2 DATU 23:3 - Sura' Madatu

³ Bendanmi tu datu dio to’ lentong, anna tanan misa’ basse’ dio oloNa PUANG, kumua naturu’i tau tu PUANG sia lantuk penaanna sia deatanna ungkaritutui tu pepasanNa sia kasa’bianNa sia mintu’ tu aluk Napondok sia untoe manda’i tu mintu’ kada basse tu disura’ lan sura’ iate. Iatu mintu’ to buda tamamo basse iato.

2 DATU 23:3 ပူးပေါင်းရင်းမြစ်များ

2 DATU 11:14

Natiromi tu datu bendanmo dio to’ lentong situru’ lalan ada’ sia mintu’ kamandang sitangke tarompe’ ma’dioren sola datu; sia mintu’ to buda lan lu tondok iato siparannu-rannuan na umpannoni tarompe’. Nase’buse’bumi Atalya tu tamangkalena sia metamba nakua: Denmo, pa’tangnga’ leko’, pa’tangnga’ leko’!

2 DATU 11:17

Natananmi Yoyada tu basse lan alla’Na PUANGna datu sia to buda, kumua na iatu to buda dadi misa’ taunNa PUANG sia lan duka alla’na datu na to buda.

2 OSSORANNA DATU 15:15

Mintu’ to Yehuda parannu tongan penaanna tu diona sumpa iato, belanna ponno penaanna umpalao sumpa sia iatu mintu’ pa’poraianna undaka’ PUANG. AnNa eloranni Puang tu Kalena naappa’; Nakamaseimi Puang kamarampasan tiku lao.

2 OSSORANNA DATU 23:13

Natiromi sia mangnga, belanna bendanmo tu datu dio to’ lentongna dio babangan; sia bendan tu mintu’ kamandang sitangke tarompe’ sikandappi’ datu, susi dukato tu mintu’ to buda lan lu tondok iato, siparannu-rannu umpannoni tarompe’, sia mintu’ to menani untangke oni-onian, tu pangala pa’pudi-pudian. Nase’bu-se’bumi Atalya tu tamangkalena sia metamba nakua: Denmo pa’tangnga’ leko’, denmo pa’tangnga’ leko’.

2 OSSORANNA DATU 23:16

Natananmi Yoyada tu misa’ basse lan alla’na, iamotu kalena na mintu’ to buda sola datu, kumua na iatu tau iato mai la dadi misa’ taunNa PUANG.

2 OSSORANNA DATU 29:10

Totemo lanmo penaangku la untanan basse sola PUANG, Kapenombanna to Israel, kumua nasoro’ tu kare’dekanna ara’Na dio mai kaleta.

EZRA 10:3

Melo ke untananki’ basse sola Kapenombanta, kumua la tasua male tu mintu’ baine sia mintu’ pia nadadian, situru’ tu pa’pakilalanna puangku sia mintu’ tau tu ma’parondo ungkataku’ pepasanNa Kapenombanta; melo ke lolangki’ unturu’i tu Sukaran aluk.

NEHEMIA 10:1

Iatu mintu’ to ma’ca’ iamotu Nehemia, to maraa lompo, anakna Hakhalya sia Zedekia,

NEHEMIA 5:13

Sia kupentambakan tu sepu’ bayu lamba’ku angku ma’kada kukua: Susi dukato Natibe Puang Matua lan mai banuanna sia dio mai iananna tu mintu’ tau tae’ napalanda’i tu pangallu’ iate, nasusito matambak male anna lo’bang. Ma’kadami tu mintu’ kombongan nakua: Amin, sia napudi tu PUANG. Naturu’mi mintu’ bangsana te kada iate.

NEHEMIA 9:38

Bannang diomote mintu’nate untananmoki’ basse tang leluk anta patamai sura’, anna ca’i pangulunta sia to Lewinta sia to minaanta.

