2 DATU 23:6 - Sura' Madatu

⁶ Sia napatassu’ duka datu tu lentong kayu dipodeata lan mai banuanNa PUANG lako salianna Yerusalem, lako salu’-salu’ Kidron, sia natunu dio biring salu’-salu’ Kidron sia nanisak-nisak nadadi au, namane ussamboranni dio to’ lamunanna to kamban.

2 DATU 23:6 ပူးပေါင်းရင်းမြစ်များ

1 DATU 14:23

Napabendan duka tau iato mai tu inan madao sia batu dipodeata sia lentong kayu dipodeata dao lu mintu’ tanete madao sia diong lu mintu’ garonto’ kayu makampu.

1 DATU 15:13

Moi na iatu Maakha, indo’na, natassu’i dadi datu baine, belanna unggaragai rapang-rapang megallian, iamotu Asyera. Nata’tak-ta’tak Asa tu rapang-rapang megallian iato sia naballa diong lombok Kidron.

1 DATU 16:33

Sia nagaraga siapa Ahab tu lentong kayu dipodeata; napatarru’ bangmi Ahab tu penggauran susito, naurunganni umpa’dikki penaanNa PUANG, Kapenombanna to Israel, mandu pole’ na iatu mintu’ datu to Israel dolona.

1 DATU 2:37

La muissan melo, kumua iake tassu’ lenko, ammu lamban salu Kidron, manassa la mateko dipongko na iatu raramu iko kalena urrengnge’i.

2 DATU 10:26

Nabaami tassu’ lan mai banuanna tu mintu’ batu dipodeata, napura umballai.

2 DATU 10:27

Sia natesse-tesse tu batu dipodeatanna dinii umpenombai Baal sia narondonni tu banuanna Baal anna popekkueranni sae lako totemo.

2 DATU 21:7

Napabendan duka tu misa’ rapang-rapang dipodeatanna Asyera, tu mangka nagaragai, lan banua, tu mangka Napokada PUANG a’ganna lako Daud sia lako Salomo, anakna muane, Nakua: Lan te banua indete Yerusalem, tu Kupilei langsa’ dio mai mintu’ sukunna to Israel, la Kunii umpaunnisung sangangKu tontong sae lakona.

2 DATU 23:12

Iatu mintu’ inan pemalaran dao papa, sikandappi’ bilik mengkadaoanna Ahas, tu nagaragai datu Yehuda, sia mintu’ tu inan pemalaran napabendan Manasye, tu lan da’dua tarampak banuanNa PUANG, narondon datu sia naangka’i inde to dio mai tu barra’-barra’na, anna buangi rokko salu’-salu’ Kidron.

2 DATU 23:15

Sia ia duka tu inan pemalaran dio Betel, – iamotu inan madao dinii memala’ tu napabendan Yerobeam, anakna Nebat, tu ussua to Israel umpogau’ kasalan –, narondonni, iamotu inan pemalaran sola inan madao. Iatu inan madao iato naballa, sia nanisak-nisak nadadi au sia naballa tu lentong kayu dipodeata.

2 OSSORANNA DATU 15:16

Moi na iatu Maakha, indo’na, natassu’i dadi datu baine, belanna unggaragai rapang-rapang dipodeata iamotu Asyera. Nata’tak-ta’tak Asa tu rapang-rapang dipodeata megallian sia naballa diong lombok Kidron.

2 OSSORANNA DATU 33:3

Napabendan sule tu inan madao dinii memala’, tu mangka narondonni Hizkia, ambe’na, sia nabangunan inan pemalaran tu mintu’ Baal, sia nagaragai tu lentong dipodeata, sia tukku menomba dio tingayona mintu’ ma’dandan maritik dao langi’ sia mengkaola lako.

2 OSSORANNA DATU 34:4

Natingayo datu tonna dirondonni tu mintu’ inan pemalaranna Baal; sia mintu’ inan pemalaran pantunuan dupa, tu daona lu nasanggang-sanggang sia iatu lentong dipodeata sia iatu rapang-rapang dipodeata dipa’ sia rapang-rapang dipodeata dipati’no’ natesse-tesse sia nanisak-nisak, nasamboranni tu aunna dao lu lamunanna mintu’ to mangka umpemala’i.

KATASSURAN 32:20

Naalami tu anak sapi nagaragai tau iato mai, anna tunui sia nanisak-nisak samanissangna, anna ambo’i rokko to’ uai, nasuai tu to Israel unniru’i.

YEREMIA 17:2

iamotu tanda kapengkilalan tu umpasala tau iato mai, sia dio lentong dipodeata diong lu mintu’ garonto’ kayu maluna sia dao bottona mintu’ tanete,

YEREMIA 22:18

Iamoto nakua kadanNa PUANG tu diona Yoyakim, anakna Yosia, datu Yehuda: Tae’ nala umbatingi tau susite: Oo dikka’ siulu’ku muane! ba’tu: Oo dikka’ siulu’ku baine!; sia tae’ duka nala umbatingi tau susite: Oo dikka’ puang! ba’tu: Oo dikka’ to kabarre-alloan!

YEREMIA 31:40

Sia mintu’ lombok batang rabuk sola au, sia mintu’ padang sae lako salu Kidron sia rampo lako babangan Darang, tu ma’palulako matallo, la dipamaindanan PUANG; moi misa’ tae’mo nala disanggang ba’tu disabu’i tontong sae lakona.

YOHANES 18:1

Iatonna mangka Yesu ma’kada susito, sunmi Namale sola anak gurunNa lian nabala salu’-salu’ disanga Kidron; inde to dio den misa’ pa’lak; malemi tu Yesu sola anak gurunNa tama.

PA’TOLE 7:25

Iatu rapang-rapang dipodeata dipa’na la miballa; iatu salaka sia bulaan dio rapang-rapang dipodeata iato da mukailui sia da mualai mupoapa, kumua da napoyako, belanna apa iato megallian dio oloNa PUANG, Kapenombammu.

PA’TOLE 9:21

Apa iatu panggaragammi tu mipokasalan, iamotu anak sapi mangka migaragai, kuala, angku ballai sia kutesse-tesse angku nisak-nisakki sae lako mendadi susi barra’-barra’. Iatu barra’-barra’ iato kutibe rokko salu’-salu’, tu lolong dao mai buntu iato.

TO PARENGNGE’ 3:7

Napogau’mi to Israel tu apa kadake dio pentiroNa PUANG, tang nakilalaimo tu PUANG, Kapenombanna, sia umpengkaolaimo mintu’ Baal sia Asyera.