2 DATU 23:4 - Sura' Madatu

⁴ Mesuami tu datu lako tominaa kapua Hilkia sia mintu’ tominaa undampi’i sia mintu’ pa’kampa babangan, la umpatassu’i lan mai banua kabusunganNa PUANG tu mintu’ parea, tu digaragan Baal sia Asyera sia mintu’ ma’dandan maritik dao langi’; anna ballai tu mintu’nato dio saliananna kota Yerusalem dio rante salu Kidron, na iatu aunna nabaa lako Betel.

2 DATU 23:4 ပူးပေါင်းရင်းမြစ်များ

2 SAMUEL 15:23

Unnurruk-urrukmi tumangi’ tu mintu’ tau lan tondok, tonna lendu’ mintu’ to buda; ullambanmi salu Kidron tu datu sia iatu mintu’ to buda male lu lako padang pangallaran.

1 DATU 12:29

Misa’ napabendan dio Betel na iatu misa’ napadio Dan.

1 DATU 15:13

Moi na iatu Maakha, indo’na, natassu’i dadi datu baine, belanna unggaragai rapang-rapang megallian, iamotu Asyera. Nata’tak-ta’tak Asa tu rapang-rapang megallian iato sia naballa diong lombok Kidron.

1 DATU 16:31

Iatu unturu’ kasalanna Yerobeam, anakna Nebat, maringnganpa, apa natompoi pole, belanna umpobaine Izebel, anakna Etbaal, datu to Sidon, sia male umpengkaolai Baal sia tukku umpenombai.

1 DATU 18:19

Totemo suai tu tau umpasirampun mintu’ to Israel langngan buntu Karmel lako kaleku, sia nabi Baal a’pa’ ratu’ llimangpulo sola nabi Asyera a’pa’ratu’ tu biasa kumande dio medana Izebel.

1 DATU 18:26

Naalami tau iato mai tu sapi laki, tu nabenni Elia, anna pasakka’i, nametamba ussa’bu’ sanganna Baal tempon dio mai melambi’ sae lako ma’tangngana allo, nakua: O Baal, pebaliikanni! Apa tae’ tu gamara sia moi misa’ tau tae’ duka mebali. Unnondo-ondomi tu tau iato mai untikui inan pemalaran mangka nagaraga.

1 DATU 18:40

Ma’kadami tu Elia lako tau iato mai nakua: Tingkanni tu mintu’ nabi Baal, moi misa’ tae’ nama’din lussu’. Natingkanmi anna solan nasangi Elia rokko salu Kison, napatei inde to.

1 DATU 19:18

Sia diona pa’poraiangKu natorropa dio lu to Israel tu tau pitungsa’bu, iamo mintu’ guntu’ tu tae’ bangpanamalinguntu’ dio tingayona Baal sia mintu’ lindo tu tae’ bangpa naudungi.

2 DATU 10:26

Nabaami tassu’ lan mai banuanna tu mintu’ batu dipodeata, napura umballai.

2 DATU 12:10

Iatonna tiromi tau iato mai kumua budamo tu doi’ lan patti, saemi tu pangulu to massura’na datu sola tominaa kapua; napatamai kandu’ tu doi’ naappa’ lan banuanNa PUANG anna bilangi.

2 DATU 17:16

Naboko’i tu mintu’ pepasanNa PUANG, Kapenombanna, anna garaganni kalena tu rapang-rapang dipodeata dipati’no’, iamotu da’dua anak sapi; nagaragai duka tu ba’tu pira-pira lentong dipodeata, sia tukku umpenombai tu mintu’ ma’dandan maritik dao langi’ sia Baal.

2 DATU 21:3

Sia napabendan sule tu inan madao, tu mangka nasanggang Hizkia, ambe’na, sia nabangunan Baal tu inan pemalaran sia nagaragai tu lentong kayu di podeata, susi mangka napogau’ Ahab, datu Israel, sia tukku menomba dio tingayona mintu’ ma’dandan maritik dao langi’ sia mengkaola lako.

2 DATU 21:5

Sia napabendanan tu ba’tu pira-pira inan pemalaran tu mintu’ ma’dandan maritik dao langi’ lan da’dua tarampak banuanNa PUANG.

2 DATU 21:7

Napabendan duka tu misa’ rapang-rapang dipodeatanna Asyera, tu mangka nagaragai, lan banua, tu mangka Napokada PUANG a’ganna lako Daud sia lako Salomo, anakna muane, Nakua: Lan te banua indete Yerusalem, tu Kupilei langsa’ dio mai mintu’ sukunna to Israel, la Kunii umpaunnisung sangangKu tontong sae lakona.

2 DATU 22:4

Maleko lako tominaa kapua Hilkia, suai umbilangi tu mintu’ doi’, tu dipatama banuanNa PUANG, tu naduruk mintu’ to ma’kampa babangan dio mai to buda.

