNa, tu dukku ma’lulu-lulu urrampoi Yehuda diona mintu’ pa’di’ penaa tu napa’dikanNi Manasye.

2 DATU 24:5

Iatu tang dipokadannapa tu mintu’ tuna’na Yoyakim sia mintu’ apa napogau’, tang tisura’moraka lan sura’ ossoranna mintu’ datu Yehuda?

PA’PUDIAN 106:38

Sia umpatibollo rarana to tang sala, iamotu rarana anakna muane sia anakna baine, tu napemalaran lako mintu’ rapang-rapang dipodeata dio lu tana Kanaan, naurunganni narutai rarana tu tana iato.

SARAMBU PEADA’ 6:17

Mata tumongnga’, lila kamorang-morang, lima umpatibollo rarana to tang kasalan,

YEREMIA 15:4

Sia la Kupadadi misa’ apa metakuran tu tau iato mai lako mintu’ kadatuan lan lino, belanna Manasye, anakna Hizkia, datu Yehuda tu diona apa mangka napogau’ lan Yerusalem.

YEREMIA 19:4

Belanna natampeNa’ tu tau iato mai sia napakasarembangan te inan iate, tu nanii untunu pemala’ lako deata tang natandai, la tau iato mai la nene’ to dolona la mintu’ datu to Yehuda; sia napaponnoimo rara to tang kasalan te inan iate.

YEREMIA 2:34

Ondongpi iatu rara to makaasi-asi tu tae’ nakasalan kaanan dio biring dodomu tu tae’ lenpa muapparanni ungkakei banua.

YEREMIA 22:17

Apa tae’ mikemata sia kepenaa dio kalemi, sangadinna ungkamoraikomi saro bu’tu kadake sia umpatibollo rarana to tang kasalan sia umpandasa sia umpakario-rio tau.

YEREMIA 32:31

Belanna randuk dio mai allo dibangunna tu kota iate sae lako allo iate napare’dek tu ara’Ku sia kamagi’girangKu Kuurunganni la ussabu’i tu kota iate dio mai oloKu,

BATING 3:42

Salamokan sia pabali-balimokan, apa tae’ Mima’pagarri’.

YEHEZKIEL 22:3

Ma’kadako kumua: Inde sia tu kadanNa Puangta PUANG: E kota, tu umpatibollo rara lan tangngamu, naurungan nalambi’ attunna sia unggaragangko kalemu rapang-rapang dipodeata la urruttakkiko.

YEHEZKIEL 24:6

Iamoto, inde sia tu kadanNa Puangta PUANG Nakua: Upu’ allona tu kota umpentombang rara, iamotu kurin ta’garan, tang lossok-lossokannamo. Alai sisangira’-ira’i lan mai, apa tae’ nadipile-pilei.

YEHEZKIEL 24:8

Kumua anna pabu’tu kare’dekan ara’ sia nadipapakkanni tu rara iato, iamoto Kupalakoi tu rara mangka dipatibollo dao buntu batu rangke, anna tae’ nadisamboi.

YEHEZKIEL 33:25

Iamoto, ma’kadako lako tau iato mai kumua: Inde sia tu kadanNa Puangta PUANG, Nakua: Mikande tu duku’ sola rarana, sia mentingarakomi lako rapang-rapang dipodeata sia umpatibollokomi rara, umba mikua la umpomana’i tu tondok iato?

KADIBILANGAN 35:33

Susimoto da’ mipakasarembanganni tu tondok minii ma’tondok, belanna iatu rara umpakasarembangan tondok, sia tae’ nama’din dipadenan kadiseroian kasalan tu tondok diona rara tu dipatibollo lan tondok iato, sangadinna tete dio rarana to mangkamo umpatibollo rara iato.

PA’TOLE 19:10

kumua da napatibolloi tu rara tang kasalan lan tondok, tu la Nasorongangko PUANG, Kapenombammu, mupotaa mana’, sia da ammu dipa’tuntunni to’doan rara.

PA’TOLE 29:19

Apa ianna den misa’ tau urrangii te pa’tampak ropu sia nasanga napomasakke, nama’kada nakua: La marampa’na’, ke unturu’na’ lalan penaa makarra’ku – napobannang umparampo kasanggangan lako padang kauaian sia lako padang karangkean –,