2 DATU 22:19 - Sura' Madatu

¹⁹ belanna malamma’ tu penaammu sia umpamadiongangko kalemu dio oloNa PUANG, tommu mangka urrangii tu apa mangka Kupokada diona te inan iate sia iatu to torro lan, kumua la metakuran sia tampakan ropu, sia belanna usserek-serekko tamangkalemu sia tumangi’ dio oloKu, iamoto Kuperangii dukako, kadanNa PUANG.

2 DATU 22:19 ပူးပေါင်းရင်းမြစ်များ

1 DATU 21:29

Mutiromoraka, kumua iatu Ahab umpamadiongan kalena dio oloKu? Belanna umpamadiongammo kalena dio oloKu, iamoto natae’ angKu la umparampoi kamandasan ke tuopi, sangadinna angge tuonapi anakna muane, Kumane umparampoi kamandasan tu bati’na.

2 DATU 19:20

Attu iato mesuami Yesaya, anakna Amos, umpokadanni Hizkia, nakua: Inde sia tu kadanNa PUANG, Kapenombanna to Israel, kumua: Iatu passambayangmu lako Kaleku tu diona Sanherib, datu Asyur, Kurangimo.

2 DATU 20:5

Tibalikko sule sia pokadanni Hizkia, arungna taungKu, kumua: Inde sia tu kadanNa PUANG, Kapenombanna Daud, nene’ to dolomi, nakua: Kurangimo tu passambayangmu sia Kutiromo tu mintu’ uai matammu; manassa la Kupamondoko, anna allo ma’pentallun mumale langngan banuanNa PUANG.

2 DATU 22:11

Iatonna rangimi datu tu mintu’ kada lan mai sura’ Sukaran aluk, naserek-serekmi tu tamangkalena.

2 OSSORANNA DATU 32:26

Napamadiongammi sule tu penaanna Hizkia, anna penassanni tu kamadaoan penaanna, la ia la iatu pa’tondokan Yerusalem, naurunganni iatu kasengkeanNa PUANG tae’ narampo lako tau iato mai tonna linona Hizkia.

2 OSSORANNA DATU 33:12

Apa iatonna lan kapussakan, undaka’mi kamaturu-turuanNa PUANG, Kapenombanna, sia umpamadiongan tongan kalena dio oloNa Kapenombanna nene’ to dolona;

2 OSSORANNA DATU 33:19

Na iatu passambayangna sia umba Nakua Puang untananni talinga tu passambayangna, sia mintu’ kasalan sia katangmarurusanna, sia iatu mintu’ inan, to nanii umbangun inan madao sia umpabendan lentong dipodeata sia iatu mai rapang-rapang dipodeata, tonna tae’pa napamadiongan kalena, manassa iate mintu’na te tisura’mo lan sura’ Kada to patandan-tandan.

2 OSSORANNA DATU 33:23

Apa tang umpamadiongan kalena dio oloNa PUANG, susi Manasye, ambe’na umpamadiongammo kalena, sangadinna sanarangngan-rangnganninnaora Amon tu salana.

2 OSSORANNA DATU 34:27

belanna malamma’ tu penaammu sia umpamadiongangko kalemu dio oloNa Puang Matua, tommu rangimi tu kadanna diona te inan iate sia mintu’ to torro lan, ondongpi mupamadiongammo tu kalemu dio oloKu sia muserek-serekmo tu tamangkalemu, ammu tumangi’ dio oloKu, bannang iamoto angKu perangii dukamoko, kadanNa PUANG.

EZRA 10:1

Iatonna marassan tu Ezra massambayang sia unnaku kasalanna sia tumangi’ tukku dio tingayo banuanNa Puang Matua, sirampunmi tu tau buda tongan dio mai to Israel lako kalena, iamotu muane, baine sia pia, belanna iatu to buda randukmo siurrukan.

NEHEMIA 1:4

Iatongku rangii te mintu’ kada iate, unno’ko’mo’ tumangi’ sia ma’pote dibolong ba’tu pirang-pirang allo. Ma’puasa dukamo’ sia massambayang dio oloNa Puang Matua dao suruga,

NEHEMIA 8:9

Napamalesomi nabasan tau iato mai tu sura’ iato, iamotu Sukaran alukNa Puang Matua sia nabattuananni, anna tandai tau tu apa dibasanni.

PA’PUDIAN 119:120

Rumonting tu kaleku diona kametakuramMi, sia mataku’na’ belanna mintu’ pa’paolaimMi salu.

PA’PUDIAN 119:136

Iatu uai matangku lolong susi uai salossok, belanna tae’ tau umpengkaolai sukaran alukMi.

PA’PUDIAN 51:17

O Puang, patiku’bi’i tu randan dipudukku, napatale’ ambunni tongka’ dililaku tu kadipudiamMi.

PA’PUDIAN 51:19

Iatu pesuru’ naala penaanNa Puang Matua, iamotu penaa rantang; iatu penaa rantang tang sirua-rua tae’ Mitiro bitti’i, o Puang Matua.