2 DATU 23:12

Iatu mintu’ inan pemalaran dao papa, sikandappi’ bilik mengkadaoanna Ahas, tu nagaragai datu Yehuda, sia mintu’ tu inan pemalaran napabendan Manasye, tu lan da’dua tarampak banuanNa PUANG, narondon datu sia naangka’i inde to dio mai tu barra’-barra’na, anna buangi rokko salu’-salu’ Kidron.

2 DATU 23:15

Sia ia duka tu inan pemalaran dio Betel, – iamotu inan madao dinii memala’ tu napabendan Yerobeam, anakna Nebat, tu ussua to Israel umpogau’ kasalan –, narondonni, iamotu inan pemalaran sola inan madao. Iatu inan madao iato naballa, sia nanisak-nisak nadadi au sia naballa tu lentong kayu dipodeata.

2 DATU 25:18

Natingkanmi pangulu to ma’kampa tu Seraya, tominaa kapua, sia Zefanya, tominaa ma’penduanna, sia iatu tallu to ma’kampa ba’ba.

2 OSSORANNA DATU 15:16

Moi na iatu Maakha, indo’na, natassu’i dadi datu baine, belanna unggaragai rapang-rapang dipodeata iamotu Asyera. Nata’tak-ta’tak Asa tu rapang-rapang dipodeata megallian sia naballa diong lombok Kidron.

2 OSSORANNA DATU 33:3

Napabendan sule tu inan madao dinii memala’, tu mangka narondonni Hizkia, ambe’na, sia nabangunan inan pemalaran tu mintu’ Baal, sia nagaragai tu lentong dipodeata, sia tukku menomba dio tingayona mintu’ ma’dandan maritik dao langi’ sia mengkaola lako.

2 OSSORANNA DATU 33:7

Napabendan duka tu misa’ rapang-rapang batu dipodeata, tu mangka nagaragai, lan banuanNa Puang Matua, tu mangka Napokada Puang Matua a’ganna lako Daud sia lako Salomo, anakna muane, Nakua: Lan te banua indete Yerusalem, tu Kupilei langsa’ dio mai mintu’ suku to Israel, la Kunii umpaunnisung sangangKu tontong sae lakona.

YESAYA 27:9

Iamoto anna dipa’dei tu salana Yakub sia iamote tu mintu’ buanna kadiseroianna kasalanna, kumua iatu mintu’ batu pa’paisungan nanisak-nisak susi susu batu, naurunganni tae’mo te’dek tu mai lentong dipodeata sia inan pemalaran dinii untunu dupa.

YEREMIA 52:24

Natingkanmi pangulu to ma’kampa tu Seraya, tominaa kapua, sia Zefanya, tominaa ma’penduanna, sia iatu tallu to ma’kampa ba’ba.

YEREMIA 7:9

Umba nakua? Bokomokomi sia papatean sia pasandak salu lako rampanan kapa’ sia umpalao sumpa tang tongan sia memala’komi lako Baal sia mengkaola lako kapenomban, tu tang mitandai –

YEHEZKIEL 8:6

Ma’kadami lako kaleku Nakua: E ma’rupa tau, mutiroraka tu apa napogau’ tau iato mai, iamotu mintu’ apa tarru’ megallian, tu napogau’ to Israel inde te, Kuurunganni umparukui torro mambela dio mai inan maindanKu? Apa la mutiropa tu ba’tu pira-pira apa tarru’ megallian.

HOSEA 4:15

Iake la moraikomi ma’gau’ sala, e to Israel, da anna lakoi sala tu to Yehuda! Da milao lako Gilgal, sia da milao lako Bet-Awen, sia da mipalao sumpa dio, kumua: La lelukraka tuoNa PUANG!

AMOS 4:4

Malekomi lako Betel, ammi pogau’ kadake, sia lako Gilgal –, ammi pamakamban kadakena! Pennoloanni tu pemala’mi, ke makale’ sia pa’taa sangpulomi, ke allo ma’pentallun.

ZEFANYA 1:4

La Kue’te’ tu limangKu unnukung Yehuda sia mintu’ to lan Yerusalem, sia la Kusabu’i lan mai inan iate tu mintu’ apa torronapa Baal sia sanganna mintu’ to untoean deata sola mintu’ to minaa,

MATIUS 26:3

Tonna iato sirampunmi tu mintu’ pangulu to minaa sia pekaamberan dio banua pangra’tasan kara-karana Tominaa Kapua, tu disanga Kayafas,

MATIUS 27:1

Iatonna masiangmo, nakombongammi mintu’ pangulu to minaa sia pekaamberan pa’tondokan tu diona Yesu, kumua anNa dipatei.

YOHANES 18:1

Iatonna mangka Yesu ma’kada susito, sunmi Namale sola anak gurunNa lian nabala salu’-salu’ disanga Kidron; inde to dio den misa’ pa’lak; malemi tu Yesu sola anak gurunNa tama.

TO PARENGNGE’ 2:13

Iake naboko’imi tu PUANG sia umpengkaolaimo Baal sola mintu’ Astoret,