2 DATU 22:13 - Sura' Madatu

¹³ Malekomi umpekutanangki’ timbanganNa PUANG, iamotu aku sia to buda sia mintu’ to Yehuda diona mintu’ kada lan te sura’ iate, tu diapparammo, belanna mandu tu kare’dekanna ara’Na PUANG, tu ma’lulu-lulu lako kita, belanna tae’ naperangii nene’ to dolota tu mintu’ kada lan sura’ iate sia tae’ naturu’i tu mintu’ apa Nasurasangki’.

2 DATU 22:13 ပူးပေါင်းရင်းမြစ်များ

2 DATU 23:26

Apa moi susito tae’ duka natibalik tu PUANG dio mai kare’dekan kapuaNa, tu dukku ma’lulu-lulu urrampoi Yehuda diona mintu’ pa’di’ penaa tu napa’dikanNi Manasye.

2 DATU 3:11

Ma’kadami tu datu Yosafat nakua: Tae’raka nabinNa PUANG inde te, tu la tapotete mekutana lako PUANG? Mebalimi tu misa’tomase’ponna datu to Israel nakua: Inde siate tu Elisa, anakna Safat, tu umbolloi limanna Elia.

2 OSSORANNA DATU 29:6

Belanna iatu mai ambe’ta tang maruru’ tonnanu’, umpogau’mo apa kadake dio pentiroNa PUANG, Kapenombanta, sia natampemo sia tae’mo nasailei tu inanNa PUANG sia naboko’imo.

2 OSSORANNA DATU 34:21

Malekomi umpekutanan timbanganNa PUANG, anNa pamanassai lako kaleku sia lako tu mai mintu’ to torropa dio lu Israel sia Yehuda tu diona mintu’ kada lan te sura’ dikabu’tui, belanna mandu tu kare’dekanna ara’Na PUANG, tu Nabarrakan lako kaleta, belanna tae’ nakaritutui nene’ to dolota tu kadanNa PUANG sia tae’ napogau’i susitu disura’ lan sura’ iate.

NEHEMIA 9:3

Iatonna bendanmo tu tau iato mai dio inanna, nabasami tau lan mai sura’ Sukaran alukNa PUANG, Kapenombanna, sangtepo allo, anna mangaku sala sangtepo allo sia tukku menomba dio oloNa PUANG, Kapenombanna.

PA’PUDIAN 106:6

Mangkamokan kasalan susito doloki, sia umpogau’mokan kakadakean sia tang mekaalukmokan.

PA’PUDIAN 25:14

Iatu kada rasianNa PUANG lu lako to ungkasiri’I, sia iatu basseNa la dipasombo lako.

PA’PUDIAN 76:7

O Kapenombanna Yakub, belanna peada’Mi, anna mintu’ kareta sola darang leppengmo.

PA’PUDIAN 76:8

Kamumo, sia inang Kamumo tu metakuran; sia mindara la tumanan dio oloMi, ke re’dekki tu ara’Mi?

KATASSURAN 20:5

Da’ mutukku umpenombai sia da’ mupengkaolai, belanna Akumo PUANG, Kapenombammu, Kapenomban manoka ditimba oloNa, tu umpapakkanni kakelokanna mintu’ ambe’ lako anakna, sae lako osso’ ma’pentallunna sia ma’penna’pa’na tu mintu’nato ungkabiri’Na’,

SARAMBU PEADA’ 3:6

Kasiri’i tu Puang dio lu mintu’ lalanmu, na Ia la umpamarantei tu lalanmu.

YESAYA 5:25

Iamoto anna re’dek tu ara’Na PUANG lako taunNa sia Nae’teran lima tu tau iato mai anNa pata’pai, naurunganni tiseno-seno tu mai buntu, na iatu mai batang rabukna tau iato mai butung rumpang situlambenan lako lalan. Moi anna susito iate mintu’na, tae’ anna poradanni kasengkeanNa Puang, sangadinna tontong bangpa tie’te’ tu limanNa.

YEREMIA 16:12

Sia belanna kamu te umpogau’ kakadakean losong anna nene’ to dolomi, iamotu pada unturu’mokomi kamakarrasan penaa kadakemi sia manoka umperangiiNa’,

YEREMIA 36:7

Den sia manii upa’ tu palakunna dipenomban dio oloNa PUANG, anna pantan mengkatoba’ tu tau iato mai dio mai lalan kadakena; belanna lendu’ kapuana tu kasengkeanNa sia kare’dekan ara’Na PUANG, tu Napakarranganni te bangsa iate.

YEREMIA 37:17

Nasuami datu Zedekia tu tau lao unnalai, anna kutanai bunii datu lan tongkonan layukna, nakua: Denraka kada dio mai PUANG? Mebalimi tu Yeremia nakua: Den; sia nakuapa: La disorongkomi tama limanna datu Babel.

YEREMIA 44:17

Sangadinna inang la kipogau’ bangmo kami tu mintu’ apa kipokada, iamotu memala’ lako datu baine dao langi’ sia umpennoloan pemala’ pantedok, susitu mangka kipogau’, la kami sia nene’ to doloki, la mintu’ datungki sia mintu’ arungki lan mintu’ kota Yehuda sia dio lu batattana Yerusalem; attu iato ungkandekan roti sadia’ki sia manamanmokan sia tang untirokan kasanggangan.

BATING 5:7

Iatu mai ambe’ki kasalammo, totemo pa’demo, na iatu mintu’ salana, kami nasang umpassanni.

DANIEL 9:10

sia tang umperangiimokan gamaranNa PUANG, Kapenombangki, sia tang unturu’mokan sukaran aluk, tu mangka Nabenkan nalopian mintu’ taunNa, iamotu mai nabi.

SURA’ KATOMINAAN 26:14

Apa iake tae’i miperangiiNa’ sia tae’ mituru’i tu mintu’ pepasan iate,

AMOS 3:7

Manassa tae’ Napogau’i Puangta PUANG tu mintu’ apa, ke tae’pi Napasamboi tu pa’timbanganNa lako taunNa, iamotu mintu’ nabi.

NAHUM 1:6

Minda la unnattai bendan dio olo katorrong-torronganNa? Mindara la umpatananni tu kasengkean ma’lana-lananNa? Iatu kare’dekan ara’Na tibarrak susi api sia iatu mai buntu batu tesse-tesse dio oloNa.

ROMA 3:20

Apa iatu umpogau’ Sukaran aluk, tae’ tau misa’ dibilang malolo dio oloNa Puang Matua, belanna lan mai tu Sukaran aluk nanii bu’tu tu dininna untandai kasalan.

ROMA 4:15

Belanna iatu napabu’tu Sukaran aluk, iamotu kasengkean, apa umba-umba tu tang nanii Sukaran aluk, inde to tae’ duka kauntengkaian Sukaran aluk.

ROMA 7:9

Dolona tuo tang untoena’ Sukaran aluk, apa iatonna sae tu atoran, tuomi sule tu kasalan,

PA’TOLE 27:26

Tampak ropu lako to tang umbilang kada Sukaran aluk iate, belanna tae’ naturu’i. Anna mintu’ bangsa mebali nakua: Amin.

KADA OMBO’ LAKO RASULU’ YOHANES 6:17

Belanna allo kapua, iamotu allo kasengkeanNa saemo; mindara la unnattai umpatananni?