2 DATU 23:5 - Sura' Madatu

⁵ Natassu’i duka datu tu mintu’ to minaa deata tu naangka’ mintu’ datu to Yehuda untunu pemala’ dao inan madao, lan lu mintu’ kota Yehuda sia lan lu lili’na Yerusalem, sia iatu mai to untunuan pemala’ Baal sia mata allo sia bulan sia ma’rupa-rupa bintoen sia mintu’ ma’dandan maritik dao langi’.

2 DATU 23:5 ပူးပေါင်းရင်းမြစ်များ

2 DATU 21:5

Sia napabendanan tu ba’tu pira-pira inan pemalaran tu mintu’ ma’dandan maritik dao langi’ lan da’dua tarampak banuanNa PUANG.

2 OSSORANNA DATU 33:3

Napabendan sule tu inan madao dinii memala’, tu mangka narondonni Hizkia, ambe’na, sia nabangunan inan pemalaran tu mintu’ Baal, sia nagaragai tu lentong dipodeata, sia tukku menomba dio tingayona mintu’ ma’dandan maritik dao langi’ sia mengkaola lako.

2 OSSORANNA DATU 34:4

Natingayo datu tonna dirondonni tu mintu’ inan pemalaranna Baal; sia mintu’ inan pemalaran pantunuan dupa, tu daona lu nasanggang-sanggang sia iatu lentong dipodeata sia iatu rapang-rapang dipodeata dipa’ sia rapang-rapang dipodeata dipati’no’ natesse-tesse sia nanisak-nisak, nasamboranni tu aunna dao lu lamunanna mintu’ to mangka umpemala’i.

AYUB 38:32

Ma’dinrokoka umpadellekki tu mai rupanna bintoen Sodiak sia ullalanan bintoen Ursa sola anakna?

YEHEZKIEL 8:6

Ma’kadami lako kaleku Nakua: E ma’rupa tau, mutiroraka tu apa napogau’ tau iato mai, iamotu mintu’ apa tarru’ megallian, tu napogau’ to Israel inde te, Kuurunganni umparukui torro mambela dio mai inan maindanKu? Apa la mutiropa tu ba’tu pira-pira apa tarru’ megallian.

HOSEA 10:5

Belanna anak sapi dio Bet-Awen anna selang tu to umpa’tondokki Samaria; ondongpi iatu to buda mario-rio tu diona to, sia silallakan to minaa umpengkaolai rapang-rapang dipodeata, belanna sisayurammo kamala’biranna.

ZEFANYA 1:4

La Kue’te’ tu limangKu unnukung Yehuda sia mintu’ to lan Yerusalem, sia la Kusabu’i lan mai inan iate tu mintu’ apa torronapa Baal sia sanganna mintu’ to untoean deata sola mintu’ to minaa,