2 DATU 23:8 - Sura' Madatu

⁸ Nasuami tu mintu’ to minaa tassu’ lan mai mintu’ kota Yehuda sia naruttakki tu mintu’ inan madao tu nanii mintu’ to minaa untunu pemala’ randuk dio mai Geba sae lako Bersyeba. Sia narondonni tu mai inan madao tu dio lalan tama babanganna Yosua, pangulu kota, iamo dio rampe kairinna babangan kota, ke tamai tau.

2 DATU 23:8 ပူးပေါင်းရင်းမြစ်များ

KADADIAN 21:14

Millikmi tu Abraham tonna melambi’, naalai tu roti na misa’ kiriba’ nanii uai lan, nabenni Hagar, napatoppo’i dao palempengna, naben dukai tinde pia, anna suai male. Malemi, anna pusa lan padang Bersyeba.

KADADIAN 21:31

Iamoto anna sangai tau Bersyeba tu inan iato, belanna inde to nanii mangka sibasse sola duai.

KADADIAN 26:23

Undinnato malemi inde to dio mai langngan Bersyeba.

1 DATU 15:22

Napesuammi datu Asa unnarak mintu’ to Yehuda, moi misa’ tae’ tau torro; iatu batu sia kayu napake Baesa umbenteng Rama, nabaa nasang tau iato, na apa iamoto tu napake datu Asa umbenteng Geba lan lili’na Benyamin sia Mizpa.

1 DATU 19:3

Iatonna issanmi Elia tu iannato, ke’de’mi anna male umpallaian kalena, narampo lako Bersyeba, lili’na Yehuda, anna patorroi dio tu taunna.

1 OSSORANNA DATU 6:60

Na dio mai suku Benyamin iamotu Geba sola padang kariuanna, Alemet sola padang kariuanna, Anatot sola padang kariuanna. Iatu mintu’ kota dipamanassan pa’rapuanna den sangpulo tallu.

YESAYA 10:29

Tau iato mai unnola kumila’: Geba tanii ma’bongi; anna ma’parondo tu Rama; mallai duka tu pa’tondokan Gibea-Saul.

YEHEZKIEL 44:10

Apa iatu to Lewi, tu untoyangan tarru’mo kalena dio mai Kaleku, tonna pusa tu to Israel-inang memboko’mo tu tau iato mai dio mai Kaleku unturu’ rapang-rapang dipodeatanna –, iatu to Lewi iato mai la untanggung kakadakeanna.

AMOS 5:5

Apa da midaka’ Betel, sia da mimale lako Gilgal, sia da mike’de lako Bersyeba. Belanna iatu Gilgal inang la male dipali’ sia iatu Betel la diputtai.

ZAKHARIA 14:10

Iatu mintu’ padang tiku lao la dadi susi Padang marante randuk dio mai Geba sae lako Rimon, rampe lo’na lu Yerusalem; iatu kota iato la dipamatande sia la tontong dio inanna, randuk dio mai babangan Benyamin sae lako inan babangan dolo, sae lako babangan Tetuk, sia randuk dio mai menara Hananeel sae lako pa’parran anggoro’ datu.

YOSUA 18:24

Kefar-Haamonai, Ofni na Geba. Mintu’na to sangpulo dua kota sola kampongna.

YOSUA 21:17

Sia dio mai suku Benyamin iamotu Gibeon sola padang kariuanna, Geba sola padang kariuanna,

TO PARENGNGE’ 20:1

Ta’kala pada sunmi tu mintu’ to Israel; randuk dio mai Dan sae lako Bersyeba sia dio duka mai tondok Gilead sirampun sae butung to misa’ri, mennolo lako PUANG dio Mizpa.