2 DATU 22:9 - Sura' Madatu

⁹ Saemi tu Safan, pangulu to massura’, umpennoloi datu, napokadai lako datu tu mintu’ apa mangka napogau’, nakua: Nabolloammo taummi tu mintu’ doi’ lan mai patti, tu lan banua kabusungan, anna sorongi lako to ungkapalai pa’diaman dio banuanNa PUANG.

2 DATU 22:9 ပူးပေါင်းရင်းမြစ်များ

2 DATU 18:18

Iatonna metamba tu tau iato mai kumua nasae tu datu, tassu’mi tu Elyakim, anakna Hilkia, pangulu sandan uai sola Sebna, pangulu to massura’, sia Yoah, anakna Asaf, pa’paelean, lako tau iato mai.

2 DATU 22:10

Sia naparampo duka Safan pangulu to massura’, lako datu nakua: Nabenna’ to minaa Hilkia misa’ sura’. Nabasami Safan dio olona datu.

2 DATU 22:12

Mepasanmi tu datu lako to minaa Hilkia sola Ahikam, anakna Safan, sia lako Akhbor, anakna Mikhaya, sola Safan, pangulu to massura’, sia lako Asaya, to mase’ponna datu, nakua:

2 DATU 22:3

Iatonna ma’pessangpulo karuamo taunna ma’parenta tu datu Yosia, nasuami datu tu Safan, pangulu to massura’, anakna Azalya, anakna Mesulam, lako banuanNa PUANG, nakua:

2 DATU 22:8

Ma’kadami tu tominaa kapua Hilkia lako Safan, pangulu to massura’ nakua: Kuappa’mo tu sura’ Sukaran aluk lan banuanNa PUANG. Nabenmi Hilkia tu sura’ iato lako Safan, anna basai.

2 DATU 25:22

Iatu mintu’ to buda tu torropa lan tondok Yehuda, tu napatorro Nebukadnezar, datu Babel, naangka’ tu Gedalya, anakna Ahikam, anakna Safan, la umpangului tu tau iato mai.

YEREMIA 26:24

Apa nakarimmanni Ahikam, anakna Safan tu Yeremia, naurungan tae’ nasorongi tau tama limanna to buda la napatei.

YEREMIA 29:3

Iatu sura’ iato napa’pea nabaa Elasa, anakna Safan sia Gemarya, anakna Hilkia, sumbungan pudukna Zedekia, datu Yehuda lako Nebukadnezar, datu Babel, nakua:

YEREMIA 39:14

nasuami tu tau male unnala Yeremia dio mai tarampak pa’kampan, anna sorongi lako Gedalya, anakna Ahikam, anakna Safan, naeloranni umba-umba tu naporai. Susimoto natorro tu Yeremia dio lu to’ to buda.

YEREMIA 40:11

Iatonna rangimi mintu’ to Yehuda, tu dio lu tondok Moab sia dio lu to Amon sia dio Edom sia lan lu mintu’ tondok senga’, kumua iatu datu Babel untampemo ba’tu pira-pira tau dio Yehuda sia naangka’mo tu Gedalya, anakna Ahikam, anakna Safan, la umparentai tu tau iato mai,

YEREMIA 41:2

Ke’de’mi tu Ismael, anakna Netanya sia iatu to sangpulo nasolan, anna ba’tai pa’dang tu Gedalya, anakna Ahikam, anakna Safan. Susimo kanapateianna to, tu to mangka naangka’ datu Babel umparentai tu tondok iato.

YEHEZKIEL 8:11

Sia pitungpuloi tu pekaamberanna to Israel sisola Yaazanya, anakna Safan, dio tangngana tau iato mai, bendan dio tingayo patta iato; pada untangke pantunuan dupa, na iatu rambu busarungngu’na dupa kendek langngan.