KATASSURAN 10:3

Malemi tu Musa sola Harun umpennoloi Firaun, anna kuai lako: Nakua kadanNa PUANG, tu Kapenombanna to Ibrani: Sangapapoko manoka la tunduk dio oloKu? Eloranni tu taungKu male anna menomba lako Kaleku!

YESAYA 46:12

PerangiiNa’, e to matampo penaanna, to toyang dio mai kamaloloan.

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

YESAYA 66:2

Mintu’nate apa iate inang panggaraga limangKu, susimoto anna dadi tu mintu’ ma’dandan maritik, kadanNa PUANG; apa iatu tau iato Kutiro lumbang, iamotu to umpamadiongan penaanna sia to bonnong penaanna sia ungkataku’ kadangKu.

YESAYA 66:5

Tananni talinga tu kadanNa PUANG, e kamu tu ma’parondona belanna kadanNa: Iatu mintu’ siulu’mi, tu ungkabiri’komi sia ussisarakangkomi belanna sangangKu ma’kada nakua: Melo ke umpaombo’i kamala’biranNa tu PUANG, angki tiroi tu kasendeammi. Apa ia kalena la kasirisan tu tau iato mai.

YEREMIA 13:17

Iake manokapokomi umperangiite, manassa la tumangi’ tu penaangku dio lu inan kabunianna diona kamatampoan, sia la si’dan-si’danna’ tumangi’, sia sitanutuan tu uai matangku, belanna dipali’mo tu pangkambi’Na PUANG.

YEREMIA 14:17

Iamoto pokadai te lako tau iato mai, kumua: Tae’ torena sitanutuan tu uai matangku ke bongi sia keallo, belanna anak dara, lai’na bangsaku bangkemo, iamotu bangke kapua, belanna nakandalan pa’dang.

YEREMIA 26:6

manassa iate banua la Kupasusi Silo, sia kota iate la Kusanggang anna sa’bu’i mintu’ bangsa dao kuli’na padang ke ma’tampak ropui.

YEREMIA 36:13

Napokadami Mikhaya lako tau iato mai tu mintu’ kada, tu mangka narangi, tonna basai Barukh, lan mai sura’ narangii to buda.

YEREMIA 36:24

Tae’ duka natiramban tu penaanna tau iato mai sia tae’ duka naserek-serekki tu pakeanna la datu la mintu’ to mase’ponna, tonna rangii tu mintu’ kada iato.

YEREMIA 44:22

Naurungan tang Naattamo PUANG untiroi tu iannato belanna kakadakeanna mintu’ penggaurammi sia belanna mintu’ penggauran megalliammi; iamoto na iatu tondokmi daun laurammo sia metakuran sia tampakan ropu, naurungan moi misa’ tau tae’mo umpa’tondokki, susite allo iate.

YEREMIA 9:1

A’a, kenna la uai tu ulungku sia matangku susito kalimbuang, angku tangi’i ke allo ke bongi tu mintu’ to dipongko dio lu anakna baine bangsaku.

YEHEZKIEL 9:4

Ma’kadami tu PUANG lako kaleku Nakua: Ke’de’ko unnola tangngai tu kota iamotu unnola tangnga Yerusalem, ammu palakoi tanda tu kidena tu mintu’ to sumarro sia mekaindo’ diona tu mintu’ penggauran megallian tu dipogau’ inde to dio.

MIKHA 6:8

Napokadammoko, e tolino, umba tu melo sia apa tu Natuntun PUANG dio mai kalemu: tae’ senga’na, sangadinna umpogau’ kamalamburan sia ungkamali’kamarurusan sia umpamadiong penaa lolang sikadamak Kapenombammu.

KADIBILANGAN 25:6

Pakalan saemi misa’ to Israel umbaa misa’ baine to Midian lako siulu’na dio pentirona Musa sia mintu’ kasirampunan to Israel, tonna marassan tu tau sitangiran dio to’ ba’ba Tenda Kasitammuan.

LUKAS 19:41

Pakalan tonna mandappi’mo Natiromi tu tondok iato, Natangi’imi,

PA’TOLE 29:23

iamotu mintu’ padang la susito solo’, susi sia, na susi padang mampu’, naurungan tae’ nadiambo’i sia tae’ apa-apa tuo diong mai sia tae’ nakembura, susi tonna kasangganganna tondok Sodom na Gomora, Adma na Zeboim, tu Nasanggang PUANG diona kasengkeanNa sia kare’dekan ara’Na –

TO PARENGNGE’ 20:26

Mangkato malemi tu mintu’ to Israel, iamotu mintu’ bangsa, anna rampo lako Betel; torromi inde to dio anna tumangi’ dio oloNa PUANG, nama’puasa allo iato sae lako makaroenna sia umpemalaran pemala’ ditunu pu’pu’ sia pemala’ kasalamaran dio oloNa PUANG.

1 SAMUEL 24:5

Nakuami tu taunna Daud lako Daud: Allo iamote tu mangka Napokada PUANG lako kalemi, kumua: La Kusorong tu ualimmu, tama limammu ammu pogau’i situru’ lalan penaammu. Ke’de’mi tu Daud anna pela’-pela’i usse’pa’i tu biring bayu lamba’na Saul.