2 DATU 23:30 - Sura' Madatu

³⁰ Napopa’karetami taunna tu batang rabukna dao misa’ kareta dio mai Megido, nabaai lako Yerusalem, napeliangi tama liangna. Naangka’mi pa’tondokan tu Yoahas, anakna Yosia; nabolloi minna’, natokkoi dadi datu ussonda ambe’na.

2 DATU 23:30 ပူးပေါင်းရင်းမြစ်များ

2 DATU 14:21

Iatonna sangpulo annanmo taunna tu Azarya, naangka’mi mintu’ to Yehuda dadi datu ussonda Amazia, ambe’na.

2 DATU 21:24

Apa napatei pa’tondokan tu mintu’ to sipakulu-kulumo unnea datu Amon. Anna angka’i pa’tondokan tu Yosia, anakna muane, ussondai dadi datu.

2 DATU 22:20

Manassa la Kupasisolako nene’ to dolomu; la dipatama marampa’ko liangmu, sia tae’ nala untiro lenni matammu tu kasanggangan tu la Kuparampo lako inan iate. Naparampomi tau iato mai lako datu te pebali iate.

2 DATU 9:28

Napalangngammi kareta taunna tu batang rabukna datu, anna baai lako Yerusalem, anna dipeliang dipasola nene’ to dolona, lan kotana Daud.

2 OSSORANNA DATU 35:20

Iatonna upu’ nasangmo napemeloi Yosia tu Banua Kabusungan, ke’de’mi tu Nekho, datu Mesir, la parari dio Karkemis, tu dio biring salu Efrat; malemi tu Yosia umpentammui la ullaoi.

2 OSSORANNA DATU 35:24

Naangkarammi taunna lan mai karetana, napalelei dao kareta senga’, tu kareta ma’penduanna, nabaai lako Yerusalem. Ka’tumi angin dipudukna tu datu, anna dipeliang lan liangna nene’ to dolona, sia mintu’ to Yehuda sia to lan Yerusalem umpassanda bolonganni tu Yosia.

YEREMIA 22:10

Da mitangi’i tu to mate sia da mibatingi, sangadinna iari tu to malemo tu la mitangi’i, belanna tae’mo nala sule la untiroi tu tondok kadadianna.

YEREMIA 22:11

Belanna inde sia tu kadanNa PUANG diona Salum, anakna Yosia, datu Yehuda, tu dadi datu ussonda Yosia, ambe’na sia tu tassu’ lan mai tondok iate, nakua: tae’mo nala sule pole’o tama,

YEHEZKIEL 19:1

Na iatu iko, tannunko bating lako mintu’ datu to Israel,