2 DATU 24:14 - Sura' Madatu

¹⁴ Napali’mi tu mintu’ pa’tondokan Yerusalem sola mintu’ arung sia to malinta’ parari, sangpulo sa’bunna, susi duka tu mai pande sia pande bassi; moi misa’ tae’mo torro, sangadi to mase-mase mannamo dio lu to buda lan tondok.

2 DATU 24:14 ပူးပေါင်းရင်းမြစ်များ

2 DATU 24:16

Sia napali’ datu Babel lako Babel tu to malinta’ parari-pitungsa’bu, sia to pande sia to pande bassi – sangsa’bu – mintu’nato, to barani sia lalong parari.

2 DATU 25:12

Apa iatu ba’tu pira-pira to makario-rio dio tondok iato natampepa Nebuzaradan, pangulu to ma’kampa, la ma’pa’lak anggoro’ sia ma’pa’lak.

1 OSSORANNA DATU 9:1

Iatu mintu’ to Israel dipatamamo sura’ ossoran tu sanganna; iatu tau iato mai disura’mo lan sura’na mintu’ datu Israel. Iatu to Yehuda dipali’ lako Babel belanna katangmarurusanna.

EZRA 2:1

Inde sia tu to umpa’tondokki propinsi tu ke’de’ dio mai to dipali’, tu napali’ Nebukadnezar, datu Babel, lako Babel, sia iatu sulemo lako Yerusalem sia lako Yehuda, pantan umpeloloi kotana;

NEHEMIA 1:2

saemi lako kaleku tu Hanani, misa’i siulu’ku sola ba’tu pira-pira tau dio mai Yehuda. Kupekutanammi lako tau iato mai tu diona to Yahudi, tu tilendokmo, iamotu torronapa dio mai mintu’ to dipali’, sia diona duka Yerusalem.

ESTER 2:6

tu dipalele dio mai Yerusalem sola mintu’ to dipali’, tu dipalele unturu’ Yekhonya, datu Yehuda, tu napali’ Nebukadnezar, datu Babel.

YESAYA 3:2

sia to lalong sia pa’barani sia to ma’paolai salu sia nabi sia to pakita-kita sia pekaamberan,

YEREMIA 27:20

tu tae’ nabaai Nebukadnezar, datu Babel, tonna pali’i tu Yekhonya, anakna Yoyakim, datu Yehuda, lako Babel sola mintu’ to kapuana Yehuda sia Yerusalem, –

YEREMIA 28:4

Sia ia duka tu Yekhonya, anakna Yoyakim, datu Yehuda, sia mintu’ tu to dipali’mo lako Babel dio mai Yehuda, Aku la umpasulei dio inan iate, kadanNa PUANG; belanna la kusanggang tu ayokana datu Babel.

YEREMIA 29:2

tonna tassu’mo lan mai Yerusalem tu datu Yekhonya sia datu baine sia to mase’ponna sia arungna Yehuda sia Yerusalem sola to pande sia pande bassi.

YEREMIA 39:10

Apa iatu mintu’ to makario-rio dio mai to Yehuda tu tae’ apa naampui, napatorro Nebuzaradan, pangulu to ma’kampa dio tana Yehuda, sia naben ba’tu pira-pira pa’lak anggoro’ sia pa’pa’lakan tu tau iato mai.

YEREMIA 40:7

Iatonna rangimi mintu’ kamandang surodadu tu dio lu padang sisola surodadunna, kumua naangka’mo datu Babel tu Gedalya, anakna Ahikam, umparenta tondok sia nasorongan lako tu mintu’ muane sia baine sia pia, iamotu mintu’ to makario-rio, tu tae’ nadirampa lako Babel,

YEREMIA 52:16

Apa iatu ba’tu pira-pira to makario-rio dio tondok iato natampepa Nebuzaradan, pangulu to ma’kampa, la ma’pa’lak anggoro’ sia ma’pa’lak.

YEREMIA 52:28

Inde sia tu mintu’ to napali’ Nebuzaradan; iamo tonna taun ma’pempitu, tallungsa’bu duangpulo ntallu to Yehuda;

YEHEZKIEL 17:14

Iake susito la tae’mo kamatotoranna tu kadatuan sia tae’mo nakullei unnadongan ulunna, sangadinna nakaritutui tu basse, anna tontong bendan.

YEHEZKIEL 17:3

sia ma’kadako kumua: Inde sia tu kadanNa, Puangta PUANG Nakua: Den misa’ langkan maega kapua, mawatang pani’na, malinta’ pettia’na, makamban bulu pani’na sia ma’rupa-rupa, ta’pa dao Libanon, anna ala lolok kayu arasi’.

MATIUS 1:11

na Yosia undadian Yekhonya sia siulu’na tonna dipalengka’ tau lako Babel.

MATIUS 1:12

Na undinna tonna mangka tau dipalengka’ lako Babel, undadiammi Sealtiel; na Sealtiel undadian Zerubabel;

MATIUS 1:17

Iatu mintu’ osso’na tempon dio mai Abraham sae lako tonna Daud, sangpulo a’pa’ papa’na; na tempon dio mai Daud sae lako tonna dipalengka’ tau lako Babel, sangpulo a’pa’ duka papa’na; na tempon dio mai tonna dipalengka’ tau lako Babel sae lako tonna Kristus, sangpulo a’pa’ duka siao papa’na.

PA’TOLE 28:36

Iatu PUANG la ussolangko sola datummu, tu muangka’ la undatuiko, lako misa’ bangsa, tu tang mutandai, la iko la nene’ to dolomu; inde to dio la munii umpenombai kapenomban senga’, iamotu kayu sia batu.

1 SAMUEL 13:19

Moi misa’ pande bassi tae’ bangmo lan lu mintu’ tondok to Israel, belanna nakua to Filistin: Da anna garagan pa’dang ba’tu doke kalena tu to Ibrani.