2 DATU 21:9 - Sura' Madatu

⁹ Apa tae’ naperangii tau iato mai, belanna napapusa Manasye, naurunganni umpogau’i tu apa mandu kadake na penggauranna mintu’ bangsa, tu Nasabu’i PUANG dio tingayona to Israel.

2 DATU 21:9 ပူးပေါင်းရင်းမြစ်များ

1 DATU 14:16

Sia la Nasa’biangan tu to Israel natumang kasalanna Yerobeam sia kasalan tu napa’pesuan lako to Israel umpogau’i.

2 DATU 16:3

Sangadinna unturu’ bate lalanna mintu’ datu to Israel. Sia api napamaindananni tu anakna susi penggauran megallianna mintu’ bangsa tu Naula’i PUANG dio mai tingayona to Israel.

2 DATU 21:10

Iamoto Nama’kada tu PUANG nalopian mintu’ taunNa, iamotu mai nabi, nakua:

2 OSSORANNA DATU 33:9

Napapusa Manasye tu to Yehuda sia iatu to lan Yerusalem, naurunganni umpogau’i tu apa mandu kadake na penggauranna mintu’ bangsa, tu Nasabu’i PUANG dio tingayona to Israel.

2 OSSORANNA DATU 36:16

Apa natelle-telleora tau iato mai tu mintu’ pesuanNa Puang Matua sia nabelle’i tu kadanNa sia nabe’se tu nabinNa, naurungan sakendek-kendekna tu kare’dekan ara’Na PUANG, sae lako tae’mo nama’din dipamatana.

NEHEMIA 9:26

Apa iatu tau iato mai pabali-bali sia naeaKomi sia natibe lako boko’na tu sukaran alukMi sia napatei tu mai nabimMi, tu unnada’i la umpasulei tu tau iato mai lako Kalemi, sia umpogau’ apa tarru’ megi’giran.

PA’PUDIAN 12:8

O PUANG, Kamumo la ungkampaikan to makario-rio, sia Kamumo la tontong urrinding pala’kan dio mai to tama bilangan iate.

PA’PUDIAN 81:10

Da muden umpekalangka’i deata to senga’, sia da mupenombai deata to salian lembang.

SARAMBU PEADA’ 29:12

Misa’ to ma’parenta umperangii bang kada tang tongan – iatu mintu’ to naala parea tang mekaaluk nasang.

YEHEZKIEL 11:12

Ammi tandai, kumua Akumo tu PUANG, tu tae’ mituru’i tu apa Napondok sia tae’ mikaritutui tu aturanNa, sangadinna mikaritutui tu atoranna mintu’ bangsa untikuikomi.

YEHEZKIEL 16:47

Apa tae’ ammu turu’ mannai tu bate lalanna sia tae’ muturu’ mannai tu penggauran megallianna, sangadinna tae’ namasai ammu mandumo kadake lan mintu’ penggaurammu.

YEHEZKIEL 22:3

Ma’kadako kumua: Inde sia tu kadanNa Puangta PUANG: E kota, tu umpatibollo rara lan tangngamu, naurungan nalambi’ attunna sia unggaragangko kalemu rapang-rapang dipodeata la urruttakkiko.

YEHEZKIEL 5:6

Apa tang mekaaluk umbali-bali atorangKu losong na iatu mintu’ bangsa sia umbali-bali apa Kupondok losong na iatu mintu’ tondok tiku lao, belanna natibemo tau iato mai tu atorangKu sia tae’mo nalolang unturu’ mintu’ apa Kupondok.

YEHEZKIEL 5:7

Iamoto inde sia tu kadanNa Puangta PUANG Nakua: Belanna mandukomi pabali-bali na iatu mintu’ bangsa untikuikomi sia tae’ milolang unturu’ apa Kupondok sia tae’ mikaritutui tu atorangKu, ondong pissanpi tae’ mikaritutui tu atoranna mintu’ bangsa untikuikomi –,

DANIEL 9:6

Sia tae’ kiperangii tu mai taumMi, iamotu mai nabi, tu ma’kada tete dio sangamMi lako mintu’ datungki, mintu’ arungki, mintu’ nene’ to doloki sia lako mintu’ tau lan tondok.

HOSEA 5:11

Iatu Efraim dipakario-riomo, sia disanggangmo napobua’ salunna, belanna naala penaanna male unturu’ apa tae’ gai’na.

LUKAS 13:34

E Yerusalem, Yerusalem, tu umpatei tu mai nabi sia untumbui batu tau disua lako kalemu, ba’tu pempiranMo’ la morai urrampun anakmu susi indo’ manuk urrampun anakna lan to’ pani’na, apa manokakomi.

YOHANES 15:22

Iake tae’i Kusae ma’kada-kada lako tu tau, tae’ nakasalan, apa totemo tae’mo napa’posangai tu diona kasalanna.

YAKOBUS 4:17

Iamoto, iake to unnissan umpogau’ melo, apa tae’ napogau’i napokasalan.

KADA OMBO’ LAKO RASULU’ YOHANES 2:20

Apa den apa Kusayuangko, iamotu mupopa’elo’na tu baine disanga Izebel ungganti kalena nabi, sia mangada’ anna umpapusa mintu’ taungKu ma’gau’ sala sia ungkande apa dipemalaran lako deata.

1 SAMUEL 8:19

Apa manoka tu tau umperangii tu kadanna Samuel, sangadinna nakua: Moi umba nakua, inang la den tu datungki.