2 DATU 22:11 - Sura' Madatu

¹¹ Iatonna rangimi datu tu mintu’ kada lan mai sura’ Sukaran aluk, naserek-serekmi tu tamangkalena.

2 DATU 22:11 ပူးပေါင်းရင်းမြစ်များ

KADADIAN 37:34

Naserekmi Yakub tu tamangkalena, anna pododo karoro’ sia ma’barata ba’tu pirang-pirang allo diona tu anakna.

2 DATU 22:10

Sia naparampo duka Safan pangulu to massura’, lako datu nakua: Nabenna’ to minaa Hilkia misa’ sura’. Nabasami Safan dio olona datu.

2 DATU 22:19

belanna malamma’ tu penaammu sia umpamadiongangko kalemu dio oloNa PUANG, tommu mangka urrangii tu apa mangka Kupokada diona te inan iate sia iatu to torro lan, kumua la metakuran sia tampakan ropu, sia belanna usserek-serekko tamangkalemu sia tumangi’ dio oloKu, iamoto Kuperangii dukako, kadanNa PUANG.

2 OSSORANNA DATU 34:19

Iatonna rangimi datu tu mintu’ kada Sukaran aluk, naserek-serekmi tu tamangkalena.

PA’PUDIAN 119:120

Rumonting tu kaleku diona kametakuramMi, sia mataku’na’ belanna mintu’ pa’paolaimMi salu.

YESAYA 66:2

Mintu’nate apa iate inang panggaraga limangKu, susimoto anna dadi tu mintu’ ma’dandan maritik, kadanNa PUANG; apa iatu tau iato Kutiro lumbang, iamotu to umpamadiongan penaanna sia to bonnong penaanna sia ungkataku’ kadangKu.

YEREMIA 36:16

Iatonna rangimi tau iato mai tu mintu’ kada iato, pada umpokadami kamatakuranna, nakua: Inang la kiparampoan duka datu te mintu’ kada iate.

YEREMIA 36:24

Tae’ duka natiramban tu penaanna tau iato mai sia tae’ duka naserek-serekki tu pakeanna la datu la mintu’ to mase’ponna, tonna rangii tu mintu’ kada iato.

YOËL 2:13

Sessei tu penaammi, da na iatu tamangkalemi sia mengkatoba’komi lako PUANG, Kapenombammi. Belanna sumpu mamase sia sa’pala buda tu Puang, kalando pesuka’ sia kapua kamasokananNa, sia Napenassanni tu diona kamandasan.

AMOS 2:4

Inde sia tu kadanNa PUANG Nakua: Belanna tallu tu kapatodo-tintinganna Yehuda, ondongpi belanna a’pa’, iamoto natae’ Kula umpasalai ukungan. Belanna natumpu tu Sukaran alukNa PUANG sia tae’ nakaritutui tu mintu’ apa Napondok Puang, sangadinna napapusamo deata mo’rangna tu naturu’mo nene’ to dolona,

YOSUA 7:6

Naserek-serekmi Yosua tu pakeanna, anna lumbang rokko padang dio tingayo pattinNa PUANG sae lako makaroeanna, la ia la mintu’ pekaamberanna to Israel, sia naambo’i barra’-barra’ tu ulunna.