2 DATU 23:34 - Sura' Madatu

³⁴ Naangka’mi Firaun Nekho tu Elyakim, anakna Yosia, dadi datu ussonda Yosia, ambe’na, anna sondai tu sanganna, disangamo Yoyakim. Nasolammi tu Yoahas lako Mesir, anna mate dio.

2 DATU 23:34 ပူးပေါင်းရင်းမြစ်များ

KADADIAN 41:45

Nasangaimi Zafnat Pa’aneah Firaun tu Yusuf sia naben Asnat, anakna Potifera, to minaa dio On napobaine. Sunmi tu Yusuf male ussalong-salongi mintu’ tana Mesir.

2 DATU 23:29

Iatonna linona ke’de’mi tu Firaun Nekho, datu Mesir, lako salu Efrat la sirari datu Asyur. Malemi tu datu Yosia umpentammui la unneai; napateimi tu Yosia dio Megido, tonna tiroi.

2 DATU 24:17

Naangka’mi datu Babel tu Matanya, pa’amberanna Yoyakhin, dadi datu, la ussondai, anna gantii Zedekia.

1 OSSORANNA DATU 3:15

Inde sia tu mintu’ anakna muane Yosia: pa’bunga’na iamotu Yohanan, ma’penduanna Yoyakim, ma’pentallunna Zedekia, ma’penna’pa’na Salum.

YEREMIA 1:3

Sia rampo duka tonna Yoyakim, anakna Yosia, datu to Yehuda sae lako ma’katampakanna taun sangpulo misa kaparentanna Zedekia, anakna Yosia, datu to Yehuda sae lako kadipaliranna tu pa’tondokan Yerusalem, tonna bulan ma’pellimanna.

YEREMIA 35:1

Inde sia tu kada dio mai PUANG lako Yeremia, tonna linona Yoyakim, anakna Yosia, datu Yehuda, Nakua:

DANIEL 1:7

Nasondaimi pangulu to mase’ponna datu tu sanganna tau iato; iatu Daniel nasangaimo Beltsazar, na iatu Hananya nasangaimo Sadrakh, Misael nasangaimo Mesakh, na iatu Azarya nasangaimo Abednego.

YOSUA 18:18

anna tarru’ ma’palurekke mennaa’na buntu, tu sitingoan Bet-Araba anna ma’palurokko Araba-Yordan.