KATASSURAN 24:3

Saemi tu Musa umpokadai tu mintu’ kadanNa PUANG sia atoran lako to buda, anna mebali tu to buda susito misari gamara nakua: Mintu’ te kada iate tu Napokada PUANG, la kituru’.

TOMANGADA’ 8:2

Palan penaai tu parentana datu, tu belanna iamora tu sumpa mangka muposumpa ussa’bu’ sanganNa Puang Matua.

YEREMIA 34:15

Apa totemo mengkatoba’mokomi sia umpogau’ apa malolo dio pentiroKu sia pada umpetambammokomi katomakakan lako solana sia mangkamokomi untanan basse dio oloKu lan banua, tu dinii ussa’bu’ sangangKu.

YEREMIA 34:8

Inde sia tu kada lu dio mai PUANG lako Yeremia tonna mangka tu datu Zedekia untanan allu’ sola mintu’ to buda, tu dio Yerusalem, la umpetamban kamentomakakanna tau iato mai.

YEREMIA 4:2

sia la umpalaoko sumpa mukua: La lelukraka tuoNa PUANG situang kamanapparan, katonganan sia kamaloloan, anna mintu’ bangsa sipalakuan kamasakkean sia massattuan tete dio sanganNa PUANG.

YEREMIA 50:5

Tau iato mai la umpekutanan Sion sia iatu lindona la mentingo lako; la sae anna mengkara’pa lako PUANG tete dio misa’ basse matontongan, tu tae’mo nala dikalupai len.

PA’TOLE 10:12

E to Israel, apara Natuntun PUANG, Kapenombammu, dio mai kalemu, sangadinna la mukasiri’ tu PUANG, Kapenombammu, unturu’i tu mintu’ lalanNa, sia la mukamali’, sia ponno penaammu sia kalebu deatammu umpenombai tu PUANG, Kapenombammu,

PA’TOLE 11:13

Iake miperangii tonganni tu pepasan, tu kupapassanangkomi totemo, miurungan ungkamali’i tu PUANG, Kapenombammi, sia ponno penaammi sia kalebu deatammi umpengkaolai:

PA’TOLE 13:4

La mituru’ tu PUANG, Kapenombammi, sia mikataku’, sia la mikaritutui tu pepasanNa sia la miperangii tu kadanNa, iamotu la mipenombai sia la’ka’komi lako.

PA’TOLE 29:1

Inde sia tu kada basse tu Napepasanan PUANG lako Musa la Natanan sola to Israel lan padang Moab, senga’ na iatu basse mangka Natanan Puang sola to Israel dio Horeb.

PA’TOLE 4:45

Iamote tu apa dipamanassa, aluk dipondok sia atoran, tu mangka napokada Musa lako to Israel dio kalingkanna, tonna tassu’ lan mai Mesir,

PA’TOLE 6:1

Inde sia tu pepasan, inde sia tu apa dipondok sia atoran, tu mangka Napa’parentan PUANG, Kapenombammi, la diadarangkomi, la mituru’ lan tondok, tu la minii male lako, la miala mipoapa,

PA’TOLE 6:5

La ponno penaammu sia mintu’ deatammu sola mintu’ kamatotorammu la ungkamali’ PUANG, Kapenombammu.

PA’TOLE 8:19

Apa la dadi, ke mukalupai liumi tu PUANG, Kapenombammu, ammu turu’mo kapenomban senga’ sia umpengkaolai sia tukkuko umpenombai – la kupamanassangkomi totemo, kumua la sanggang tongankomi.

IBRANI 12:24

sia lako Yesu, To paritangngana basse ba’ru, sia lako rara dipa’pi’pikan, tu umpokada apa mandu melo na iatu napokadanna rarana Habel.

IBRANI 13:20

Puang Matua, oto’na kamarampasan, tu mangka umbaai sule dio mai to’ to mate Pangkambi’ domba, tu umpomala’bi’ rara basse matontongan iamo Puangta Yesu,