2 DATU 23:12 - Sura' Madatu

¹² Iatu mintu’ inan pemalaran dao papa, sikandappi’ bilik mengkadaoanna Ahas, tu nagaragai datu Yehuda, sia mintu’ tu inan pemalaran napabendan Manasye, tu lan da’dua tarampak banuanNa PUANG, narondon datu sia naangka’i inde to dio mai tu barra’-barra’na, anna buangi rokko salu’-salu’ Kidron.

2 DATU 23:12 ပူးပေါင်းရင်းမြစ်များ

1 DATU 15:13

Moi na iatu Maakha, indo’na, natassu’i dadi datu baine, belanna unggaragai rapang-rapang megallian, iamotu Asyera. Nata’tak-ta’tak Asa tu rapang-rapang megallian iato sia naballa diong lombok Kidron.

2 DATU 10:26

Nabaami tassu’ lan mai banuanna tu mintu’ batu dipodeata, napura umballai.

2 DATU 21:4

Sia napabendan duka tu ba’tu pira-pira inan pemalaran dio banuanNa PUANG tu diona a’ganna Napokadamo PUANG Nakua: Lan Yerusalem la Kunii umpaunnisungi tu sangangKu.

2 DATU 21:5

Sia napabendanan tu ba’tu pira-pira inan pemalaran tu mintu’ ma’dandan maritik dao langi’ lan da’dua tarampak banuanNa PUANG.

2 DATU 23:4

Mesuami tu datu lako tominaa kapua Hilkia sia mintu’ tominaa undampi’i sia mintu’ pa’kampa babangan, la umpatassu’i lan mai banua kabusunganNa PUANG tu mintu’ parea, tu digaragan Baal sia Asyera sia mintu’ ma’dandan maritik dao langi’; anna ballai tu mintu’nato dio saliananna kota Yerusalem dio rante salu Kidron, na iatu aunna nabaa lako Betel.

2 DATU 23:6

Sia napatassu’ duka datu tu lentong kayu dipodeata lan mai banuanNa PUANG lako salianna Yerusalem, lako salu’-salu’ Kidron, sia natunu dio biring salu’-salu’ Kidron sia nanisak-nisak nadadi au, namane ussamboranni dio to’ lamunanna to kamban.

2 OSSORANNA DATU 15:16

Moi na iatu Maakha, indo’na, natassu’i dadi datu baine, belanna unggaragai rapang-rapang dipodeata iamotu Asyera. Nata’tak-ta’tak Asa tu rapang-rapang dipodeata megallian sia naballa diong lombok Kidron.

2 OSSORANNA DATU 33:15

Naalaimi tu mintu’ rapang-rapang napodeata bangsa senga’ sia rapang-rapang batu dipodeata lan mai banuanNa PUANG, susi duka tu mintu’ inan pemalaran, tu napabendan dao buntu, nanii banuanNa PUANG sia dio Yerusalem, anna tibei lako salian kota.

2 OSSORANNA DATU 33:5

Sia napabendanan ba’tu pira-pira inan pemalaran tu mintu ma’dandan maritik lan to da’dua tarampak banuanNa PUANG.

YEREMIA 19:13

Mintu’ banua dio Yerusalem sia mintu’ tongkonan layukna datu Yehuda la maruttak susi inan dio Tofet, iamotu mintu’ banua dao sotona nanii tau untunu pemala’ lako mintu’ ma’dandan maritik dao langi’ sia umpemalaran pemala’ pantedok lako kapenomban senga’.

YEREMIA 31:40

Sia mintu’ lombok batang rabuk sola au, sia mintu’ padang sae lako salu Kidron sia rampo lako babangan Darang, tu ma’palulako matallo, la dipamaindanan PUANG; moi misa’ tae’mo nala disanggang ba’tu disabu’i tontong sae lakona.

ZEFANYA 1:4

La Kue’te’ tu limangKu unnukung Yehuda sia mintu’ to lan Yerusalem, sia la Kusabu’i lan mai inan iate tu mintu’ apa torronapa Baal sia sanganna mintu’ to untoean deata sola mintu’ to minaa,

ZEFANYA 1:5

sia mintu’ tu to tukku menomba dao papa dio tingayona mintu’ ma’dandan maritik dao langi’, sia iatu to tukku menomba sia umpalao sumpa tete dio PUANG sia umpalao sumpa tete dio Milkom, deatanna;

PA’TOLE 22:8

Iake umbangunko misa’ banua ba’ru, la murompo tu soto banuammu, da muparampoi to’doan rara tu banuammu, ke denni misa’ tau tobang dao mai.