2 DATU 24:12 - Sura' Madatu

¹² Malemi tu Yoyakhin, datu Yehuda, umpennoloi datu Babel, la ia, la indo’na, la pangulunna, la arungna, la to mase’ponna. Natingkanmi datu to Babel, tonna taun ma’pengkarua kadatuanna.

2 DATU 24:12 ပူးပေါင်းရင်းမြစ်များ

2 DATU 20:18

Sia la naala tau iato mai tu ba’tu pira-pira anakmu muane, tu dadi dio mai kalemu sia tu mudadian, anna angka’i to mase’ponna datu lan tongkonan layukna datu Babel.

2 DATU 24:11

Sia Nebukadnezar kalena, datu Babel, sae ullaoi tu tondok iato, tonna marassan umpatama limbui mintu’ surodadunna.

2 DATU 25:27

Iatonna taun ma’pentallungpulo mpitu kadipaliranna Yoyakhin, datu Yehuda, bulan ma’pessangpulo dua, allo ma’penduangpulo mpitu bulan iato, iatu Yoyakhin, datu Yehuda, nakaturu-turui Ewil-Merodakh, datu Babel, sia natassu’i lan mai pa’tarungkuan lan taun dinii unnangka’i datu.

2 DATU 25:8

Iatonna bulan ma’pellima, allo ma’pempitu bulan iato, – iamotu taun ma’pessangpulo kaseranna kadatuanna Nebukadnezar, datu Babel –, saemi lako Yerusalem tu Nebuzaradan, pangulu to ma’kampa, to mase’ponna datu Babel.

2 OSSORANNA DATU 36:10

Iatonna taun pole’ to, mesuami datu Nebukadnezar ussolanni lako Babel sola tu mai pareanan ballo lan banuanNa PUANG. Naangka’mi datu tu Zedekia, sangdadianna, undatui Yehuda sia Yerusalem.

ESTER 2:5

Denmi lan kota benteng misa’ to Yahudi, disanga Mordekhai, anakna Yair, anakna Simei, anakna Kish, to Benyamin,

ESTER 2:6

tu dipalele dio mai Yerusalem sola mintu’ to dipali’, tu dipalele unturu’ Yekhonya, datu Yehuda, tu napali’ Nebukadnezar, datu Babel.

YESAYA 24:6

Iamoto anna ampello’i tampak ropu te lino, sia iatu to untongkonni narampoi parri’ natumang kasalanna; iamoto anna mampu’ tu to untongkonni lino, anna sidi’mora tinampe.

YEREMIA 13:18

Pokadanni datu sia datu baine indo’na datu, kumua: Unno’ko’komi diong inan madionganna, belanna iatu makota mala’bi’mi tobangmo dao mai ulummi.

YEREMIA 24:1

Napatiroammo’ PUANG tu da’dua bakku’ bua ara tu diona tingayo banuanNa PUANG, tonna mangka Nebukadnezar, datu Babel, umpali’i tu Yekhonya, anakna Yoyakim, datu Yehuda, sia iatu mai arungna Yehuda sia iatu mai to pande sia mintu’ pande bassi lan mai Yerusalem lako Babel.

YEREMIA 25:1

Iamote tu kada urrampoi Yeremia diona mintu’ bangsa Yehuda, tonna taun ma’penna’pa’na ma’parenta tu Yoyakim, anakna Yosia, datu Yehuda, iamo tonna taun pamulanna Nebukadnezar ma’parenta dio Babel,

YEREMIA 27:20

tu tae’ nabaai Nebukadnezar, datu Babel, tonna pali’i tu Yekhonya, anakna Yoyakim, datu Yehuda, lako Babel sola mintu’ to kapuana Yehuda sia Yerusalem, –

YEREMIA 36:30

Iamoto nakua kadanNa PUANG tu diona Yoyakim, datu Yehuda: Moi misa’ tau dio mai kalena tae’mo tu la unnisung dao kapayunganna Daud sia iatu batang rabukna la dipembuangan anna alloi ke masiangi sia anna tarru’i dingin ke mabonginnai.

YEREMIA 37:1

Iatu Zedekia, anakna Yosia, tu naangKa’ Nebukadnezar, datu Babel, undatui tondok Yehuda, ma’parenta ussonda Konya, anakna Yoyakim.

YEREMIA 52:12

Iatonna bulan ma’pellima, allo ma’pessangpulo bulan iato, iamotu taun ma’pessangpulo kaseranna kadatuanna Nebukadnezar, datu Babel, saemi lako Yerusalem tu Nebuzaradan, pangulu to ma’kampa, tu mareke’na datu Babel.

YEREMIA 52:28

Inde sia tu mintu’ to napali’ Nebuzaradan; iamo tonna taun ma’pempitu, tallungsa’bu duangpulo ntallu to Yehuda;

YEREMIA 52:31

Iatonna taun ma’pentallungpulo mpitu kadipaliranna Yoyakhin, datu Yehuda bulan ma’pessangpulo dua, allo ma’penduangpulo llima bulan iato, iatu Yoyakhin, datu Yehuda, nakaturu-turui Ewil-Merodakh, datu Babel, sia natassu’i lan mai pa’tarungkuan, lan taun dinii unnangka’i datu.

YEHEZKIEL 1:2

Iatonna allo ma’pellima bulan iato – iamotu taun ma’pellima kadipaliranna datu Yoyakhin, –

YEHEZKIEL 17:12

Pokadanni bati’ pabali-bali kumua: Tae’raka mitandai apa battuananna te? Pokadanni kumua: Manassa saemo datu Babel lako Yerusalem, anna baai male tu datu sia iatu mai arung, anna pali’i lako Babel, napadio kalei.

YEHEZKIEL 17:4

Iatu takke’-takke’ manguranna daona lu nasa’pekki, nabaai lako misa’ tondok nanii ma’baluk-baluk, anna palanni misa’ kota to ma’balili.

YEHEZKIEL 19:1

Na iatu iko, tannunko bating lako mintu’ datu to Israel,

YEHEZKIEL 19:13

Totemo ditananmo dio lu padang pangallaran, dio lu misa’ padang marangke sia ba’ta’.

PA’TOLE 28:36

Iatu PUANG la ussolangko sola datummu, tu muangka’ la undatuiko, lako misa’ bangsa, tu tang mutandai, la iko la nene’ to dolomu; inde to dio la munii umpenombai kapenomban senga’, iamotu kayu sia batu.