2 DATU 24:20 - Sura' Madatu

²⁰ Belanna kasengkeanNa PUANG, anna sakerangngan-rangnganna tu kakadakeanna Yerusalem sola Yehuda, sae lako Nasualei dio mai oloNa. Pabali-balimi Zedekia lako datu Babel.

2 DATU 24:20 ပူးပေါင်းရင်းမြစ်များ

KADADIAN 4:16

Sumoro’mi tu Kain dio mai oloNa PUANG, natorro dio padang Nod, dio matallona Eden.

2 DATU 22:17

belanna naboko’iMo’ tau iato mai sia untunumo pemala’ lako kapenomban senga’, la umpa’dikki penaangKu napobua’ mintu’ panggaraga limanna. Bannang iamoto anna ma’lulu-lulu tu kare’dekan ara’Ku lako inan iate sia tang la dipa’deimo.

2 DATU 23:26

Apa moi susito tae’ duka natibalik tu PUANG dio mai kare’dekan kapuaNa, tu dukku ma’lulu-lulu urrampoi Yehuda diona mintu’ pa’di’ penaa tu napa’dikanNi Manasye.

2 DATU 24:1

Iatonna linona Yoyakim ke’de’mi tu Nebukadnezar, datu Babel, male lako, anna mengkanorong tu Yoyakim tallung taun lako kalena; apa undinnato tibalikomi tu penaanna, anna balii.

2 DATU 24:3

Tonganna iate mintu’na te urrampoi Yehuda susi kadanNa PUANG, la ussabu’i tu tau iato mai dio mai oloNa, tu belanna mintu’ kasalan napogau’ Manasye;

2 OSSORANNA DATU 36:13

Ondongpi pabali-bali lako datu Nebukadnezar, tu mangka ussuai umpalao sumpa tete dio sanganNa Puang Matua. Battuk sia umpamakarra’ penaanna naurunganni tang mengkatoba’ lako PUANG, Kapenombanna to Israel.

PA’PUDIAN 51:11

Pasalaimi matamMi tu mintu’ kasalangku, sia pa’deimi tu mintu’ kakadakeangku.

YEREMIA 37:2

Sia tae’ naperangii, la ia la mintu’ to mase’ponna la mintu’ to lan tondok iato tu kadanNa PUANG, tu Napokada nalopian nabi Yeremia.

YEREMIA 52:3

Belanna kasengkeanNa PUANG, anna susi maromoto tu Yerusalem sola Yehuda. Nasualei dio mai oloNa. Pabali-balimi Zedekia lako datu Babel.

YEHEZKIEL 17:12

Pokadanni bati’ pabali-bali kumua: Tae’raka mitandai apa battuananna te? Pokadanni kumua: Manassa saemo datu Babel lako Yerusalem, anna baai male tu datu sia iatu mai arung, anna pali’i lako Babel, napadio kalei.

YEHEZKIEL 19:14

Sunmi tu api lan mai tangkena, tu ungkande takke’-takke’na sia buanna, tae’mo tangke matoto’na dio, tae’mo tekken la sikambi’ kadatuan! Iamote tu misa’ rintin, tu dipobatingmo.

1 KORINTUS 1:20

Naumbamira tu to manarang? Umbamira tu pandita Sura’? Umbamira tu to umpelalan bang apa dadi lan te attu iate? Tae’raka Napopendadii Puang Matua pa’popetaa tu kakinaanna te lino?

PA’TOLE 2:30

Apa iatu Sihon, datunna Hesbon, tae’ naelorangkan ullendu’i lili’na, belanna PUANG, Kapenombammu umpamakarra’i tu penaanna sia umpabattuk ba’tengna, kumua anNa sorongi tama kuasammu, susitu a’ganna totemo.

PA’TOLE 29:27

iamoto nare’dek tu ara’Na PUANG urrampoi te tondok la umpasaeanni mintu’ pa’tampak ropu, tu disura’ lan sura’ iate,

PA’TOLE 4:24

Belanna iatu PUANG, Kapenombammu, susito misa’ api ma’pamampu’ sia Kapenomban noka ditimba oloNa.