2 DATU 22:17 - Sura' Madatu

¹⁷ belanna naboko’iMo’ tau iato mai sia untunumo pemala’ lako kapenomban senga’, la umpa’dikki penaangKu napobua’ mintu’ panggaraga limanna. Bannang iamoto anna ma’lulu-lulu tu kare’dekan ara’Ku lako inan iate sia tang la dipa’deimo.

2 DATU 22:17 ပူးပေါင်းရင်းမြစ်များ

2 DATU 21:22

Naboko’imo tu PUANG, Kapenombanna nene’ to dolona, sia tae’ naturu’ lalanNa PUANG.

2 OSSORANNA DATU 28:25

Sia lan mintu’ kota Yehuda nagaragai tu inan madao, la nanii untunu pemala’ lako deata senga’. Sia napa’dikki tu penaanNa PUANG, Kapenombanna nene’ to dolona.

2 OSSORANNA DATU 36:16

Apa natelle-telleora tau iato mai tu mintu’ pesuanNa Puang Matua sia nabelle’i tu kadanNa sia nabe’se tu nabinNa, naurungan sakendek-kendekna tu kare’dekan ara’Na PUANG, sae lako tae’mo nama’din dipamatana.

KATASSURAN 32:34

Totemo malemoko, solanni te bangsa iato lako inan, tu Kupokadangko; malaeka’Ku la undoloangko, apa ianna allo kapa’balarangKu, la Kupabala’i tu kasalanna tau iato mai.

YESAYA 33:14

Tirambanmo tu mintu’ to umparri-parri kasalan dio Sion; narampoimo katigegaran tu mintu’ to tang mekaaluk anna ma’kada nakua: Mindariki’ tu ma’din unno’ko’ sikandappi’ kamapannangan masae lako?

YESAYA 5:25

Iamoto anna re’dek tu ara’Na PUANG lako taunNa sia Nae’teran lima tu tau iato mai anNa pata’pai, naurunganni tiseno-seno tu mai buntu, na iatu mai batang rabukna tau iato mai butung rumpang situlambenan lako lalan. Moi anna susito iate mintu’na, tae’ anna poradanni kasengkeanNa Puang, sangadinna tontong bangpa tie’te’ tu limanNa.

YEREMIA 17:27

Apa iake manokakomi umperangiiNa’, kumua: la mipamadatu tu allo katorroan sia da mimamaa sia umbaa pamaan tama babangan Yerusalem ke allo katorroan, manassa la umpadukkuNa’ misa’ api lan babanganna, tu la ussappii mintu’ tongkonan layukna Yerusalem sia tang pa’de-pa’deanna.

YEREMIA 22:9

Anna mebali nakua: Belanna naboko’imo tau iato mai tu basseNa PUANG, Kapenombanna, sia tukku umpenombai sia umpengkaolai deata senga’.

YEREMIA 36:7

Den sia manii upa’ tu palakunna dipenomban dio oloNa PUANG, anna pantan mengkatoba’ tu tau iato mai dio mai lalan kadakena; belanna lendu’ kapuana tu kasengkeanNa sia kare’dekan ara’Na PUANG, tu Napakarranganni te bangsa iate.

YEREMIA 7:20

Iamoto, kadanNa Puangta PUANG, iatu kasengkeangKu sia kare’dekanna ara’Ku la tibarrak indete inan iate, lako tolino sia lako mintu’ olo’-olo’, lako mintu’ garonto’ kayu dio lu padang sia lako mintu’ bura padang; iamoto tu la dukku tang pa’de-pa’de.

MIKHA 5:13

La Kulampi’i duka tu lentong dipodeatammu lanmai tangngamu sia la Kusanggangi tu mintu’ kotamu.

ZEFANYA 1:18

Moi salakana moi bulaan tae’ nakullei urrampananni tu tau iato mai, ke allo kare’dekan ara’Na PUANG. Api kamangimburuanNa la umpurai nakande tu mintu’ lino, belanna la Napaden tu kasanggangan, ondongpi katappuran megiangan lako mintu’ to untorroi kuli’na padang.

ZAKHARIA 1:2

Lendu’ tongan sengkeNa PUANG lako nene’ to dolomi,

PA’TOLE 32:21

Tau iato mai umpatiakka’ kanokangKu ditimba oloKu tete dio apa tangia kapenomban, sia umpamapa’di’ penaangKu diona apa tang kebattuan. Iamoto la Kupatiakka’ tu pangimburuanna tau iato mai diona to tangia bangsa, sia la umpamapa’di’ penaanna diona misa’ bangsa baga.

PA’TOLE 32:22

Belanna misa’ api dukku lan kare’dekan ara’Ku; tu ma’kande sae rokko to’ mandalanna lino to mate; pura nalalle tu kapadanganna sola burana, sia namampu’i tu garonto’na mintu’ buntu.

PA’TOLE 32:23

La Kuboton tu kamandasan lako tau iato mai, sia mintu’ tinaranKu la Kupananni tu tau iato.

1 TESALONIKA 2:16

sia nagagaikan ma’kada lako tu mai to kapere’, dikua anna kabu’tui kamakarimmanan; iatu iannato nanii to Yahudi nenne’ untompei kasalanna; apa narampoimo kasengkeanNa Puang Matua landa’ lako ma’katampakanna.