2 DATU 24:2 - Sura' Madatu

² Nasuami PUANG tu surodadu to Kasdim sia surodadu to Aram sia surodadu to Moab sia surodadu to Amon la ullaoi Yoyakim; iatu tau iato mai Nasua Puang la ullaoi Yehuda sia ussanggangi, susi kadanNa PUANG tu Napokada nalopian taunNa, iamotu mintu’ nabi.

2 DATU 24:2 ပူးပေါင်းရင်းမြစ်များ

2 DATU 20:17

Manassa la sae tu allona, namintu’ tu apa lan tongkonan layukmu sia apa narampun nene’ to dolomu sae lako allo iate, la dibaa lako Babel. Moi misa’ tae’mo la torro, kadanNa PUANG.

2 DATU 22:16

Inde sia tu kadanNa PUANG, Nakua: Manassa la Kuparampoi kamandasan te inan iate sia mintu’ to torro lan, iamotu mintu’ apa lan sura’ tu mangka nabasa datu to Yehuda,

2 DATU 23:27

Ma’kadami tu PUANG nakua: La Kusabu’i duka tu to Yehuda dio mai oloKu, susi to Israel mangka Kusabu’i; sia la Kuboko’i te kota iate, tu mangka Kupilei langsa’, iamotu Yerusalem, sia iatu banua, tu mangka Kunii ma’kada kumua: La nanii sangangKu dio.

2 DATU 6:23

Napasakkarammi datu Israel misa’ pa’maruasan kapua tu tau iato mai; sia iatonna mangka kumande sia mangiru’, naelorammi male tu tau iato mai sule lako puangna. Mangkanna to, tae’ bangmora sae tu tuntunan to Aram mangrampa dio tondok to Israel.

2 OSSORANNA DATU 33:11

Iamoto Napasaei PUANG tu mintu’ kamandang surodadunna datu Asyur lako tau iato mai, natingkanni pekadang tu Manasye sia napungo da’dua rante tambaga anna baai lako Babel.

AYUB 1:17

Marassan bangsiapa tu tau iato ma’kada, saeomi tu to senga’ ma’kada nakua: Iatu to Kasdim umpasadia tallung tuntunan tau, ullaoi tu mai unta anna rampai; iatu mai taummi napatei pa’dang; aku mannamo tu tilendok sae umpokadangkomi tu iannato.

YESAYA 13:5

Tau iato mai lu dio mai padang mambela, dio mai randan langi’, PUANG sola parea kasengkeanNa tu la ussanggangi tu mintu’ lino.

YESAYA 28:19

Ke naolaiokomi, nala’ka’iokomi belanna melambi’oi la ma’kasea-seaoi sia kiallo sia kebongi; sia iatu to unnissanni tu kada ombo’, la ma’parondo.

YESAYA 7:17

Apa iatu kamu sia bangsami sia to lan banuanna ambe’mi la Naparampoi PUANG ba’tu pira-pira attu, tu tae’ bangpa anna den susinna temponna sisarak to Efraim tu to Yehuda, – lu dio mai datu Asyur.

YEREMIA 12:9

Iatu mana’Ku susito manuk-manuk pamburi’tik bulunna; iatu mai langkan maega sae umpatama limbui. Malemokomi, rampunni tu mintu’ olo’-olo’ dio lu padang anna sae kumande.

YEREMIA 25:1

Iamote tu kada urrampoi Yeremia diona mintu’ bangsa Yehuda, tonna taun ma’penna’pa’na ma’parenta tu Yoyakim, anakna Yosia, datu Yehuda, iamo tonna taun pamulanna Nebukadnezar ma’parenta dio Babel,

YEREMIA 25:9

iamoto la Kusua tu mintu’ bangsa daa mai ulunna salu, kadanNa PUANG, sia ia duka tu Nebukadnezar, datu Babel, taungKu, sia la Kupasae tu tau iato mai ussanggangi te padang iate sia mintu’ pa’tondokanna, sia mintu’ bangsa tiku lao, sia la Kusabu’i butung pepayu sia la Kupopendadi apa napotiramban tau sia apa nabellu’i tau sia nabelle’i sae lakona.

YEREMIA 26:20

Sia den duka misa’ tau bendan ma’nubua’ tete dio sanganNa PUANG, iamotu Uria, anakna Semaya, dio mai Kiryat-Yearim: ma’nubua’ anna rampoi kamandasan te kota sia padang iate, susitu mintu’ kada napokada Yeremia.

YEREMIA 26:6

manassa iate banua la Kupasusi Silo, sia kota iate la Kusanggang anna sa’bu’i mintu’ bangsa dao kuli’na padang ke ma’tampak ropui.

YEREMIA 32:28

Iamoto nakua kadanNa PUANG: Tonganna la Kusorong te kota iate tama limanna to Kasdim sia tama limanna Nebukadnezar, datu Babel, tu la untaloi.

YEREMIA 35:11

Apa iatonna ke’de’ tu Nebukadnezar, datu Babel, ullaoi tondok iate, kikua: Maikomi tamale lako Yerusalem belanna kamatakuran lako surodadu to Kasdim sia to Aram. Iamoto angki torro lan Yerusalem.

YEREMIA 52:28

Inde sia tu mintu’ to napali’ Nebuzaradan; iamo tonna taun ma’pempitu, tallungsa’bu duangpulo ntallu to Yehuda;

BATING 1:17

Umballa’mo limanna tu Sion, apa moi misa’ tau tae’ umpakatanai; Natambaimi PUANG la unnea Yakub tu mai sanglembangna Yakub butung to pabali-bali. Iatu Yerusalem dadimo butung misa’ to maruttak lan lu tangngana tau iato mai.

YEHEZKIEL 19:8

Apa tibalikmo tu mintu’ bangsa unneai, dio mai mintu tondok tiku lao; natananni porro’, anna didammak lan kalo’tokna.

YEHEZKIEL 23:23

iamotu to Babel sia mintu’ to Kasdim, Pekod, Soa na Koa, sibaa mintu’ to Asyur; mintu’ tau iato pia lolle’ ballo, to maraa, to maraa lompo, to lalong sia to la’bi’, pakkanarang nasang.

MIKHA 3:12

Iamoto kamu napobannang na iatu Sion la ditengko susi misa’ pa’lak, sia iatu Yerusalem la mendadi misa’ inan daun launan, ondongpi iatu buntu Banua Kabusungan la membuntu pangala’.

HABAKUK 1:6

Belanna tonganna iatu to Kasdim Kupabendan, misa’ bangsa masa’ga’ sia malinta’, tu lumingka unnoloi lua’na lino, la unnala inan katorroanna tau la napoapa, tu tangia apanna.