2 DATU 24:17 - Sura' Madatu

¹⁷ Naangka’mi datu Babel tu Matanya, pa’amberanna Yoyakhin, dadi datu, la ussondai, anna gantii Zedekia.

2 DATU 24:17 ပူးပေါင်းရင်းမြစ်များ

2 DATU 23:34

Naangka’mi Firaun Nekho tu Elyakim, anakna Yosia, dadi datu ussonda Yosia, ambe’na, anna sondai tu sanganna, disangamo Yoyakim. Nasolammi tu Yoahas lako Mesir, anna mate dio.

2 OSSORANNA DATU 36:4

Naangka’mi datu Mesir tu Elyakim, siulu’na, dadi datu umparenta Yehuda sia Yerusalem, anna sondai tu sanganna umposanga Yoyakim. Apa iatu Yoahas, adinna datu, naala Nekho, nasolan lako Mesir.

YEREMIA 1:3

Sia rampo duka tonna Yoyakim, anakna Yosia, datu to Yehuda sae lako ma’katampakanna taun sangpulo misa kaparentanna Zedekia, anakna Yosia, datu to Yehuda sae lako kadipaliranna tu pa’tondokan Yerusalem, tonna bulan ma’pellimanna.

YEREMIA 21:1

Inde sia tu kada dio mai PUANG lako Yeremia, tonna suai datu Zedekia tu Pasyhur, anakna Malkia, sia to minaa Zefanya, anakna Maaseya lako kalena, Nakua:

YEREMIA 37:1

Iatu Zedekia, anakna Yosia, tu naangKa’ Nebukadnezar, datu Babel, undatui tondok Yehuda, ma’parenta ussonda Konya, anakna Yoyakim.

YEREMIA 49:34

Inde sia tu kada sae lako nabi Yeremia, iamotu kadanNa PUANG diona Elam tonna pamulanna kadatuanna Zedekia, datu Yehuda.

YEREMIA 52:1

Iatu Zedekia duangpulo mmisa taunna tonna diangka’ datu, anna ma’parenta dio Yerusalem sangpulo misa taunna. Iatu indo’na disanga Hamutal, anakna Yeremia dio mai Libna.

YEHEZKIEL 17:13

Sia naala tu misa’ bati’ datu, anna sibasse sola sia napadudungi sumpa; sia nasolan duka male tu to paana tondok.

YEHEZKIEL 17:16

La lelukraka tuoKu, kadanNa Puangta PUANG, manassa la mate tu Zedekia dio Babel, sikandappi’ datu, lan inan nanii torro datu mangka unnangka’i dadi datu, belanna napamatuna tu sumpa mangka nasumpanni sia napoka tu basse mangka nasibassei.

YEHEZKIEL 23:17

Saemi tu to Babel, ussisangmatuanni; naruttakkimi gau’ salana; iatonna mangkamo naruttakki tau iato mai, magi’gi’mi lako tau iato mai.

DANIEL 1:7

Nasondaimi pangulu to mase’ponna datu tu sanganna tau iato; iatu Daniel nasangaimo Beltsazar, na iatu Hananya nasangaimo Sadrakh, Misael nasangaimo Mesakh, na iatu Azarya nasangaimo Abednego.