2 DATU 21:8 - Sura' Madatu

⁸ Tae’mo Kula umpatengkai tu lette’na to Israel lan mai tondok tu mangka Kukamasean nene’ to dolona, podo ke nakaritutui tu mintu’ apa Kupasan lako sia mintu’ sukaran aluk tu mangka napasan Musa, taungKu, lako tau iato mai.

2 DATU 21:8 ပူးပေါင်းရင်းမြစ်များ

2 SAMUEL 7:10

Sia la Kupamanassan misa’ inan tu taungKu, to Israel, Kupamari’pii inde to, kumua anna torro dio inan manassa, da nadipatiramban lu lako lu dio mai sia da duka napakario-rioi to bulituk, susi tonna dolona,

1 OSSORANNA DATU 17:9

Sia la Kupamanassan misa’ inan tu taungKu, to Israel angKu pamari’pii ma’tondok inde to dio, kumua namanassa tu naninna siamo torro, da nadipatiramban lu lako lu dio mai, sia da duka napa’dikki to ma’pakario-rio, susi tonna dolona,

2 OSSORANNA DATU 33:8

Tae’mo Kula umpatengkai tu lette’na to Israel lan mai tondok mangka Kupamanassan nene’ to dolomi napomana’, podo ke nakaritutui tu mintu’ apa Kupasananni, iamotu mintu’ sukaran aluk sia apa dipondok sia mintu’ atoran, tu mangka naparampo Musa lako kalena.

PA’PUDIAN 37:3

Posande’i tu PUANG sia pogau’i tu kameloan, mari’piko lan tana iate sia karitutui tu kamarurusan.

YESAYA 1:19

Iake la moraikomi mengkaola sia ma’perangi, manassa la mikande tu bura maelona te padang.

YEREMIA 7:23

sangadinna pepasan iate Kupokadan tau iato mai, kumua: La miperangii te kadangKu, iake susito iate Aku te KapenombammiNa’ na kamu taungKukomi; la mituru’ tu mintu’ lalan Kupasanangkomi, ammi makarimman.