2 DATU 23:2 - Sura' Madatu

² Malemi tu datu lako banuanNa PUANG sola mintu’ muane to Yehuda sia mintu’ pa’tondokan Yerusalem sia mintu’ to minaa sia nabi sia mintu’ tau randuk dio mai to bitti’ sae lako to kapua. Nabasami dio pa’peranginna tau iato mai tu mintu’ kada lan sura’ basse, tu diapparan lan banuanNa PUANG.

2 DATU 23:2 ပူးပေါင်းရင်းမြစ်များ

KADADIAN 19:11

Napasuleimi te tau sola duai tu mintu’ to dio to’ ba’ba, la bitti’na la kapuanna, napamaraun tu matanna naurunganni bo’yo’ undaka’i tu ba’ba.

1 DATU 8:9

Tae’ bang apa senga’ lan patti iato, sangadi papan batu da’dua tu napalan Musa dao Horeb, iamotu papan batu basse, tu natanan PUANG sola to Israel, tonna tassu’ tu tau iato mai lan mai tondok Mesir.

2 DATU 22:8

Ma’kadami tu tominaa kapua Hilkia lako Safan, pangulu to massura’ nakua: Kuappa’mo tu sura’ Sukaran aluk lan banuanNa PUANG. Nabenmi Hilkia tu sura’ iato lako Safan, anna basai.

2 OSSORANNA DATU 15:13

Sia minda-minda tu tang undaka’ PUANG, Kapenombanna to Israel, manassa la dipatei la to baitti’ la to kapua, la muane la baine.

2 OSSORANNA DATU 17:9

Iatu tau iato mai ma’pangada’mo dio lu Yehuda sia nabaamo tu sura’ Sukaran alukNa PUANG sia malemo umpasilamban-lamban kota Yehuda ma’pangada’ lako to buda.

NEHEMIA 13:1

Attu iato dibasa tu sura’na Musa, anna rangii bangsa iato, anna diappa’ disura’ lan, kumua tae’ len nama’din tu to Amon ba’tu to Moab tama kombonganNa Puang Matua,

NEHEMIA 9:3

Iatonna bendanmo tu tau iato mai dio inanna, nabasami tau lan mai sura’ Sukaran alukNa PUANG, Kapenombanna, sangtepo allo, anna mangaku sala sangtepo allo sia tukku menomba dio oloNa PUANG, Kapenombanna.

ESTER 1:5

Iatonna upu’mo tu allo iato, napogauran pole’omi datu misa’ pa’maruasan tu mintu’ to buda, lan kota benteng Susan, la to kapua la to bitti’ lan pitung allo dio to’ tarampak pa’lakna tongkonan layuk.

AYUB 3:19

Tobitti’ sia tokapua pada bang sia dio, sia iatu kaunan to makakamo dio mai puangna.

PA’PUDIAN 115:13

sia la Napamasakke tu mintu’ to ungkataku’ PUANG, la bitti’ la kapua.

YEREMIA 34:8

Inde sia tu kada lu dio mai PUANG lako Yeremia tonna mangka tu datu Zedekia untanan allu’ sola mintu’ to buda, tu dio Yerusalem, la umpetamban kamentomakakanna tau iato mai.

PENGGAURANNA RASULU’ 26:22

Apa belanna ungkabu’tuimo’ pa’tunduan dio mai Puang Matua sae lako te allo iate, angku ke’de’ siapa ungkatottongi dio tingayona mintu’ tau, nala to bitti’ nala to kapua, sia tae’ kupokadai tu apa senga’, sangadinna napokadannapi tu mai nabi sia Musa, tu la dadi undinna,

PA’TOLE 31:26

Alami te sura’ Sukaran aluk sia patorroi dio la’pek patti basseNa PUANG, Kapenombammi, kumua nainde to la sa’bi umpasalako.

KADA OMBO’ LAKO RASULU’ YOHANES 20:12

Kutiromi tu mintu’ to mate, la kapua, la bitti’ bendan dio olo isungan kapayungan iato, sia ba’tu pira-pira sura’ dibungka’, sia dibungka’ pole misa’ sura’ senga’, iamo sura’ katuoan; na mintu’ tu to mate iato, dipaolai salunna unturu’ tu disura’ lan mintu’ sura’ iato sitinaya mintu’ penggauranna.

1 SAMUEL 30:2

Narampami tu mintu’ baine lan tondok iato, randuk dio mai bitti’na sae lako kapuana, moi misa’ tae’ napatei, sangadinna nabaa nasang anna sule lako tondokna.

1 SAMUEL 5:9

Iatonna dipalelemo inde to lako, Napata’paimi lima PUANG tu pa’tondokan iato naurunganni marukka. Napa’dikkimi tu mai muane randuk dio mai bitti’na sae lako kapuanna, anna karupui kele tu kalena.