2 DATU 22:14 - Sura' Madatu

¹⁴ Malemi tu to minaa Hilkia sia Ahikam sia Akhbor sia Safan sia Asaya lako Hulda, nabi baine, bainena Salum, to ma’kampa pakean, anakna Tikwa, anakna Harhas. Iatu Hulda torro dio Yerusalem lan kampong ba’ru. Anna sipa’kada-kada tau iato mai tu baine iato.

2 DATU 22:14 ပူးပေါင်းရင်းမြစ်များ

2 DATU 10:22

Ma’kadami tu Yehu lako to ma’kampa inan pakean, nakua: Patassu’i tu pakean tu napake to umpengkaolai Baal. Napatassurammi pakean tu tau iato mai sola nasang.

2 DATU 22:15

Ma’kadami lako tau iato mai nakua: Inde sia tu kadanNa PUANG, Kapenombanna to Israel, Nakua: Pokadanni tu tau ussuakomi sae umpellambi’iNa’, kumua:

2 OSSORANNA DATU 34:22

Malemi tu Hilkia sola tu mintu’ to nasua datu lako Hulda, nabi baine, bainena Salum, to ma’kampa pakean anakna Tokhat, anakna Hasra. Iatu Hulda torro dio Yerusalem lan kampung ba’ru. Naparampomi lako tu kada iato.

NEHEMIA 7:72

Iatu mintu’ to minaa sia to Lewi sia to ma’kampa babangan sia to menani, sia ba’tu pira-pirai tu to buda sia to pabali-balian lan Banua Kabusungan sia mintu’i tu to Israel senga’, male ma’tondok lan lu kotana.

KATASSURAN 15:20

Naalami Miryam, nabi baine, anak daranna Harun tu ganda’-ganda’, anna tassu’ tu mintu’ baine unturu’i, anna undedek ganda’-ganda’ sia ma’gellu’.

YEREMIA 39:14

nasuami tu tau male unnala Yeremia dio mai tarampak pa’kampan, anna sorongi lako Gedalya, anakna Ahikam, anakna Safan, naeloranni umba-umba tu naporai. Susimoto natorro tu Yeremia dio lu to’ to buda.

YEHEZKIEL 13:17

Na iko, e ma’rupa tau, tingo lakoko to’ anak dara bangsamu, tu ma’nubua’ unturu’ tanan penaanna; ma’nubua’ko unneai sia ma’kadako, kumua:

MIKHA 6:4

Tae’raka Kumangka ussolangko tassu’ lan mai tondok Mesir sia Kula’bakko lan mai inan munii dipokaunan, sia Kusua tu Musa, Harun sia Miryam undoloangko?

ZEFANYA 1:10

Allo iato, kadanNa PUANG, la den urruk kapua dio mai babangan Bale sia tangi’ dio mai kota ba’ru sia ongngo’ memassan dao mai tanete.

LUKAS 2:36

Den misa’ tau, disanga Hana, nabi baine, anakna Fanuel, bati’na Asyer, masaimo tau; anak darapa nakemuane napitung taunri sisola muanena;

PENGGAURANNA RASULU’ 21:9

Iate tau iate den anakna a’pa’ anak dara, ma’nubua’.

1 KORINTUS 11:5

Apa mintu’na tu baine massambayang ba’tu ma’nubua’ anna tae’ nama’lullung, umpamatuna ulunna, belanna pada bangsia digalepo’i to.

TO PARENGNGE’ 4:4

Attu iato iatu Debora, nabi baine, bainena Lapidot, urrengnge’ to Israel.